Gewilde Bybelverse vanaf Lucas 13

Deel

—Cha'lenla wersa cha'añ mi la' wochel ti ch'och'oc bʌ i ti'. Come mic su'beñetla ca'bʌlob mi caj i ñopob ochel pero ma'añic mi caj i mejlelob.

Ya'añ x'ixic am bʌ i c'am-ʌjel waxʌclujump'ejlix (18) ja'b, c'uchucña tsi' cha'le xʌmbal, ma'añic tsa' mejli i toj-esan i pat cha'añ i xi'bʌjlel. Che' bʌ tsi' q'uele Jesús, tsi' pʌyʌ tilel, tsi' su'be: —X'ixic c'oq'uesʌbiletix ti a c'am-ʌjel.

Tsi' yʌc'ʌ i c'ʌb ti jiñi x'ixic, ti ora tsa' toj-esʌbenti i pat. Tsi' tsictesa i ñuclel Dios.

Awilan, añ wi'ilobix bʌ mu' bʌ caj i c'axelob majlel ti ñaxan; añ ñaxaño' bʌ mu' bʌ caj i cʌytʌlob ti wi'ipat.

Ti wi'il i yum otot mi caj i ch'ojyel i ñup'ben i ti' otot, che' añetla ti jumpat mi caj la' pejcan i yum ya' ti ti' otot. Mi caj la' wʌl: “C Yum, c Yum, jambeñon lojon”, i yum otot mi caj i su'beñetla: “Mach cujilic baqui ch'oyoletla.”

Mic su'beñetla: ma'añic, mi ma'añic mi la' cʌy la' mul che'ʌch mi caj la' jilel ja'el ti la' pejtelel.

Pero i yum otot mi caj i su'beñetla: “Mic su'beñetla, mach cujilic baqui ch'oyoletla; loq'uenla tic tojlel pejteletla mu' bʌ la' cha'len jontolil.”

Jesús tsi' yʌlʌ: —¿Bajche' mi' mejlel lac lajin i yumʌntel Dios? ¿Chuqui yic'ot mi mejlel c lajin? Lajalʌch bajche' i bʌc' mostaza tsa' bʌ i ch'ʌmʌ wiñic, tsi' wejch'u ti lum, tsa' coli, tsa' ochi ti colem te'; jiñi te'lemut tsi' meleyob i c'u' tac ti' c'ʌb jiñi te'.