NgokukaMarku

Ngokuka Luka

uJohane

iZenzo

2KwabaseKorinte

KwabaseRoma

1 & 2 KwabaseThesalonika

1 no 2 kuThimothewu

KuMaHebheru

1KwabaseKorinte

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="p"> 1Kwathi ukuba uJesu aqede ukuyala abafundi bakhe abayishumi nambili, wamuka lapho ukuyofundisa nokushumayela emizini yabo.</div><div class="s1">Ukufakaza kukaJesu kubafundi bakaJohane nakubantu</div><div class="r">(Luk. 7:18)</div><div class="p"> 2Kwathi-ke uJohane esetilongweni, ezwile ngemisebenzi kaKristu, wathumela ngabafundi bakhe, 3wathi kuye: &#8220;Wena unguye ozayo, noma sobheka omunye na?&#8221;</div><div class="p"> 4UJesu waphendula, wathi kubo: &#8220;Hambani nimlandise uJohane lokhu enikuzwayo nenikubonayo ukuthi: 5 Izimpumputhe ziyabona, izinyonga ziyahamba, abanochoko bayahlanjululwa, izithulu ziyezwa, abafileyo bayavuswa, abampofu bayashunyayezwa ivangeli; 6ubusisiwe ongayikukhubeka ngami.&#8221;</div><div class="p"> 7Kepha sebemuka laba, uJesu waqala ukukhuluma ezixukwini ngoJohane, wathi: &#8220;Naphuma naya ehlane ukuyobonani na? Umhlanga ontengantengiswa ngumoya na? 8Kanti naphuma ukuyobonani na? Umuntu owembethe ezinothonotho na? Bhekani, abembethe ezinothonotho basezindlini zamakhosi. 9Kodwa naphumelani na? Ukubona umprofethi na? Yebo, ngithi kini: Odlula umprofethi. 10 Nguye okulotshwe ngaye ukuthi:</div><div class="b"></div><div class="q1">&#8220; &#8216;Bheka, ngiyathuma isithunywa sami phambi kobuso bakho</div><div class="q1">esiyakulungisa indlela yakho phambi kwakho.&#8217;</div><div class="b"></div><div class="m"> 11&#8220;Ngiqinisile ngithi kini: Kwabazelwe ngabesifazane akuvelanga omkhulu kunoJohane uMbhapathizi; kepha omncane embusweni wezulu mkhulu kunaye. 12 Kepha kusukela emihleni kaJohane uMbhapathizi kuze kube manje umbuso wezulu uyafuzulwa, nabafuzulayo bayawuphanga. 13Ngokuba abaprofethi bonke nomthetho baprofetha, kwaze kwafika uJohane. 14 Uma nivuma ukukwamukela, lo ungu-Eliya obezakufika. 15 Onezindlebe makezwe.</div><div class="p"> 16&#8220;Kepha lesi sizukulwane ngiyakusifanisa nani na? Sifana nabantwana abahlezi ezigcawini bememeza abanye bethi: 17&#8216;Sinibethele imitshingo, anisinanga; salilisela, anikhalanga.&#8217;</div><div class="p"> 18&#8220;Ngokuba uJohane wafika engadli, engaphuzi; bathi: &#8216;Unedemoni.&#8217; 19 INdodana yomuntu yafika idla, iphuza; bathi: &#8216;Bhekani, umuntu oyisiminzi nesiphuzi, umhlobo wabathelisi nowezoni.&#8217; Kodwa ukuhlakanipha kuvunyiwe ngabantwana bakho.&#8221;</div><div class="s1">Ukusolwa kwemizi engaphendukanga</div><div class="r">(Luk. 10:13)</div><div class="p"> 20Wayeseqala ukujezisa imizi okwakwenziwe kuyo iningi lemisebenzi yakhe yamandla, ngokuba ingaphendukanga, wathi: 21 &#8220;Maye kuwe Korazini! Maye kuwe Betsayida! Ngokuba uma kwakwenziwe eTire naseSidoni imisebenzi yamandla eyenziwe kini, ngakube kade yaphenduka ngesaka nangomlotha. 22Kepha ngithi kini: Kuyakuba ngcono kulo iTire neSidoni ngosuku lokwahlulelwa kunakini. 23Nawe Kapernawume uyakuphakanyiselwa ezulwini na? Uyakwehliselwa eHayidese* ngokuba uma yayenziwe eSodoma imisebenzi yamandla eyenziwe kuwe, ngabe likhona nanamuhla. 24 Kepha ngithi kini: Kuyakuba ngcono kulo izwe laseSodoma ngosuku lokwahlulelwa kunakuwe.&#8221;</div><div class="s1">UJesu uyamdumisa uYise, emema abahluphekileyo beze kuye</div><div class="r">(Luk. 10:21)</div><div class="p"> 25 Ngalelo hora uJesu wakhuluma wathi: &#8220;Ngiyakubonga, Baba, Nkosi yezulu nomhlaba, ngokuba ukufihlile lokhu kwabahlakaniphileyo nabanokuqonda, wakwambulela izingane; 26yebo, Baba, ngokuba kwaba kuhle phambi kwakho ukuba kube njalo.</div><div class="p"> 27 &#8220;Konke ngikunikelwe nguBaba; akakho owazi iNdodana, kuphela uYise; akakho futhi owazi uYise, kuphela iNdodana nalowo iNdodana ethanda ukumambulela yena.</div><div class="p"> 28 &#8220;Zanini kimi nina nonke enikhatheleyo nenisindwayo, mina ngizakuniphumuza. 29 Bekani ijoka lami phezu kwenu, nifunde kimi, ngokuba ngimnene, ngithobile ngenhliziyo; khona imiphefumulo yenu iyakufumana impumuzo. 30 Ngokuba ijoka lami lihle, nomthwalo wami ulula.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s1">UJesu uchachisa umyalelo wesabatha</div><div class="r">(Mark. 2:23; Luk. 6:1)</div><div class="p"> 1Ngaleso sikhathi uJesu wadabula amasimu ngesabatha; abafundi bakhe babelambile, baqala ukukha izikhwebu, badla. 2 Kepha abaFarisi bebona lokho bathi kuye: &#8220;Bheka, abafundi bakho benza okungavunyelwe ukuba kwenziwe ngesabatha.&#8221;</div><div class="p"> 3 Wathi kubo: &#8220;Anifundanga yini akwenzayo uDavide msukwana elambile kanye nababe naye 4 ukuthi wangena endlini kaNkulunkulu, wadla izinkwa zokubukwa okungavunyelwe ukuba zidliwe nguye nababe naye kodwa ngabapristi kuphela, na? 5 Futhi anifundanga yini emthethweni ukuthi ngesabatha abapristi bayalona isabatha ethempelini, bangabi nacala, na? 6Kodwa ngithi kini: &#8216;Kukhona lapha okukhulu kunethempeli.&#8217; 7 Kepha uma benazi ukuba kuyini lokhu ukuthi: &#8216;Ngifuna isihawu, hhayi umhlatshelo,&#8217; nga ningabalahlanga laba abangenacala. 8Ngokuba iNdodana yomuntu iyinkosi yesabatha.&#8221;</div><div class="s1">UJesu uphilisa ngesabatha</div><div class="r">(Mark. 3:1; Luk. 6:6)</div><div class="p"> 9Wamuka lapho, wangena esinagogeni* labo. 10Bheka, kwakukhona umuntu onesandla esishwabeneyo; bambuza bathi: &#8220;Kuvunyelwe yini ukuphulukisa ngesabatha na?&#8221; &#8211; ukuze bammangalele.</div><div class="p"> 11 Kepha wathi kubo: &#8220;Ngumuphi umuntu kini enemvu eyodwa, uma iyele emgodini ngesabatha, ongayikuyibamba, ayikhiphe, na? 12Pho-ke, umuntu udlula imvu kangakanani. Ngakho-ke kuvunyelwe ukwenza okuhle ngesabatha.&#8221;</div><div class="p"> 13Khona wathi kulowo muntu: &#8220;Yelula isandla sakho.&#8221; Wayeseselula, sasinda saba njengesinye. 14 Base bephuma abaFarisi, benza isigungu ngaye ukuba bambhubhise.</div><div class="p"> 15Kepha uJesu ekwazi lokho wamuka lapho. Bamlandela abaningi, wabaphulukisa bonke. 16Wabayalisisa ukuba bangamzwakalisi, 17ukuze kugcwaliseke okwakhulunywa ngo-Isaya umprofethi ukuthi:</div><div class="b"></div><div class="q1"> 18 &#8220;Bheka, inceku yami engiyikhethileyo,</div><div class="q1">othandiweyo wami othokoza ngaye umphefumulo wami,</div><div class="q1">ngiyakuzisa uMoya wami phezu kwakhe,</div><div class="q1">amemezele ukwahlulela kubo abezizwe.</div><div class="q1"> 19Akayikubanga, akayikubangalasa,</div><div class="q1">akakho oyakulizwa izwi lakhe ezitaladini.</div><div class="q1"> 20Umhlanga ofecekileyo akayikuwaphula,</div><div class="q1">umongo othunqayo akayikuwucima,</div><div class="q1">aze aphumelelise ukwahlulela,</div><div class="q1">kunqobe.</div><div class="q1"> 21 Izizwe ziyakwethembela egameni</div><div class="q1">lakhe.&#8221;</div><div class="s1">Isono sokuhlambalaza</div><div class="r">(Mark. 3:20; Luk. 11:14)</div><div class="p"> 22 Kwase kulethwa kuye okhwelwe yidemoni, eyimpumputhe eyisimungulu; wamphulukisa, kwaze kwathi oyisimungulu wakhuluma, wabona. 23Zase zimangala kakhulu izixuku zonke, zathi: &#8220;Lo asiyo indodana kaDavide na?&#8221;</div><div class="p"> 24Kepha abaFarisi bekuzwa bathi: &#8220;Lo uwakhipha amademoni ngoBelzebule kuphela, umbusi wamademoni.&#8221; 25Kepha uJesu ezazi izizindlo zabo wathi kubo: &#8220;Yilowo nalowo mbuso owahlukene wodwa uyachitheka, nalowo muzi nokuba indlu eyahlukene yodwa ingeme. 26Uma uSathane emkhipha uSathane, wahlukene yedwa. Pho, umbuso wakhe uyakuma kanjani na? 27Uma mina ngikhipha amademoni ngoBelzebule, amadodana enu awakhipha ngobani na? Ngalokho-ke wona ayakuba ngabahluleli benu. 28Kepha uma mina ngikhipha amademoni ngoMoya kaNkulunkulu, umbuso kaNkulunkulu usufikile phela kini.</div><div class="p"> 29&#8220;Futhi umuntu angangena kanjani endlini yesiqhwaga, aphange impahla yaso, uma engabophi kuqala isiqhwaga, andukuba aphange indlu yaso, na?</div><div class="p"> 30&#8220;Ongenami umelene nami; ongabuthi nami uyahlakaza. 31 Ngalokho ngithi kini: Abantu bayakuthethelelwa zonke izono nokuhlambalaza, kepha ukuhlambalaza uMoya akuyikuthethelelwa. 32Yilowo nalowo okhuluma izwi elimelene neNdodana yomuntu uyakuthethelelwa; kepha lowo okhuluma elimelene noMoya oNgcwele akayikuthethelelwa nakuleli zwe nakwelizayo.</div><div class="p"> 33&#8220;Yenzani umuthi ube muhle, nesithelo sawo sibe sihle; noma nenze umuthi ube mubi, nesithelo sawo sibe sibi; ngokuba umuthi waziwa ngesithelo sawo. 34 Nzalo yezinyoka, ningakhuluma kanjani okuhle nibabi na? Ngokuba umlomo ukhuluma ngokuchichima kwenhliziyo. 35Umuntu omuhle ukhipha okuhle engcebeni yakhe enhle; nomuntu omubi ukhipha okubi engcebeni yakhe embi. 36Kepha ngithi kini: Amazwi onke ayize abawakhulumayo abantu bayakuzilanda ngawo ngosuku lokwahlulelwa. 37Ngokuba ngamazwi akho uyakuthethwa, nangamazwi akho uyakulahlwa.&#8221;</div><div class="s1">Abafuna izibonakaliso</div><div class="r">(Mark. 8:11; Luk. 11:29)</div><div class="p"> 38Kwase kuphendula abathile kubabhali nabaFarisi, bathi: &#8220;Mfundisi, sithanda ukubona isibonakaliso esenziwa nguwe.&#8221; 39 Kepha waphendula, wathi kubo: &#8220;Isizukulwane esibi nesiphingayo sifuna isibonakaliso; kepha asiyikunikwa sibonakaliso, kuphela isibonakaliso sikaJona umprofethi. 40Ngokuba njengalokho uJona wayesesiswini somkhomo izinsuku ezintathu nobusuku obuthathu, kanjalo-ke neNdodana yomuntu iyakuba sebuthunjini bomhlaba izinsuku ezintathu nobusuku obuthathu. 41 Amadoda aseNineve ayakusukuma ekwahlulelweni kanye nalesi sizukulwane, asilahle; ngokuba aphenduka ngokushumayela kukaJona; bhekani, kukhona lapha okukhulu kunoJona. 42 Inkosikazi yaseningizimu iyakusukuma ekwahlulelweni kanye nalesi sizukulwane, isilahle; ngokuba yavela emikhawulweni yomhlaba izakuzwa ukuhlakanipha kukaSolomoni; bhekani, lapha kukhona okukhulu kunoSolomoni.</div><div class="p"> 43&#8220;Nxa umoya ongcolileyo esephumile kumuntu, uyadabula izindawo ezingenamanzi efuna ukuphumula, angakufumani. 44Khona uthi: &#8216;Ngizakubuyela endlini yami engaphuma kuyo;&#8217; esefikile, ayifumane ize, ishaneliwe, ihlotshisiwe. 45Abesehamba-ke, abuye nabanye omoya abayisikhombisa ababi kunaye, bangene bahlale khona; kuthi ukugcina kwalowo muntu kuba kubi kunokuqala. Kuyakuba njalo nakulesi sizukulwane esibi.&#8221;</div><div class="s1">Izihlobo eziyizo zikaJesu</div><div class="r">(Mark. 3:31; Luk. 8:19)</div><div class="p"> 46Esashumayela ezixukwini, bheka, unina nabafowabo babemi ngaphandle befuna ukukhuluma naye. 47Omunye wathi kuye: &#8220;Bheka, unyoko nabafowenu bemi ngaphandle befuna ukukhuluma nawe.&#8221;</div><div class="p"> 48Kepha waphendula, wathi komtshelileyo: &#8220;Ngubani umame, nabafowethu ngobani na?&#8221; 49Welula isandla sakhe ngakubafundi bakhe, wathi: &#8220;Bhekani nangu umame nabafowethu. 50 Ngokuba yilowo nalowo owenza intando kaBaba osezulwini nguye ongumfowethu nodadewethu nomame.&#8221;</div>
 </div>
 </div>
</div>

NgokukaMathewuIsampula

UmBhalo

Mayelana naloluHlelo

Izinhlelo zohlobo olufanayo