Gewilde Bybelverse vanaf Luuka 17

Deel

Pwʉ ʉYɨɨsʉ akambʉʉla akata, “Ɨma, bɨhaga, ʉNgʉlʉve akʉponiitse kʉ nzɨla jya lwɨdɨko lwako!”

Ndavɨ jɨve ikʉkʉnangɨla kavɨlɨ kavɨlɨ mu kɨgono kɨpamato, nʉ kʉkilivuka kwave kavɨlɨ kavɨlɨ kwita, ‘Ndɨpelile,’ ʉve nsyɨkɨle!”

Pwʉ impamato pagati pa veene, wʉ aweene aponile, akakilivuka ngʼaningʼaani kwa Yɨɨsʉ, kʉnʉ ikʉnʼginia siitso ʉNgʉlʉve. Wʉ asiike, akɨgwisa kɨvʉgudamo pavʉlongolo pa silʉnde sya Yɨɨsʉ kʉnʉ ikʉnsaana. Ʉmuunu ʉjwa, aale Nsamaliya.

Lɨno, mwɨlolelage pakʉta muleke ʉkʉvomba ɨlyo! “Ʉmwɨdɨkinnino angakʉnangɨle, tsova nave, angapele, nsyɨkɨle.

ɄYɨɨsʉ akavʉʉtsa akata, “Navavalatsiiwi avaanu vooni kɨtsigo? Avange budikakʉpamato (9) valɨ ndaku?

ɄNtwa ʉYɨɨsʉ akavaanda akata, “Mukaale muve nʉ lwɨdɨko lʉdebe ndavɨ lʉve ndɨ mbeju ɨndebe ʉkʉlʉtɨɨlɨla tsyoni, mukaale mukʉgʉvʉʉla ʉmʼbɨkɨ ʉnkʉjʉ ʉgʉ ʉkʉta, ‘Ngʼongʼovoka ʉkoogame mu nyanza,’ nagwene gʉkaale gukʉvɨɨdɨkɨla!”

Ʉmuunu ʉvaveetsaga ʉvɨ inogwa ʉkʉponia ʉwʉʉmi wa mwene, ʉjwa alawaambʉtsa. Apeene ʉmuunu ʉvaveetsaga ʉvɨ ikʉwaambʉtsa ʉwʉʉmi wa mwene kʉ nongwa jyane, ʉjwa vɨ alavʉpoka.

ɄYɨɨsʉ akavavʉʉla avakongi va mwene akata, “Ingelo itsikʉvapelela avaanu ʉkʉvomba imbiivi pwile isigono syoni. Lɨno, asue vʉvʉle ʉmuunu ʉvipela ingelo itso! Ɨkaale jiiva hʉba kʉ muunu ʉjwa ʉkʉkʉngɨlwa ʉlwala lwa kʉhevetela mu singo, nʉ kʉtaagwa mu nyanza, ʉkʉlɨngʼaania nʉ vʉkʉvɨlwa ʉvʉlambona, angave ikʉmpelela mpamato mu vadebe ava avombe imbiivi!

“Ndʉwʉ jyale mu sigono sya Nwaka, wʉ jɨlaava namu mu sigono sya Mwana va Muunu. Avaanu vaalitsaga nʉ kʉnywa, valɨkʉtegʉla nʉ kʉtegʉlwa, ʉkʉsika ɨkɨgono kɨlya ʉpwʉ ʉNwaka iingye mu ngalava. Apo, ʉlwongometso lʉkiitsa nʉ kwongometsa avaanu vooni.