Gewilde Bybelverse vanaf ລູກາ 19

Deel

ດ້ວຍວ່າ, ບຸດ​ມະນຸດ​ໄດ້​ມາ​ເພື່ອ​ຊອກ​ຫາ ແລະ​ໂຜດ​ເອົາ​ຄົນ​ທີ່​ຫລົງ​ເສຍ​ໄປ​ແລ້ວ​ນັ້ນ​ໃຫ້​ລອດພົ້ນ.”

“ຂໍ​ໃຫ້​ກະສັດ ຜູ້​ທີ່​ສະເດັດ​ມາ​ໃນ​ພຣະນາມ​ຂອງ​ອົງພຣະ​ຜູ້​ເປັນເຈົ້າ ຈົ່ງ​ຊົງ​ພຣະ​ຈະເລີນ ສັນຕິສຸກ​ຈົ່ງ​ມີ​ໃນ​ສະຫວັນ ແລະ​ພຣະ​ຣັດສະໝີ​ຈົ່ງ​ມີ​ໃນ​ທີ່​ສູງສຸດ.”

ພຣະເຢຊູເຈົ້າ​ໄດ້​ກ່າວ​ແກ່​ຊັກຂ່າຍ​ວ່າ, “ໃນວັນນີ້ ຄວາມ​ພົ້ນ​ມາ​ເຖິງ​ເຮືອນ​ຫລັງ​ນີ້​ແລ້ວ ເພາະ​ຄົນ​ນີ້​ເປັນ​ລູກຫລານ​ຂອງ​ອັບຣາຮາມ​ເໝືອນກັນ.

ເມື່ອ​ພຣະເຢຊູເຈົ້າ​ມາ​ເຖິງ​ບ່ອນ​ນັ້ນ ພຣະອົງ​ກໍ​ແຫງນ​ໜ້າ​ເບິ່ງ​ຊັກຂ່າຍ ແລະ​ກ່າວ​ແກ່​ລາວ​ວ່າ, “ຊັກຂ່າຍ​ເອີຍ ຮີບ​ລົງ​ມາ ເພາະ​ວັນ​ນີ້​ເຮົາ​ຕ້ອງ​ພັກ​ຢູ່​ທີ່​ເຮືອນ​ຂອງ​ເຈົ້າ.” ຝ່າຍ​ຊັກຂ່າຍ​ກໍ​ຟ້າວ​ລົງ​ມາ ແລະ​ຕ້ອນຮັບ​ພຣະອົງ​ດ້ວຍ​ຄວາມ​ຊົມຊື່ນ​ຍິນດີ.

ແລ້ວ​ຊັກຂ່າຍ​ກໍ​ລຸກ​ຂຶ້ນ​ເວົ້າ​ກັບ​ອົງພຣະ​ຜູ້​ເປັນເຈົ້າ​ວ່າ, “ພຣະອົງເຈົ້າ ພຣະອົງເຈົ້າ​ເອີຍ, ເບິ່ງແມ! ຂ້ານ້ອຍ​ຂໍ​ມອບ​ເຂົ້າຂອງ​ທີ່​ມີ​ຢູ່ ໃຫ້​ແກ່​ຄົນ​ຍາກຈົນ​ເຄິ່ງ​ໜຶ່ງ ແລະ​ຖ້າ​ຂ້ານ້ອຍ​ໄດ້​ສໍ້ໂກງ​ຜູ້ໃດ ຂ້ານ້ອຍ​ກໍ​ຂໍ​ສົ່ງ​ຄືນ​ໃຫ້​ລາວ​ສີ່​ເທົ່າ.”

ແລ້ວ​ພວກ​ຟາຣີຊາຍ​ບາງຄົນ​ໃນ​ປະຊາຊົນ ກໍ​ເວົ້າ​ຕໍ່​ພຣະອົງ​ວ່າ, “ອາຈານ​ເອີຍ ຈົ່ງ​ສັ່ງ​ພວກ​ສາວົກ​ຂອງທ່ານ​ໃຫ້​ມິດງຽບ​ແດ່.” ພຣະອົງ​ໄດ້​ຕອບ​ພວກເຂົາ​ວ່າ, “ເຮົາ​ບອກ​ເຈົ້າ​ທັງຫລາຍ​ວ່າ ຖ້າ​ຄົນ​ເຫຼົ່ານີ້​ມິດງຽບ ກ້ອນຫີນ​ທັງຫລາຍ​ກໍ​ຈະ​ຮ້ອງ​ຂຶ້ນ.”