Gewilde Bybelverse vanaf MATTHEW 24

Deel

Phap bangdao bani khlai hi gabang subung ni hamjaoma khasaoma magain lang la ma se. Thikhabo, sere jamthaoba sosi dukhu khahlao phu du, bo se ning sogo jao ma.

Ode, ebo raji ni hamba graojma khe khrip jadi ni sakhi ja mane khlai hi khrip habsao ha sainthi ma, boni yaohon ha se jamthaoyaba bubli sophai ma.

Jbah ni grao ode jbah ni grao gublungyaba khe nisi khna hi, nisi gmang giji jaya mane khlai hi girik lah. Bede thikhade bo buthu bubli de sophai ma ning; thikhabo, ebo bubli de jam mani khlai hi de niya kho.

Bede thikhade, gibin jadi jang jadi jbah ja ma, raji jang raji jbah ja ma, hathan gibin gibin ha asari galai ma, ode banglama phai ma se. Ebo khrip de sao gojenba ha saba lai ja ma se.

Phirthi jang nokhasao jam nang, thikhabo ani grao de jam nang niya.

Gabang subung, Krista de ang ning thihi ani bumu lahi bonsi phai ma, ode, gabang ning subung bonsi thokhi ma se.

Boha de dukhu ri mane khlai hi nisi khe bonsi rem ri ma, ode nisi khe bonsi sthai ma; ani bumu ni khlai hi khrip jadi nisi khe jajaoya ja ma se. Boha de gabang subung khajao ma, saosi khe saosi rem ri lai ma, ode saosi jang saosi nisi jajaoya ja lai ma se. Ode, mosol gorasali baigo phai ma, ode gabang subung khe bonsi thokhi ma se.

Jisu bonsi khe thiphin ba, Saosi jang bo thokhi jaoya mane khlai hi girik lah.

Odebani, nisi bo salai hi dong lah, nisi salaiya hi dongba bubli hase Marsi ni Basa de phai ma.

Odebani, smao hi dong lah, bakhali nisi ni Gabra phai nang, bokhe nisi tharmaiya.

Bo basain jang bubli de Bupha khe garhi de saosibo, sorgo ni deglaraobo, Basabo bonsi tharmaiya.

Bede thikhade, mosol Krista ode mosol gorasalirao bonsi baigo phu ma; blai khade saikho jaoyarao khebo bonsi thokhi phu mane khlai hi sin ode gmang thaosisi khusi gedeba buthu khebo bonsi dang phnu ma se.

Odehe, Noah thang hi dongba ha bede jaba olei jasosi ning Marsi ni Basa phaiphinba habo ja ma se. Noah ni basain ha dih lim mani sagang hade Noah rung ha hapsingba basain sosi, bonsi jiba lingba, masainjik miyah noh jaba; Dih lim hi bonsi langjao tharya side, bonsi musibo tharmaiya. Marsi ni Basa phaiphinba habo olei ning ja ma se.