Gewilde Bybelverse vanaf GENESI 6

Deel

Morena a napa a šegama, a re motho ke mo diretšeng lefaseng, a nyama pelo.

Bjale Morena a bona bokgopo bja batho bo godile mo lefaseng, le tiro ka moka tša diakanyo tša dipelo tša bona e le bobe fela ka mehla.

Ge e le Noage yena o hweditše Modimo a mo lebeletše ka botho.

Ditaba tša Noage tšona šedi: Noage e be e le monna wa go loka, a se na bosodi mo go ba mehleng ya gagwe, e le wa go sepela a na le Modimo.

Ke mo Morena a boletšego a re: Batho ba ke ba bopilego, ke tlo ba fetša mo lefaseng, ka thoma ka batho, ka fetša le diruiwa, le digagabi, le dinonyana tša godimo; ka gobane ke šegamile ke re, ke di diretšeng.

Ya re ge batho ba thoma go ata lefaseng, ba belegetšwe barwedi, barwa ba Modimo ba bona barwedi ba batho e le bona ba babotse, ba tšea basadi mo go bona bao bohle ba ba bego ba ba kgahla. Ke mo Morena a boletšego a re: Moya wa ka o ka se hlwe o buša bathong ka mehla, ke nama mo phapogong ya bona; bjale mehla ya bona e tlo ba nywaga e lekgolo le masome a mabedi. Mehleng yeo mo lefaseng go be go na le ba ditšitširipa, ba ba gona le mehleng ya morago; ka gobane barwa ba Modimo ba be ba tsena go barwedi ba batho, ba ba belegela bana. Bona bao ke bagale bala ba bogologolo, banna, ba maina a a tumilego.

Noage a dira tšona tšeo tšohle, a di dira ka mo Modimo a mo laetšego ka gona.

Ke mo Modimo a boletšego le Noage a re: Bofelo bja nama ka moka bo tlile, ka gobane mo batho ba tlago gona, lefase le tlala tša sehlogo. Bjale nna ke tlo ba senya gotee le lefase.

Wena itirele polokelo ka mamati a morokwana; mo polokelong yeo o dire nywako; o bape ka motimmu ka ntle le ka teng.

Ge Modimo a lebelela lefase a bona le senyegile, nama ka moka e sentše tsela ya yona lefaseng.

Mo polokelong o hlahlele tše pedi tše pedi tša diphedi tšohle, tša nama efe le efe, gore di phologe di na le wena; e be tona le tshadi.