IVangeli likaMarku

1 AbaseKorinte

IVangeli likaLuka

Incwadi yeZenzo

AmaRoma

Abase-Efesu

IVangeli likaMathewu

IVangeli likaJohane

2 AbaseKorinte

AbaseGalathiya

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch21" data-usfm="MAT.21.23+MAT.21.24+MAT.21.25+MAT.21.26+MAT.21.27+MAT.21.28+MAT.21.29+MAT.21.30+MAT.21.31+MAT.21.32+MAT.21.33+MAT.21.34+MAT.21.35+MAT.21.36+MAT.21.37+MAT.21.38+MAT.21.39+MAT.21.40+MAT.21.41+MAT.21.42+MAT.21.43+MAT.21.44+MAT.21.45+MAT.21.46">
 <div class="p">23 Kuthe engena ethempelini, kweza kuye abapristi abakhulu namalunga esizwe, esafundisa, bathi: &#8220;Ukwenza lokhu ngagunya lini na? Futhi ngubani okunike leli gunya na?&#8221;</div><div class="p"> 24UJesu waphendula, wathi kubo: &#8220;Nami ngizakunibuza izwi libe linye; uma ningitshela lona, nami ngizakunitshela ukuthi ngenza lokhu ngagunya lini. 25Ukubhapathiza kukaJohane kwavelaphi, ezulwini nokuba kubantu, na?&#8221;</div><div class="p">Bakhulumisana bodwa, bathi: &#8220;Uma sithi: &#8216;Ezulwini,&#8217; uzakuthi kuthi: &#8216;Pho, anikholwanga nguye ngani na?&#8217; 26 Kepha uma sithi: &#8216;Kubantu,&#8217; siyasesaba isixuku; ngokuba bonke bathi uJohane ungumprofethi.&#8221;</div><div class="p"> 27Base bemphendula uJesu, bethi: &#8220;Asazi.&#8221;</div><div class="p">Wayesethi kubo naye: &#8220;Nami anginitsheli ukuthi ngenza lokhu ngagunya lini.&#8221;</div><div class="s1">Ukukhuzwa kwabapristi abakhulu nabaFarisi</div><div class="p"> 28&#8220;Kepha nithini na? Umuntu wayenamadodana amabili; waya kweyokuqala, wathi: &#8216;Mntanami, hamba, uyosebenza namuhla esivinini.&#8217;</div><div class="p"> 29&#8220;Yaphendula yathi: &#8216;Angithandi;&#8217; kodwa ngasemuva yaguquka, yaya.</div><div class="p"> 30 &#8220;Wayeseya kwenye, washo kanjalo. Yona yaphendula yathi: &#8216;Ngiyaya, nkosi;&#8217; kepha kayiyanga.</div><div class="p"> 31 &#8220;Yiyiphi kulawa amabili eyenza intando kayise na?&#8221;</div><div class="p">Bathi kuye: &#8220;Eyokuqala.&#8221;</div><div class="p">UJesu wathi kubo: &#8220;Ngiqinisile ngithi kini: Abathelisi nezifebe bangena phambi kwenu embusweni kaNkulunkulu. 32 Ngokuba uJohane weza kini ngendlela yokulunga, anikholwanga nguye; kepha abathelisi nezifebe bakholwa nguye; kodwa nina, khona nikubona, aniguqukanga nakamuva, nize nikholwe nguye.&#8221;</div><div class="s1">Umfanekiso wabalimi besivini</div><div class="r">(Mark. 12:1; Luk. 20:9)</div><div class="p"> 33 &#8220;Yizwani omunye umfanekiso. Kwakukhona umuntu, umninindlu, owatshala isivini, wasibiyela ngothango, wemba khona isikhamo, wakha isiqongo sokulinda, wasiqashisa kubalimi, waya kwelinye izwe. 34Kwathi sekusondele isikhathi sezithelo, wathuma izinceku zakhe kubalimi ukuba zithathe izithelo zakhe.</div><div class="p"> 35&#8220;Abalimi bazibamba izinceku zakhe, enye bayishaya, enye bayibulala, enye bayikhanda ngamatshe. 36Waphinda wathuma ezinye izinceku eziningi kunezokuqala; benze njalo nakulezo. 37Ekugcineni wathuma kubo indodana yakhe, ethi: &#8216;Bayakuyazisa indodana yami.&#8217;</div><div class="p"> 38 &#8220;Kepha kwathi abalimi bebona indodana, bakhuluma bodwa, bathi: &#8216;Lo uyindlalifa; wozani siyibulale, sidle ifa layo.&#8217; 39Base beyibamba, bayiphonsa ngaphandle kwesivini, bayibulala.</div><div class="p"> 40&#8220;Pho-ke, mhla kufika umninisivini, uzakubenze njani labo balimi na?&#8221;</div><div class="p"> 41Bathi kuye: &#8220;Uzakubabhubhisa kabi labo ababi, isivini sakhe sinikwe abanye abalimi abayakumnika izithelo ngezikhathi zazo.&#8221;</div><div class="p"> 42 UJesu wathi kubo: &#8220;Anizange nifunde yini emibhalweni ukuthi:</div><div class="b"></div><div class="q1">&#8220; &#8216;Itshe abalinqabayo abakhi</div><div class="q1">lona laba yinhloko yegumbi;</div><div class="q1">lona lavela eNkosini;</div><div class="q1">liyisimangaliso emehlweni ethu,&#8217; na?</div><div class="b"></div><div class="p"> 43&#8220;Ngalokho ngithi kini: Niyakwamukwa umbuso kaNkulunkulu, uphiwe isizwe esiyakuveza izithelo zawo. 44Owayo phezu kwaleli tshe uyakuphohlozwa; kepha yilowo nalowo eliyakuwela phezu kwakhe liyakumcolisa.&#8221;</div><div class="p"> 45Abapristi abakhulu nabaFarisi beyizwa imifanekiso yakhe bazi ukuthi ukhuluma ngabo. 46Base befuna ukumbamba; kepha bazesaba izixuku, ngokuba zazithi ungumprofethi.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch22" data-usfm="MAT.22.1+MAT.22.2+MAT.22.3+MAT.22.4+MAT.22.5+MAT.22.6+MAT.22.7+MAT.22.8+MAT.22.9+MAT.22.10+MAT.22.11+MAT.22.12+MAT.22.13+MAT.22.14+MAT.22.15+MAT.22.16+MAT.22.17+MAT.22.18+MAT.22.19+MAT.22.20+MAT.22.21+MAT.22.22+MAT.22.23+MAT.22.24+MAT.22.25+MAT.22.26+MAT.22.27+MAT.22.28+MAT.22.29+MAT.22.30+MAT.22.31+MAT.22.32+MAT.22.33+MAT.22.34+MAT.22.35+MAT.22.36+MAT.22.37+MAT.22.38+MAT.22.39+MAT.22.40+MAT.22.41+MAT.22.42+MAT.22.43+MAT.22.44+MAT.22.45+MAT.22.46">
 <div class="p">1UJesu wathatha wakhuluma futhi kubo ngemifanekiso, wathi: 2 &#8220;Umbuso wezulu ufaniswa nomuntu oyinkosi, owenzela indodana yakhe umshado. 3Wathuma izinceku zakhe ukubiza abamenyiweyo emshadweni; kepha abavumanga ukuza.</div><div class="p"> 4 &#8220;Waphinda wathuma ezinye izinceku, wathi: &#8216;Shonini kwabamenyiweyo ukuthi: Bhekani, sengilungisile ukudla kwami; izinkabi zami nokunonileyo sekuhlatshiwe; konke sekulungile, wozani emshadweni.&#8217;</div><div class="p"> 5&#8220;Kepha badelela, bahamba; omunye waya ensimini yakhe, omunye waya entengweni yakhe. 6 Abaseleyo babamba izinceku zakhe, baziphatha kabi, bazibulala. 7 Kepha inkosi yathukuthela, yathuma amabutho ayo, yabulala labo babulali, yashisa umuzi wabo.</div><div class="p"> 8&#8220;Khona yathi ezincekwini zayo: &#8216;Umshado usulungiselwe, kepha abamenyiweyo bebengafanele; 9 ngakho-ke hambani niye ezinhlanganweni zezindlela, nibizele emshadweni bonke eningabafumana.&#8217; 10Lezo zinceku zaphuma, zaya ezindleleni, zabutha bonke ezabafumanayo, ababi nabahle; indlu yomshado yagcwala abahleziyo ekudleni.</div><div class="p"> 11 &#8220;Kuthe inkosi ingena ukubona abahleziyo ekudleni, yabona khona umuntu obengayembethe ingubo yomshado; 12yathi kuye: &#8216;Mngane, ungene kanjani lapha ungayembethe ingubo yomshado na?&#8217; Kepha wathula.</div><div class="p"> 13 &#8220;Khona inkosi yathi ezincekwini: &#8216;Mbopheni izinyawo nezandla, nimphonse ebumnyameni obungaphandle; lapho kuyakuba khona ukukhala nokugedla amazinyo.&#8217;</div><div class="p"> 14&#8220;Ngokuba baningi ababiziweyo, kepha bayingcosana abakhethiweyo.&#8221;</div><div class="s1">Intela kaKesari</div><div class="r">(Mark. 12:13; Luk. 20:19)</div><div class="p"> 15 Khona abaFarisi basuka, bacebisana ukuba bamhile ngezwi. 16Bathuma kuye abafundi babo kanye nabakaHerode, bathi: &#8220;Mfundisi, siyazi ukuthi uqinisile, ufundisa indlela kaNkulunkulu ngeqiniso; awukhathali ngamuntu, ngokuba awubheki ubuso babantu. 17Ngakho sitshele, uthini wena? Kuvunyelwe ukuthela kuKesari noma qha?&#8221;</div><div class="p"> 18Kepha uJesu ebazi ububi babo wathi: &#8220;Bazenzisi, ningilingelani na? 19Ngitshengiseni imali yokuthela,&#8221; bamtshengisa udenariyu.* 20Wayesethi kubo: &#8220;Ngokabani lo mfanekiso nalo mbhalo na?&#8221;</div><div class="p"> 21 Bathi: &#8220;NgokaKesari.&#8221;</div><div class="p">Khona wathi kubo: &#8220;Ngakho-ke nikani uKesari okukaKesari noNkulunkulu okukaNkulunkulu.&#8221;</div><div class="p"> 22Sebezwile lokho bamangala, bamshiya, bamuka.</div><div class="s1">Ukuvuka kwabafileyo</div><div class="r">(Mark. 12:18; Luk. 20:27)</div><div class="p"> 23 Ngalolo suku kwafika kuye abaSadusi abathi akukho ukuvuka kwabafileyo, bambuza 24 bathi: &#8220;Mfundisi, uMose wathi: &#8216;Uma umuntu efa engenabantwana, umfowabo kamngene umkakhe, amvusele umfowabo inzalo.&#8217; 25Kwakukhona-ke kithi izelamani eziyisikhombisa: owokuqala waganwa, wafa; engenanzalo washiya umkakhe kumfowabo. 26Kanjalo nowesibili nowesithathu, kwaze kwaba kowesikhombisa. 27Emva kwabo bonke wafa umfazi. 28Pho, ekuvukeni kwabafileyo uyakuba ngumkabani kwabayisikhombisa, lokhu bonke babe naye, na?&#8221;</div><div class="p"> 29Kepha uJesu waphendula, wathi kubo: &#8220;Nidukile ningayazi imibhalo namandla kaNkulunkulu. 30Ngokuba ekuvukeni kwabafileyo abaganwa, abendiswa, kodwa banjengezingelosi ezulwini. 31Kepha maqondana nokuvuka kwabafileyo anifundanga yini okwakhulunywa kini nguNkulunkulu, ethi: 32 &#8216;Mina nginguNkulunkulu ka-Abrahama, noNkulunkulu ka-Isaka, noNkulunkulu kaJakobe,&#8217; na? Akasiye uNkulunkulu wabafileyo kodwa owabaphilayo.&#8221;</div><div class="p"> 33Kwathi izixuku zikuzwa lokho, zamangala ngokufundisa kwakhe.</div><div class="s1">Umyalo wokuqala</div><div class="r">(Mark. 12:28)</div><div class="p"> 34AbaFarisi sebezwile ukuthi uJesu ubathulisile abaSadusi, babuthana ndawonye. 35 Omunye wabo, isazimthetho, wamlinga, wathi: 36&#8220;Mfundisi, ngumuphi umyalo omkhulu emthethweni na?&#8221; 37 UJesu wathi kuye: &#8220; &#8216;Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.&#8217; 38Yilowo umyalo omkhulu nowokuqala. 39 Owesibili ofana nawo uthi: &#8216;Wothanda umakhelwane wakho njengalokhu uzithanda wena.&#8217; 40 Kuleyo miyalo emibili kubambelela umthetho wonke nabaprofethi.&#8221;</div><div class="s1">UMesiya nemvelo yakhe</div><div class="r">(Mark. 12:35; Luk. 20:41)</div><div class="p"> 41 Besabuthene abaFarisi, uJesu wababuza, 42wathi: &#8220;Nithini ngoKristu na? Uyindodana kabani na?&#8221;</div><div class="p">Bathi kuye: &#8220;EkaDavide.&#8221;</div><div class="p"> 43Wathi kubo: &#8220;Pho, uDavide ngoMoya wambiza kanjani ngokuthi iNkosi, ethi:</div><div class="b"></div><div class="q1"> 44 &#8220; &#8216;INkosi yathi eNkosini yami:</div><div class="q1">&#8220;Hlala ngakwesokunene sami,</div><div class="q1">ngize ngibeke izitha zakho</div><div class="q1">phansi kwezinyawo zakho.&#8221; &#8217;</div><div class="b"></div><div class="m"> 45&#8220;Ngakho-ke uma uDavide embiza ngokuthi iNkosi, uyindodana yakhe kanjani na?&#8221; 46Kwakungekho obengamphendula ngazwi; emva kwalolo suku akwabe kusabakho muntu onesibindi sokumbuza lutho.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch23" data-usfm="MAT.23.1+MAT.23.2+MAT.23.3+MAT.23.4+MAT.23.5+MAT.23.6+MAT.23.7+MAT.23.8+MAT.23.9+MAT.23.10+MAT.23.11+MAT.23.12+MAT.23.13+MAT.23.14+MAT.23.15+MAT.23.16+MAT.23.17+MAT.23.18+MAT.23.19+MAT.23.20+MAT.23.21+MAT.23.22+MAT.23.23+MAT.23.24+MAT.23.25+MAT.23.26+MAT.23.27+MAT.23.28+MAT.23.29+MAT.23.30+MAT.23.31+MAT.23.32+MAT.23.33+MAT.23.34+MAT.23.35+MAT.23.36+MAT.23.37+MAT.23.38+MAT.23.39">
 <div class="p">1Khona uJesu wakhuluma ezixukwini nakubafundi bakhe, 2wathi: &#8220;Ababhali nabaFarisi bahlezi esihlalweni sikaMose. 3 Ngakho-ke konke abanitshela khona, kwenzeni, nikugcine, kodwa ningenzi njengemisebenzi yabo; ngokuba bayakhuluma, bangenzi; 4 babopha imithwalo enzima, bayibeke emahlombe abantu; kepha bona abavumi ukuyifukula ngomunwe wabo.</div><div class="p"> 5 &#8220;Kepha imisebenzi yonke yabo bayenza ukuba babonwe ngabantu; amafilakteriyu* abo bawenza abe banzi, bawenze abe makhulu amachopho. 6 Bathanda izindawo ezingenhla ekudleni nezihlalo eziphambili emasinagogeni,* 7nokubingelelwa ezigcawini, nokubizwa ngabantu ngokuthi &#8216;Rabi&#8217;.</div><div class="p"> 8 &#8220;Kepha nina maningabizwa ngokuthi &#8216;Rabi&#8217;; ngokuba munye umfundisi wenu, nina nonke ningabazalelwane. 9Ningabizi muntu emhlabeni ngokuthi uyihlo; ngokuba munye uyihlo, osezulwini. 10Futhi ningabizwa ngokuthi abaholi; ngokuba munye umholi wenu, uKristu. 11 Kodwa omkhulu kini akabe yisikhonzi senu. 12 Kepha yilowo nalowo oziphakamisayo uzakuthothiswa, nalowo ozithobayo uzakuphakanyiswa.</div><div class="p"> 13 &#8220;Maye kinina babhali nabaFarisi, bazenzisi, ngokuba nivalela abantu umbuso wezulu! Ngokuba aningeni nina, nabangenayo anibavumeli ukungena. 14Maye kinina babhali nabaFarisi, bazenzisi, ngokuba nidla izindlu zabafelokazi, nangokuzenzisa nenza imikhuleko emide! Ngalokho-ke niyakwamukeliswa ukulahlwa okukhulu.</div><div class="p"> 15&#8220;Maye kinina babhali nabaFarisi, bazenzisi, ngokuba nihamba ulwandle nomhlaba ukuba nithole nokuba iproselite* lilinye, lithi selaba njalo nilenze indodana yesihogo ngokuphindiwe kunani!</div><div class="p"> 16 &#8220;Maye kinina baholi abayizimpumputhe enithi: &#8216;Ofunga ithempeli akulutho, kodwa ofunga igolide lethempeli uzibophile!&#8217; 17Ziwula, zimpumputhe, ngokuba yikuphi okukhulu kunegolide nethempeli elingcwelisa igolide na? 18Futhi: &#8216;Yilowo ofunga i-altare akulutho, kodwa ofunga umnikelo ophezu kwalo uzibophile.&#8217; 19 Zimpumputhe, yikuphi okukhulu kunomnikelo ne-altare elingcwelisa umnikelo na? 20Ngakho-ke ofunga i-altare ufunga lona nakho konke okuphezu kwalo. 21 Nofunga ithempeli ufunga lona nohlezi kulo. 22 Nofunga izulu ufunga isihlalo sobukhosi sikaNkulunkulu nohlezi phezu kwaso.</div><div class="p"> 23 &#8220;Maye kinina babhali nabaFarisi, bazenzisi, ngokuba nithela okweshumi kwesinkuntshane, nokwentshungu, nokodonqa, niyeke okunzima komthetho: ukwahlulela nesihawu nokukholwa! Benimelwe ukwenza lokhu, ningakuyeki nalokho. 24 Baholi abayizimpumputhe, nihluza insensane, niginge ikamela.</div><div class="p"> 25 &#8220;Maye kinina babhali nabaFarisi, bazensizi, ngokuba nihlambulula ingaphandle lenkezo nesitsha, kepha ngaphakathi kugcwele impango nokuhuheka! 26Mfarisi oyimpumputhe, hlanza kuqala ingaphakathi lenkezo, ukuze kuhlanzeke nengaphandle layo.</div><div class="p"> 27 &#8220;Maye kinina babhali nabaFarisi, bazenzisi, ngokuba nifana namaliba acakiweyo abonakala emahle ngaphandle, kanti ngaphakathi agcwele amathambo abafileyo nokungcola konke! 28Kanjalo nani ngaphandle nibonakala kubantu nilungile, kanti ngaphakathi nigcwele ukuzenzisa nobubi.</div><div class="p"> 29 &#8220;Maye kinina babhali nabaFarisi, bazenzisi, ngokuba nakha amaliba abaprofethi, nihlobisa amathuna abalungileyo! 30Nithi: &#8216;Uma sasikhona emihleni yawobaba, sasingayikuhlanganyela nabo egazini labaprofethi.&#8217; 31Kanjalo niyazifakazela nina ukuthi ningamadodana ababulala abaprofethi. 32Nani gcwalisani isilinganiso sawoyihlo.</div><div class="p"> 33 &#8220;Zinyoka, nzalo yamabululu, niyakukubalekela kanjani ukulahlwa kwasesihogweni na? 34 Ngakho-ke, bhekani, mina ngithuma kini abaprofethi, nabahlakaniphileyo, nababhali; abanye kubo niyakubabulala, nibabethele; abanye niyakubashaya emasinagogeni* enu, nibaxoshe imizi ngemizi 35 ukuba kufike phezu kwenu igazi lonke elilungileyo elachithwa emhlabeni, kusukela egazini lika-Abela olungileyo kuze kube segazini likaZakariya indodana kaBarakiya enambulala phakathi kwethempeli ne-altare. 36Ngiqinisile ngithi kini: Konke lokhu kuyakufika phezu kwalesi sizukulwane.</div><div class="p"> 37 &#8220;Jerusalema, Jerusalema, wena obulala abaprofethi nokhanda ngamatshe abathunyelwe kuwe, kukangaki ngithanda ukubuthela ndawonye abantwana bakho njengesikhukukazi sibuthela amazinyane aso phansi kwamaphiko aso, kepha anivumanga. 38 Bhekani, indlu yenu isisala nani. 39 Ngokuba ngithi kini: Anisayikungibona nize nithi: &#8216;Ubusisiwe ozayo egameni leNkosi.&#8217; &#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch24" data-usfm="MAT.24.1+MAT.24.2+MAT.24.3+MAT.24.4+MAT.24.5+MAT.24.6+MAT.24.7+MAT.24.8+MAT.24.9+MAT.24.10+MAT.24.11+MAT.24.12+MAT.24.13+MAT.24.14+MAT.24.15+MAT.24.16+MAT.24.17+MAT.24.18+MAT.24.19+MAT.24.20+MAT.24.21+MAT.24.22+MAT.24.23+MAT.24.24+MAT.24.25+MAT.24.26+MAT.24.27+MAT.24.28+MAT.24.29+MAT.24.30+MAT.24.31+MAT.24.32+MAT.24.33+MAT.24.34+MAT.24.35+MAT.24.36+MAT.24.37+MAT.24.38+MAT.24.39+MAT.24.40+MAT.24.41+MAT.24.42+MAT.24.43+MAT.24.44+MAT.24.45+MAT.24.46+MAT.24.47+MAT.24.48+MAT.24.49+MAT.24.50+MAT.24.51">
 <div class="p">1 Kuthe uJesu ephuma ethempelini, emuka, kwasondela abafundi bakhe ukumtshengisa izakhiwo zethempeli. 2 Waphendula, wathi kubo: &#8220;Anikuboni konke lokhu na? Ngiqinisile ngithi kini: Akuyikushiywa lapha itshe phezu kwetshe elingayikudilizelwa phansi.&#8221;</div><div class="p"> 3 Esahlezi eNtabeni Yeminqumo, abafundi beza kuye bebodwa, bathi: &#8220;Sitshele ukuthi lokhu kuyakuba nini, nesibonakaliso sokuza kwakho nesokuphela kwezwe siyakuba yini na?&#8221;</div><div class="p"> 4 UJesu waphendula, wathi kubo: &#8220;Qaphelani ningadukiswa muntu. 5 Ngokuba kuyakuza abaningi ngegama lami, bathi: &#8216;Mina nginguKristu,&#8217; badukise abaningi. 6Niyakuzwa izimpi namahemuhemu ezimpi. Bhekani ningethuki, ngokuba kumelwe ukuba kwenzeke, kepha ukuphela koba kungakafiki. 7Ngokuba isizwe siyakuvukela isizwe, nombuso uvukele umbuso, kube khona indlala nokuzamazama komhlaba izindawo ngezindawo. 8Kepha konke lokho kungukuqala kwemihelo.</div><div class="p"> 9 &#8220;Lapho-ke bayakunikhaphela osizini, banibulale; niyakuzondwa yizizwe zonke ngenxa yegama lami. 10Khona-ke abaningi bayakukhubeka, bakhaphelane, bazondane. 11Kuyakuvela abaprofethi bamanga abaningi, badukise abaningi. 12Ngenxa yokwanda kokubi kuzakuphola uthando lwabaningi. 13 Kodwa okhuthazelayo kuze kube sekupheleni nguyena oyakusindiswa. 14 Leli vangeli lombuso liyakushunyayelwa ezweni lonke, kube ngubufakazi ezizweni zonke, andukuba kufike ukuphela.</div><div class="p"> 15 &#8220;Ngakho-ke nxa nibona amanyala encithakalo ashiwo nguDaniyeli umprofethi emi endaweni engcwele &#8211; ofundayo makaqaphele &#8211; 16khona abaseJudiya mababalekele ezintabeni, 17 ophezu kwendlu angehli ukuyothatha okusendlini yakhe, 18osensimini angabuyeli emuva ukuyothatha ingubo yakhe. 19Kepha maye kwabakhulelweyo nabancelisayo ngalezo zinsuku! 20Khulekani ukuba ukubaleka kwenu kungabi sebusika nangesabatha. 21 Ngokuba lapho kuyakuba khona usizi olukhulu olungazange lube khona kwasekuqaleni kwezwe kuze kube manje nolungasayikuba khona. 22Uma lezo zinsuku zingafinyezwanga, bekungesindiswe muntu; kepha ngenxa yabakhethiweyo lezo zinsuku ziyakufinyezwa. 23 Khona uma umuntu ethi kini: &#8216;Bhekani, nangu uKristu,&#8217; noma: &#8216;Nanguya,&#8217; ningakholwa. 24 Ngokuba kuyakuvela okristu bamanga nabaprofethi bamanga, baveze izibonakaliso ezinkulu nezimangaliso, ukuze kudukiswe nabakhethiweyo, uma kungenzeka. 25Bhekani, senginitshelile ngaphambili.</div><div class="p"> 26 &#8220;Ngakho-ke uma bethi kini: &#8216;Bhekani, usehlane,&#8217; ningaphumi; noma bethi: &#8216;Bhekani, usendlini,&#8217; ningakholwa; 27ngokuba njengonyazi luphuma empumalanga, lubonakale kuze kube sentshonalanga, kuyakuba njalo ukufika kweNdodana yomuntu. 28 Nomaphi lapho kukhona isidumbu, kulapho amanqe eyakubuthana khona.</div><div class="p"> 29 &#8220;Kepha masinyane emva kosizi lwalezo zinsuku</div><div class="b"></div><div class="q1">&#8220; &#8216;ilanga liyakufiphazwa,</div><div class="q1">nenyanga ayiyikukhanya,</div><div class="q1">nezinkanyezi ziyakuwa ezulwini,</div><div class="q1">namandla ezulu ayakuzanyazanyiswa.&#8217;</div><div class="b"></div><div class="p"> 30 &#8220;Khona kuyakubonakala ezulwini isibonakaliso seNdodana yomuntu, bese zikhala izizwe zonke zomhlaba, zibone iNdodana yomuntu iza emafwini ezulu, inamandla nenkazimulo enkulu. 31 Iyakuthuma izingelosi zayo ngokukhala okukhulu kwecilongo, ziqoqe abakhethiweyo bayo emimoyeni yomine, kusukela emkhawulweni omunye wezulu kuze kube komunye.</div><div class="p"> 32 &#8220;Fundani umfanekiso emkhiwaneni; nxa igatsha lawo selithamba, lihlume amaqabunga, niyazi ukuthi ihlobo seliseduze. 33Kanjalo nani, nxa nibona konke lokhu, yazini ukuthi iseduze ngasemnyango. 34Ngiqinisile ngithi kini: Lesi sizukulwane asiyikudlula kungakenzeki konke lokhu. 35 Kuyakudlula izulu nomhlaba, kepha amazwi ami awasoze adlula.</div><div class="p"> 36 &#8220;Kepha lolo suku nalelo hora akakho owazi lutho ngalo nazingelosi zasezulwini, naNdodana, nguBaba kuphela. 37 Ngokuba njengasemihleni kaNowa, kuyakuba njalo ukufika kweNdodana yomuntu. 38 Ngokuba njengasezinsukwini lezo ezandulela uzamcolo babedla, bephuza, beganwa, bendiswa, kwaze kwafika usuku uNowa angena ngalo emkhunjini, 39abazanga kwaze kwafika uzamcolo wabakhukhula bonke, kuyakuba njalo ukufika kweNdodana yomuntu. 40Khona-ke kuyakuba khona ababili ensimini, omunye athathwe, omunye ashiywe; 41ababili boba besila etsheni, omunye athathwe, omunye ashiywe.</div><div class="p"> 42 &#8220;Ngakho-ke lindani, ngokuba anazi ukuthi iNkosi yenu iyakufika ngaluphi usuku. 43 Kepha anokwazi lokhu ukuthi, uma umninindlu ebewazi umlindo isela eliyakufika ngawo, ubeyakulinda, angavumi ukuba indlu yakhe ifohlwe. 44Ngalokho nani hlalani nilungele, ngokuba iNdodana yomuntu iyakufika ngesikhathi eningasicabangiyo.</div><div class="p"> 45 &#8220;Pho, ngubani oyinceku ethembekileyo neqondayo, inkosi yayo eyimisile phezu kwabendlu yayo ukuba ibanike ukudla ngesikhathi sakho na? 46Ibusisiwe leyo nceku, okuyakuthi kufika inkosi yayo, iyifumane yenze njalo. 47 Ngiqinisile ngithi kini: Iyakuyimisa phezu kwakho konke enakho. 48 Kodwa uma leyo nceku embi ithi enhliziyweni yayo: &#8216;Inkosi yami ilibele,&#8217; 49iqale ukushaya izinceku ezikanye nayo, idle, iphuze nezidakwa, 50inkosi yaleyo nceku iyakufika ngosuku engayibhekile ngalo nangehora engalaziyo, 51 iyinqamule kabili, iyimisele isabelo sayo kanye nabazenzisi; kuyakuba khona lapho ukukhala nokugedla amazinyo.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkMAT">
 <div class="chapter ch25" data-usfm="MAT.25.1+MAT.25.2+MAT.25.3+MAT.25.4+MAT.25.5+MAT.25.6+MAT.25.7+MAT.25.8+MAT.25.9+MAT.25.10+MAT.25.11+MAT.25.12+MAT.25.13+MAT.25.14+MAT.25.15+MAT.25.16+MAT.25.17+MAT.25.18+MAT.25.19+MAT.25.20+MAT.25.21+MAT.25.22+MAT.25.23+MAT.25.24+MAT.25.25+MAT.25.26+MAT.25.27+MAT.25.28+MAT.25.29+MAT.25.30+MAT.25.31+MAT.25.32+MAT.25.33+MAT.25.34+MAT.25.35+MAT.25.36+MAT.25.37+MAT.25.38+MAT.25.39+MAT.25.40+MAT.25.41+MAT.25.42+MAT.25.43+MAT.25.44+MAT.25.45+MAT.25.46">
 <div class="p">1 &#8220;Khona umbuso wezulu uzakufaniswa nezintombi eziyishumi ezathatha izibani zazo, zaphuma ukuyohlangabeza umyeni. 2Kepha eziyisihlanu kuzo zaziyiziwula, neziyisihlanu zazihlakaniphile. 3Ngokuba eziyiziwula zithatha izibani kaziwaphathanga amafutha. 4Kodwa ezihlakaniphileyo zaphatha amafutha ezitsheni kanye nezibani zazo. 5Umyeni esalibele, zozela zonke, zalala.</div><div class="p"> 6 &#8220;Kepha phakathi kobusuku kwamenyezwa ukuthi: &#8216;Nangu umyeni; phumani niye kumhlangabeza!&#8217;</div><div class="p"> 7&#8220;Khona zavuka lezo zintombi zonke, zalungisa izibani zazo. 8Eziyiziwula zase zithi kwezihlakaniphileyo: &#8216;Sipheni amafutha kwawenu, ngokuba izibani zethu ziyacima.&#8217;</div><div class="p"> 9&#8220;Kepha ezihlakaniphileyo zaphendula zathi: &#8216;Qha, funa angasaneli thina nani. Okungcono hambani niye kwabathengisayo, nizithengele.&#8217;</div><div class="p"> 10&#8220;Zisaya kuthenga, wafika umyeni. Ezazilungele zangena naye emshadweni; kwavalwa emnyango.</div><div class="p"> 11 &#8220;Ngasemuva zafika nezinye izintombi, zathi: &#8216;Nkosi, nkosi, sivulele.&#8217;</div><div class="p"> 12 &#8220;Kepha waphendula wathi: &#8216;Ngiqinisile ngithi kini: Anginazi.&#8217;</div><div class="p"> 13 &#8220;Ngakho lindani, ngokuba anilwazi usuku nehora.</div><div class="s1">Umninimuzi namatalenta*</div><div class="p"> 14 &#8220;Ngokuba kunjengomuntu owathi eyakuhambela kwelinye izwe wabiza izinceku zakhe, wazinika impahla yakhe; 15 enye wayinika amatalenta* ayisihlanu, enye aba mabili, enye laba linye, kwaba yileyo naleyo njengamandla ayo; wamuka-ke. 16Lowo obamukele amatalenta ayisihlanu wahamba masinyane, wasebenza ngawo, wazuza amanye ayisihlanu. 17Kanjalo obamukele amabili wazuza amanye amabili. 18Kepha obamukele lalinye waya wemba emhlabathini, wayifihla imali yenkosi yakhe.</div><div class="p"> 19&#8220;Kepha emva kwesikhathi eside yafika inkosi yalezo zinceku, yalandisana nazo. 20Weza obamukele amatalenta ayisihlanu, waletha amanye amatalenta ayisihlanu, wathi: &#8216;Nkosi, wanginika amatalenta ayisihlanu; bheka, ngizuze amanye amatalenta ayisihlanu.&#8217;</div><div class="p"> 21 &#8220;Inkosi yakhe yathi kuye: &#8216;Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.&#8217;</div><div class="p"> 22&#8220;Weza nobamukele amatalenta amabili, wathi: &#8216;Nkosi, wanginika amatalenta amabili; bheka, ngizuze amanye amatalenta amabili.&#8217;</div><div class="p"> 23&#8220;Inkosi yakhe yathi kuye: &#8216;Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.&#8217;</div><div class="p"> 24&#8220;Kepha weza nobamukele italenta lalinye, wathi: &#8216;Nkosi, bengikwazi ukuthi ungumuntu olukhuni; uvuna lapho ungahlwanyelanga khona, ubutha lapho ungafazanga khona; 25ngesaba, ngaya ngalithukusa emhlabathini italenta lakho; bheka, nakhu okwakho.&#8217;</div><div class="p"> 26&#8220;Kepha inkosi yakhe yaphendula, yathi kuye: &#8216;Nceku embi nevilaphayo, ubukwazi ukuthi ngivuna lapha ngingahlwanyelanga khona, ngibutha lapha ngingafazanga khona, na? 27Ngakho wawumelwe ukubeka imali yami kwabebhange,* mina-ke ekufikeni kwami ngabe ngitholile okwami kanye nenzalo.</div><div class="p"> 28&#8220; &#8216;Ngakho mamukeni italenta, nilinike onamatalenta ayishumi. 29 Ngokuba yilowo nalowo onakho uyakuphiwa, avame; kepha ongenakho uyakwamukwa nalokho anakho. 30 Leyo nceku engasiziyo yiphonseni ebumnyameni obungaphandle; lapho kuyakuba khona ukukhala ngokugedla amazinyo.&#8217;</div><div class="s1">Ukwahlulela kweNdodana yomuntu</div><div class="p"> 31 &#8220;Kepha nxa iNdodana yomuntu iza ngenkazimulo yayo nezingelosi zonke ezingcwele kanye nayo, khona izakuhlala esihlalweni sayo senkazimulo; 32 kuzakubuthelwa phambi kwayo izizwe zonke, ibahlukanise abanye kwabanye, njengomalusi ahlukanisa izimvu nezimbuzi, 33imise izimvu ngakwesokunene sayo kepha izimbuzi ngakwesokhohlo.</div><div class="p"> 34&#8220;Khona iNkosi izakuthi kwabangakwesokunene sayo: &#8216;Zanini nina enibusisiwe nguBaba, nidle ifa lombuso eniwulungiselweyo selokhu kwasekelwa umhlaba. 35 Ngokuba ngangilambile, nangipha ukudla; ngangomile, nangiphuzisa; ngangingumfokazi, nangingenisa; 36ngihamba ze nangembathisa; ngangigula, nangihamba; ngangisetilongweni, neza kimi.&#8217;</div><div class="p"> 37&#8220;Khona bayakuyiphendula abalungileyo ngokuthi: &#8216;Nkosi, sakubona nini ulambile sakupha ukudla, noma womile sakuphuzisa, na? 38Sakubona nini ungumfokazi sakungenisa, noma uhamba ze sakwembathisa, na? 39Sakubona nini ugula, noma usetilongweni, seza kuwe, na?&#8217;</div><div class="p"> 40 &#8220;Isiyakuphendula iNkosi, ithi kubo: &#8216;Ngiqinisile ngithi kini, njengokuba nikwenzile komunye walaba bafowethu abancane, nikwenzile kimi.&#8217;</div><div class="p"> 41 &#8220;Khona iyakuthi kwabangakwesokhohlo: &#8216;Dedani kimi nina baqalekisiweyo, niye emlilweni ophakade olungiselwe uSathane nezingelosi zakhe. 42Ngokuba ngangilambile, aningiphanga ukudla; ngangomile, aningiphuzisanga; 43ngangingumfokazi, aningingenisanga; ngihamba ze aningembathisanga; ngigula, ngisetilongweni, aningihambanga.&#8217;</div><div class="p"> 44&#8220;Khona bayakuphendula nabo, bathi: &#8216;Nkosi, sakubona nini ulambile, noma womile, noma ungumfokazi, noma uhamba ze, noma ugula, noma usetilongweni, singakukhonzanga, na?&#8217;</div><div class="p"> 45&#8220;Khona iyakubaphendula ithi: &#8216;Ngiqinisile ngithi kini: Lokho eningakwenzanga komunye walaba abancinyane anikwenzanga nakimi.&#8217;</div><div class="p"> 46 &#8220;Laba bayakumuka, baye ekujezisweni okuphakade, kodwa abalungileyo baye ekuphileni okuphakade.&#8221;</div>
 </div>
 </div>
</div>

Holy WeekIsampula

UmBhalo

Mayelana naloluHlelo

Izinhlelo zohlobo olufanayo