U-Esteri

Ivangeli ngokuka Ezra

2 kaPetru

UKristu Indlovukazi Yethu Yokugcina U-Esteri

URuthe

1-2 kwabaseThesalonika Thessalonians

1 kaPetru

UHagayi: Ikuphi Okulandelayo?

UKristu Iqhawe Lethu

Ukufunda Ibhayibheli

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s1">Intshumayelo yasentabeni</div><div class="r">(Luk. 6:20)</div><div class="p"> 1Kwathi ebona izixuku, wenyukela entabeni; esehlezi phansi, abafundi bakhe beza kuye. 2Wayesevula umlomo wakhe, wabafundisa wathi:</div><div class="b"></div><div class="q1"> 3 &#8220;Babusisiwe abampofu emoyeni,</div><div class="q1">ngokuba umbuso wezulu ungowabo.</div><div class="q1"> 4 Babusisiwe abakhalayo,</div><div class="q1">ngokuba bayakududuzwa.</div><div class="q1"> 5 Babusisiwe abamnene,</div><div class="q1">ngokuba bayakudla ifa lomhlaba.</div><div class="q1"> 6 Babusisiwe abalambele,</div><div class="q1">bomele ukulunga,</div><div class="q1">ngokuba bayakusuthiswa.</div><div class="q1"> 7 Babusisiwe abanesihawu,</div><div class="q1">ngokuba bayakuhawukelwa.</div><div class="q1"> 8 Babusisiwe abanenhliziyo ehlanzekileyo,</div><div class="q1">ngokuba bayakubona uNkulunkulu.</div><div class="q1"> 9Babusisiwe abalamulayo,</div><div class="q1">ngokuba bayakuthiwa abantwana bakaNkulunkulu.</div><div class="q1"> 10 Babusisiwe abazingelwa ngenxa yokulunga,</div><div class="q1">ngokuba umbuso wezulu ungowabo.</div><div class="b"></div><div class="p"> 11 &#8220;Nibusisiwe, nxa benithuka, benizingela, bekhuluma konke okubi ngani, beqamba amanga ngenxa yami. 12 Jabulani, nithokoze, ngokuba umvuzo wenu mkhulu ezulwini; ngokuba kanjalo babazingela abaprofethi abananduleleyo.</div><div class="p"> 13 &#8220;Nina ningusawoti womhlaba, kepha uma usawoti edumele, ubusawoti bovuswa ngani na? Akasasizi lutho, kuphela ukulahlwa ngaphandle, anyathelwe ngabantu.</div><div class="p"> 14 &#8220;Nina ningukukhanya kwezwe. Umuzi owakhe entabeni ungesitheke. 15 Nomuntu kasokheli isibani, asibeke phansi kwesitsha, kodwa usifaka othini; khona siyabakhanyisela bonke abasendlini. 16 Kanjalo makukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.</div><div class="p"> 17&#8220;Ningathi ngize ukuchitha umthetho nabaprofethi; angizanga ukuchitha, ngize ukugcwalisa. 18 Ngokuba ngiqinisile ngithi kini: Kuze kudlule izulu nomhlaba, akusoze kwadlula gamana linye nasicashana sinye somthetho, kuze kufezeke konke. 19Ngakho-ke oweqa owodwa kule miyalo emincinyane, afundise abantu kanjalo, uyakuthiwa omncinyane embusweni wezulu; kepha oyigcinayo, ayifundise, lowo uyakuthiwa mkhulu embusweni wezulu. 20 Ngokuba ngithi kini: Uma ukulunga kwenu kungadluli okwababhali nokwabaFarisi, anisoze nangena embusweni wezulu.</div><div class="p"> 21 &#8220;Nizwile kwathiwa kwabasendulo: &#8216;Ungabulali; yilowo nalowo obulalayo uyakuba necala lokwahlulelwa.&#8217; 22Kepha mina ngithi kini: Yilowo nalowo othukuthelela umfowabo uyakuba necala lokwahlulelwa; noshoyo kumfowabo ukuthi: &#8216;Silima,&#8217; uyakuba necala emphakathini; noshoyo ukuthi: &#8216;Siwula,&#8217; uyakuba necala lokulahlwa esihogweni somlilo.</div><div class="p"> 23&#8220;Ngakho-ke nxa uletha umnikelo wakho e-altare, ukhumbula lapho ukuthi umfowenu unamagqubu nawe, 24 shiya lapho umnikelo wakho phambi kwe-altare, uhambe kuqala ubuyisane nomfowenu, andukuba uze unikele umnikelo wakho.</div><div class="p"> 25 &#8220;Shesha uzwane nolwa nawe nisesendleleni, funa olwa nawe akunikele kumahluleli, umahluleli akunikele esikhonzini, uphonswe etilongweni. 26Ngiqinisile ngithi kuwe: Kawusoze waphuma khona, uze ukhiphe ifadingi* lokugcina.</div><div class="p"> 27 &#8220;Nizwile kwathiwa: &#8216;Ungaphingi.&#8217; 28Kepha mina ngithi kini: Yilowo nalowo obuka owesifazane, amkhanuke, usephingile naye enhliziyweni yakhe. 29 Uma iso lakho lokunene likukhubekisa, likhiphe, ulilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni. 30Noma isandla sakho sokunene sikukhubekisa, sinqume, usilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni.</div><div class="p"> 31 &#8220;Kwathiwa: &#8216;Yilowo nalowo olahla umkakhe kamnike incwadi yesahlukaniso.&#8217; 32 Kepha mina ngithi kini: Yilowo nalowo olahla umkakhe kungengenxa yokuphinga umenza aphinge, noganwa ngolahliweyo uyaphinga.</div><div class="p"> 33 &#8220;Nizwile futhi kwathiwa kwabasendulo: &#8216;Ungafungi amanga, kepha uqinise izifungo zakho eNkosini.&#8217; 34 Kepha mina ngithi kini: Ningafungi nakanye, noma izulu, ngokuba liyisihlalo sobukhosi sikaNkulunkulu, 35noma umhlaba, ngokuba uyisenabelo sezinyawo zakhe, noma iJerusalema, ngokuba lingumuzi weNkosi enkulu. 36Ungafungi nekhanda lakho, ngokuba awunakuphendula nalunye unwele lube mhlophe nokuba lube mnyama. 37 Kepha izwi lenu malibe ngokuthi: Yebo, yebo; qhabo, qhabo. Okudlula lokhu kuvela kokubi.</div><div class="p"> 38 &#8220;Nizwile kwathiwa: &#8216;Iso ngeso, izinyo ngezinyo.&#8217; 39 Kepha mina ngithi kini: Ningamelani nokubi, kodwa uma umuntu ekumukula esihlathini sokunene, mphendulele nesinye. 40 Nofuna ukukumangalela, akwamuke ingubo, mnike nejazi. 41Nosuka ekucindezela ukuba uhambe imayela* libe linye, hamba naye abe mabili. 42 Muphe ocela kuwe, ungamfulatheli ofuna ukutsheleka kuwe.</div><div class="p"> 43 &#8220;Nizwile kwathiwa: &#8216;Wothanda umakhelwane wakho, uzonde isitha sakho.&#8217; 44 Kepha mina ngithi kini: Thandani izitha zenu, nibabusise abaniqalekisayo, nibaphathe kahle abanizondayo, nibakhulekele abanizingelayo 45ukuba nibe ngabantwana bakaYihlo osezulwini; ngokuba yena uphumisa ilanga lakhe phezu kwababi nabahle, anise imvula phezu kwabalungileyo nabangalungile. 46Ngokuba uma nithanda abanithandayo, ninamvuzo muni na? Abenzi njalo nabathelisi na? 47Futhi uma nibingelela abafowenu bodwa, nenza lukhulu luni na? Abenzi njalo nabezizwe na? 48 Ngakho-ke manibe ngabapheleleyo, njengokuba uYihlo wasezulwini ephelele.</div>
 </div>
 </div>
</div>

Teachings of JesusIsampula

UmBhalo

Mayelana naloluHlelo

Izinhlelo zohlobo olufanayo