Thola i AppUkukhonza Kuyisikhali SamiIsampula
UKUKHONZA KWETHU KUMEMA UNKULUNKULU ESIKHATHINI!
Lapho sikhonza uNkulunkulu, kuyokwakha imimoya yethu futhi kuyosusa ukugxila kwethu ekulingweni kwansuku zonke esibhekana nakho.
Lapho sikhula ekukhathazekeni, futhi izimo ezisizungezile zibonakala zingenakunqotshwa, siba nokukhetha ukubuyisela izingqondo zethu kuNkulunkulu sithembele ezinjongweni Zakhe ezinhle nezobukhosi. Lokhu sikwenza ngokukhonza, futhi lapho siqala ukumkhonza uMoya oNgcwele uyasisiza siphinde sigxile . . .
Ezwini Lakhe.
Ngezithembiso Zakhe.
Ohlelweni Lwakhe ngezimpilo zethu.
Lena yindlela engilwa ngayo izimpi zami. Ukukhonza kuyisikhali sami engizikhethela sona. Lapho sikhonza, siyeka ukubuka impi ephambi kwethu bese siqala ukubuka uNkulunkulu okithi!
Dumisa ekukhathazekeni kwakho.
Dumisa ngokwesaba kwakho.
Dumisa ngengcindezi yakho.
Dumisa ngokukhathala kwakho.
UKUDUMISA KWETHU KULETHA IZIMPENDULO!
Isitha asifuni ukuthi uthole lokhu! Akafuni ukuthi UHAMBE KULOKkO UNKULUNKULU AKUBEKELE KHONA!
Amandla okwenza impumelelo yakho wumoya osephashini lakho—khonza uJesu!
Indumiso ibhidliza izindonga.
Indumiso ikusondeza kuBaba.
Indumiso isikhumbuza isizathu sethu sokuphila.
Indumiso yehlisa izulu.
UKUDUMISAA KWETHU KUSHINTSHA UMKHATHI!
uNkulunkulu usevele ukunikile ukhiye wokushintsha isimo esikuzungezile. Kukhona umsindo emoyeni wakho, othi uma ukhululiwe, unyakazise izisekelo, uveze izimangaliso. Njengoba uthola lokhu uzoqala ukumkhonza phakathi kwanoma yisiphi isimo noma inkinga.
uJehova uhlezi endumisweni zabantu bakhe. Lapho kukhona ukukhonza kweqiniso, kukhona uNkulunkulu.
Akunakwenzeka ukweqisa amandla, ukunqoba, isibusiso, ukuphulukisa, isikhuthazo, nogqozi oluqukethwe kule mfihlo emangalisayo yokukhulekela uJehova.
Ukukhonza Okuzolile
AmaHubo 46:10 athi, “Thula, wazi ukuthi mina nginguNkulunkulu.”
Kusho ukuthini ukuthi “thula”? Igama lesiHeberu elisho “thula” lihumusha ukudedela ukubamba kwakho, ukuzenza buthaka. Yeka umqondo okhululayo! Ekuthembeleni kwethu ngokuphelele kuNkulunkulu ongasoze asidumaza, sithola inkululeko.
UNkulunkulu wakho nguye olawulayo!
Ungakhathazeki—khonza!
Ungakhononi—khonza!
Ungahlebi—khonza!
Ungathukutheli—khonza!
Ungayeki—khonza!
Ukukhonza Kwakho Kuyisikhali Sakho!
- UDavid Villa
UmBhalo
Mayelana naloluHlelo
Ezikhathini zokucindezeleka okukhulu nobunzima, sinesikhali esisodwa esibalulekile esizosivumela ukuba sinqobe konke ukuphikiswa: Indumiso! Kulolu hlelo lwezinsuku eziyisithupha, uDavid Villa ujoyinwa abaholi bezenkolo abehlukene ukuxoxa ngokuthi singasisebenzisa kanjani lesi sikhali ngempumelelo! Ukudumisa kuyisikhali sethu!
More
