EFESIËRS 4:29
EFESIËRS 4:29 Afrikaans 1933/1953 (AFR53)
Laat daar geen vuil woord uit julle mond uitgaan nie, maar net 'n woord wat goed is vir die nodige stigting, sodat dit genade kan gee aan die wat dit hoor.
EFESIËRS 4:29 Die Bybel 2020-vertaling (AFR20)
Nie 'n enkele afbrekende woord moet uit julle mond kom nie, maar eerder 'n woord wat goed is vir noodsaaklike opbou, sodat dit voordeel mag bring vir diegene wat dit hoor.
EFESIËRS 4:29 Contemporary Afrikaans Bible 2023 (CAB23)
Laat daar geen bedorwe woord uit julle mond uitgaan nie, maar wat goed is tot stigting, sodat dit genade kan dien aan die hoorders.
EFESIËRS 4:29 Bybel vir almal (ABA)
Julle moenie slegte dinge van mense sê nie, julle moet net dinge sê wat hulle geloof sterker sal maak en wat hulle sal help om te weet dat God goed is.
EFESIËRS 4:29 Afrikaans 1983 (AFR83)
Vuil taal moet daar nooit uit julle mond kom nie; praat net wat goed en opbouend is volgens die eis van omstandighede, sodat dit julle hoorders ten goede kan kom.
EFESIËRS 4:29 Die Boodskap (DB)
Moet ook nie allerhande vuil grappe vertel of lelike praatjies maak nie. As julle iets sê, moet dit iets wees wat die moeite werd is om te sê en vir ander iets beteken. Kyk wat nodig en goed is om in die omstandighede te sê en sê dit dan.
