Gewilde Bybelverse vanaf JESAJA 54

Deel

Maar geen wapen wat teen jou gemik word, sal iets teen jou kan uitrig nie. Elke aanklag teen jou sal jy weerlê. Dit is die erflating van die dienaars van die HERE. Aan hulle laat Ek reg geskied,” verklaar die HERE.

Want die berge kan padgee en die heuwels verdwyn. Maar my liefde vir jou sal nooit verander nie, en my verbond van vrede sal nooit gebreek word nie,” sê die HERE wat Hom oor jou ontferm.

“Moenie bang wees nie. Jy sal nie weer verneder word nie. Moenie bang wees vir die skande van voorheen nie. Jy sal die skande van jou jeug vergeet en ook die vernedering toe jy ’n weduwee was.

“Jou Skepper sal ook jou man wees. Die HERE, die Almagtige, is sy Naam. Die Heilige van Israel is jou Redder. Hy is die God van die hele wêreld!

“Maak jou woning groter. Span jou tent wyer, en moenie huiwer nie. Maak die tentlyne langer en slaan die penne dieper in.

Al jou inwoners sal by die HERE leer en hulle sal altyd vrede geniet.

In ’n oomblik van woede het Ek vir ’n kort rukkie van jou weggekyk. Maar nou sal Ek jou vir altyd liefhê,” sê die HERE, jou Redder.

“Vir ’n kort rukkie het Ek jou verstoot, maar omdat Ek jou baie liefhet, vat Ek jou terug.

“Dit is soos in die tyd van Noag toe Ek belowe het dat die waters nooit weer die aarde sal oorstroom nie. So belowe Ek nou dat Ek nooit weer kwaad sal wees en jou straf nie.

Ek bou jou torings van robyne, jou poorte van juwele, en jou stadsmuur van kosbare edelstene.