Gewilde Bybelverse vanaf मत्ती 16

Deel

अले वय्‌कलं चेलातय्‌त धयादिल – “जि नाप वयेगु जूसा छिपिं सुनानं थःगु खँय् छुं हे च्‍यूताः तये मते। अले थःगु क्रूस थःम्‍हं हे क्‍वबिया सीत तकं लिमच्‍युसे जिगु ल्‍यूल्‍यू वा।

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

जिं छन्‍त स्‍वर्गया राज्‍ययागु ताःचा बी। छं पृथ्‍वीइ पना तःगुयात स्‍वर्गय् नं पना तइ, अले छं पृथ्‍वीइ त्‍वःता तःगुयात स्‍वर्गय् नं त्‍वःता तइ।”

थःगु प्राण बचय् यायेत जक स्‍वइम्‍ह मनू नाश जुयावनी। सुनां जिगु निंतिं थःगु प्राण पाइ व बचय् जुइ।

सारा संसार हे ल्‍हातय् दयाः नं व मनू सिनावन धाःसा वयात छु दइ? वं हानं थःगु प्राण छुकिं लिफ्‍याना काइ?

अले वय्‌कलं इमिके न्‍यनादिल – “छिमिसं जितः सु धकाः धयाच्‍वना लय्?” सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।