Gewilde Bybelverse vanaf Lucas 19

Deel

Come i Yalobil Wiñic tsa' tili i sʌclan jiñi sajtem bʌ, tsa' tili i coltañ.

Tsi' yʌlʌyob: —La' sujbic i ñuclel Rey mu' bʌ i tilel ti' c'aba' lac Yum, ñʌch'ʌl i pusic'al jiñi am bʌ ti panchan, ñuc jiñi am bʌ ti chañ.

Jesús tsi' su'be: —Wʌle tsa'ix juli i coltʌntel jiñi año' bʌ ti ili otot, come jiñʌch i yalobil Abraham ja'el.

Che' bʌ tsa' c'oti Jesús ba'añ Zaqueo, tsi' letsa i wut, tsi' q'uele, tsi' su'be: —Zaqueo, juben ti ora come wersa yom mic jijlel ya' ti a wotot. Jiñi cha'añ ora jach tsa' ju'bi Zaqueo. Tijicña i pusic'al tsi' pʌyʌ majlel Jesús ti' yotot.

Jiñi cha'añ Zaqueo che' wa'al ti tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel.

Jiñi cha'añ cha'tiquil uxtiquil fariseojob ya' bʌ añob ti' tojlel bajc'ʌl wiñicob x'ixicob, tsi' su'beyob Jesús: —Maestro, tiq'ui jiñi xñopt'añob a cha'añ. Jesús tsi' su'beyob: —Mic su'beñetla, mi tsa' ñʌjch'iyob mi' caj ti c'am bʌ t'añ jiñi xajlel tac.