Indlela YokujabulaIsampula

Imizwa Ayikona Konke

Ingabe wake wabhekana nanoma yini enzima ngempela? Kukwenze wazizwa kanjani? Ingabe uzizwe sengathi awusoze waphuma kulowo muzwa? Mhlawumbe uzizwe sengathi akekho owake walimala kabi njengawe noma owadlula kulokhu obhekene nakho.

Yilokho isitha esifuna ukuthi uzizwe -uwedwa. Okubaluleke kakhulu, isitha sethu sifuna sikholwe ukuthi alikho ithemba lanoma yini ehlukile ngoba akukho okuyoke kushintshe.

Kodwa konke kunesikhathi sakho. Sidlula ezinkathini zonyaka. Ezinye izinkathi zonyaka zinhle ngempela, kanti ezinye izinkathi zimbi ngempela. Ngakho lapho uzizwa ujabule ngokuthile, bambelela kukho, ukujabulele, futhi ukubungaze. Bonga uNkulunkulu ngakho.

Kodwa uma impilo inzima futhi uzizwa uphansi, udangele, noma uthukuthele, ungadangali ngoba okwesizini nje. Kuzodlula. Ngeke uzizwe ngaleyo ndlela kuze kube phakade.

Ungazizwa sengathi okuthile ukuphela komhlaba, kodwa akunjalo. Kungenzeka ukuthi, kuyisiqalo sento entsha. Ukulahlekelwa ubungani, umkhuba owuthandayo, iphupho, noma umbono kungaholela kusizini yakho elandelayo. Futhi kungase kube isizini ejabulisayo kunalokho owake waba nakho.

Uma uzizwa udangele, unesizungu, noma ulahliwe, khumbula ukuthi ngeke kube phakade. Izinto zizoshintsha kuwe.

Yazi ukuthi uNkulunkulu ukubekele ezinye izinto. Unezinhlelo ezinhle ngempilo yakho. Angathatha noma yini obhekene nayo ayenze into angayisebenzisela inkazimulo Yakhe kanye nokusiza abanye.

Isizini okuyo njengamanje ingase ibe nzima, kodwa ngikwethembisa lokhu: isizini yakho izoshintsha.