Gewilde Bybelverse vanaf Yauhas 1

Deel

Tiamsis txhua tus uas los lees yuav Nws thiab ntseeg Nws, Nws pub lawv muaj cai los ua Vajtswv cov menyuam.

Thaum chivkeeb, Txojlus twb yeej muaj nyob lawm; Txojlus ibtxwm nrog Vajtswv nyob, thiab Txojlus ntawd yog Vajtswv.

Qhov kaj ntawd ci hauv qhov tsaus, thiab qhov tsaus yuav kov tsis yeej qhov kaj.

Txojlus ntawd tau los yug ua neeg, Nws puvnpo txoj hmoovhlub thiab qhov tseeb, thiab Nws nyob nruabnrab hauv peb. Peb pom Nws tus tshwjchim ci ntsa-iab, Leejtxiv pub tus tshwjchim ntawd rau Nws, rauqhov Nws yog Leejtxiv tibleeg Tub.

Vajtswv tsim ibpuas tsavyam los ntawm Txojlus ntawd; yog tsis muaj Nws, ibpuas tsavyam ntawd yeej yuav tsis muaj ib yam twg uas yuav tshwmsim tau los li. Txojlus yog lub hauvpaus txojsia, thiab txojsia ntawd yog qhov kaj rau neeg pomkev.

Hnub tomqab, Yauhas pom Yexus taug kev tuaj rau ntawm nws, Yauhas thiaj hais tias, “Nej saib seb, tus ntawd yog Vajtswv tus menyuam Yaj uas yuav ris neeg ntiajteb lub txim!

Txojlus twb los nyob hauv ntiajteb no lawm, thiab Vajtswv tsim lub ntiajteb no yog los ntawm Nws, tiamsis neeg ntiajteb tsis paub Nws. Nws los rau hauv Nws lub teb lub chaw, tiamsis Nws haivneeg tsis lees yuav Nws.

No thiaj yog qhov kaj uas tseeb tiag: qhov kaj tau los rau hauv lub ntiajteb thiab ci rau txhua haivneeg.

Vajtswv muab txoj Kevcai rau peb los ntawm Mauxes, tiamsis Nws muab txoj hmoovhlub thiab qhov tseeb rau peb los ntawm Yexus Khetos.