Gewilde Bybelverse vanaf Иоанн 14

Deel

Слерге амыр берип, барып јадым. Бойымныҥ амырымды слерге берип јадым, телекей берип јаткандый эмес, Мен берип турум. Јӱректеригер тӱймебезин, чочыбазын.

Иисус каруу јандырды: – Мен – јол, чындык ла јӱрӱм. Мен ажыра келбегенче, Адага кем де келип болбос.

Јӱректеригер тӱймебезин. Кудайга бӱдигер, Меге де бӱдигер.

Мениҥ адымда Ада Адаан Алаачыны ийер, Агару Тын дезе, слерди ончозына ӱредип, не ле айтканымды слерге эзедер.

Кемде Мениҥ јакылталарым бар, кем олорды бӱдӱрип турган, Мени сӱӱп турганы ол. Мени сӱӱгенди дезе Адам да сӱӱр, Мен де оны сӱӱрим, ого Бойым ачыларым.

Мен Аданы буурзадарым, ӱргӱлјиге слерле кожо болзын деп, Ол слерге ӧскӧ Адаан Алаачыны – Чындыктыҥ Тынын берер. Оны улус алынып болбос, нениҥ учун дезе Оны кӧрбӧй, билбей јат. Слер дезе Оны билеригер, Ол слерле јӱрӱп јат, слердиҥ бойыгарда болор ине.

Мениҥ адымда нени де суразагар, Ада Уулында макталсын деп, оныгарды бӱдӱрерим. Мениҥ адымда Менеҥ нени де сураар болзогор, сурагарды бӱдӱрерим.

Мени сӱӱп турган болзогор, јакылталарымды бӱдӱригер.

Адамныҥ байзыҥында кыптар кӧп. Јок болгон болзо, слерге јер белетеп барып јадым деп айдар бедим?

Мен барып, слерге јерди белетеп койоло, ойто келерим. Мен кайда болзом, слер де ондо болзын деп, слерди Бойыма аларым.

– Кайракан, кайдаар барып јатканыҥды билбезис – деп, Фома айтты. – Јолды да канайып билетен эдис?