Gewilde Bybelverse vanaf Chivkeeb 22

Deel

Anplahas thiaj tis npe rau qhov chaw ntawd hu ua, “Tus TSWV npaj tseg.” Thiab txawm yog niaj hnub no los neeg tseem pheej hu hais tias, “Saum tus TSWV lub roob uas nws npaj tseg.”

Vajtswv hais tias, “Koj cia li coj koj tib leeg tub Ixaj uas koj hlub tshaj plaws, mus rau pem tebchaws Mauliyas. Koj cia li muab nws tua hlawv fij pub rau kuv saum lub roob uas kuv yuav qhia rau koj.”

Tus timtswv hais tias, “Tsis txhob tua tus metub ko thiab tsis txhob ua li cas rau nws hlo li.” Nws hais ntxiv tias, “Nimno kuv paub hais tias koj yeej mloog lus thiab hwm Vajtswv heev, rau qhov koj tsis khuvxim koj tib leeg tub, koj zoo siab hlo coj tuaj pub rau kuv.”

Anplahas teb hais tias, “Vajtswv yuav muab ib tug menyuam yaj rau wb.” Ces nkawd ob txiv tub txawm ua ke taug kev mus lawm.

Kuv thiaj coglus tseg rau koj hais tias, kuv yuav pub koj muaj xeebntxwv coob npaum li tej hnubqub saum nruab ntug lossis npaum li tej suabzeb nram ntug hiavtxwv. Koj cov xeebntxwv yuav ntaus yeej lawv cov yeebncuab. Thiab kuv yuav foom koob hmoov tawm ntawm koj cov xeebntxwv mus rau txhua haivneeg uas nyob thoob ntiajteb, vim koj mloog kuv lus.”

Tau ib ntu tom qab no Vajtswv txawm sim Anplahas siab. Vajtswv hu Anplahas hais tias, “Anplahas!” Anplahas teb hais tias, “Kuv nyob ntawm no.”

Tamsim ntawd tus TSWV tus timtswv hu tawg ntho saum ntuj tuaj rau Anplahas hais tias, “Anplahas, Anplahas!” Anplahas teb hais tias, “Kuv nyob ntawm no.”

Tus TSWV tus timtswv rov hu saum ntuj tuaj rau Anplahas dua zaum ob hais tias, “Kuv coglus los ntawm kuv lub npe, kuv yuav foom koob hmoov nplua mias rau koj, tus TSWV yog tus hais li no. Rau qhov koj tau ua raws li kuv hais thiab koj tsis khuvxim koj tib leeg tub uas koj muab fij rau kuv.

Thaum nkawd mus txog ntawm qhov chaw uas Vajtswv qhia rau Anplahas lawm, Anplahas thiaj teeb tau ib lub thaj thiab muab taws tso rau saum lub thaj ntawd. Nws thiaj muab nws tus tub pav thiab coj mus tso rau saum cov taws, saum lub thaj.