Gewilde Bybelverse vanaf ᒐᓂᓯᔅ 22

Deel

ᒪᒃ “ᑎᐸᔨᒋᒐᓱᐤ ᑲ ᐅᑎᓂᒪᒐᑦ,” ᒋ ᐃᓯᓂᐧᑲᑎᒻ ᐊᑉᕋᐊᒻ ᐊᓂᔭ ᐃᑕᐅᓂᔪᐤ ᑭᔭ ᐃᔪᒡ ᐃᔭᐱᒡ ᐊᓄᒡ ᑲᓯᑲᔨᒡ ᒂ ᐃᔅᒋᔄᒡ, “ᐊᓐᑕ ᐅᐱᔅᑯᑎᓇᒥᒡ ᑎᐸᔨᒋᒐᓱᐤ, ᒋᑭ ᐅᑎᓂᒪᒐᐤ᙮”

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ᒋᔅᒐᔨᑕᓐ ᐊ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ᐊᓏᑕᓐ ᑲ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”

ᐊᑉᕋᐊᒻ ᐃᑕᐤ᙮ “ᓂᑯᓴ, ᐎᔾ ᑎᐱᔨᐛ ᒋᓴᒪᓂᑐᐤ ᒋᑭ ᐅᑎᓇᐤ ᒪᔭᑕᓂᓴ ᒐ ᒥᑐᔅᑕᐊᒪᒐᐛᐧᒄ᙮” ᐊᑯ ᒪᒧᐤ ᐊᑎ ᐱᒧᑕᒡ᙮

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮ ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᓇᓇᒐ ᒋᓴᒪᓂᑐᐤ ᒋ ᑯᒂᒐᐊᐤ ᐊᑉᕋᐊᒪ ᑭᔭ ᒂ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ᓂᑐᑕᑎᓐ᙮”

ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !” ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”

ᒥᓄᐛᒡ ᒋᒋᒋᓯᑯᒡ ᐛᒋ ᑕᑈᑎᑯᑦ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ᙮ ᒂ ᐃᑎᑯᑦ, “ᓂᑦ ᐃᓯᓂᐧᑲᓱᐅᓂᒡ ᐅᒡ ᓂ ᑐᑕᓐ ᐊᓱᑎᒪᒐᐎᓐ ᐃᔅᒋᔄᐤ ᐅᑎᐸᔨᒋᒐᐤ, ᐛᔅ ᐊᓐ ᑎᔭᑈᑐᐎᓐ ᑭᔭ ᐊᑲ ᐅᒋᑯᔅᑎᔨᓐ ᑲ ᐸᐃᑯᑦ ᒋᑯᔅ᙮

ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮