Gewilde Bybelverse vanaf मत्ती 18

Deel

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

“जिं छिमित हानं धाये – थ्‍व पृथ्‍वीइ छिपिं सुं निम्‍हय्‌सिनं छगू हे मनं छुं फ्‍वन धाःसा स्‍वर्गय् च्‍वनादीम्‍ह जिमि बाःनं व छिमित बियादी।

वय्‌कलं छम्‍ह मचायात सःताः इमिगु दथुइ थनाः धयादिल – “जिं छिमित धात्‍थें धाये – छिमिसं थःगु बिचाः व बानी त्‍वःताः मस्‍त थें मजुल धाःसा छिमित स्‍वर्गयागु राज्‍यय् दुकाइ मखु।

उकिं थ्‍व मचा थें क्‍वमिलु जुइम्‍ह मनू हे स्‍वर्गयागु राज्‍यय् दकलय् तःधंम्‍ह जुइ।

“सुनां जिगु नामय् थज्‍याःम्‍ह मचायात दुकाइ, वं जितः हे दुकाःगु ति ग्‍यनी।”

“जिं छिमित खःगु खँ धाये – छिमिसं पृथ्‍वीइ पना तःगुयात स्‍वर्गय् नं पना तइ। अले छिमिसं पृथ्‍वीइ त्‍वःता तःगुयात स्‍वर्गय् नं त्‍वःता तइ।

“छिमिसं नं थः दाजुकिजापिन्‍त दुनुगलंनिसें क्षमा याना मबिल धाःसा स्‍वर्गय् च्‍वनादीम्‍ह जिमि बाःनं नं छिमित अथे हे यानादी।”

“सुनानं जितः विश्‍वास याइम्‍ह चिधंम्‍ह छम्‍ह मनूयात पापय् लाकेत स्‍वल धाःसा वयात गःपतय् ल्‍वहंघः घाकाः समुद्रय् क्‍वफायेगु हे बांलाइ।

“छम्‍ह मनूया सछि फैचा दु। छम्‍ह जक फैचा तंसां वं गुइगुम्‍ह फैचात त्‍वःताः तंम्‍ह फैचायात माः मवनी ला?