ImizwaIsampula

UJesu Wayeyisibonelo Sokuthethelela 

Ukuthethelela ngokwako akuwona umuzwa; kuwukukhetha. Kodwa ukuthethelela—noma ukungathetheleli—kungavusa imizwa eminingi. Cabanga ngesikhathi sokugcina uthethelelwa. Wezwa yiphi imizwa? Cishe impumuzo ethile, ukubonga nenjabulo. Kuthiwani ngesikhathi sokugcina lapho uthethelela omunye umuntu? Mhlawumbe ukuthula, umusa, nesihe. 

Ukuthethelela kungaba ukhiye wokuthuthukisa ubudlelwano obuningi. Kodwa kudinga ukudedela imizwa yethu ebuhlungu ukuze sifune ukwelashwa esikhundleni salokho. Lokho akusho ukuthi asikwazi ukuzwa ubuhlungu ngezenzo zothile. Kodwa kusho ukuthi sikhetha ukudela ilungelo lethu lokulungile ukuze silungise ubuhlobo. 

Lo mqondo wokuxolelana yilowo osekunesikhathi eside abantu bexabana nawo. Eqinisweni, uPetru wabuza uJesu umbuzo mayelana nokuthethelela okungenzeka iningi lethu liyawazi. Wabuza: 

… “Nkosi, ngingamthethelela kangaki umuntu owonayo kimi na? Kasikhombisa na?” NgokukaMathewu 18:21 NLT 

Siyalingeka, njengoPetru, ukubeka imithetho ebudlelwaneni bethu. Sifuna ukuphuma uma kwenzeka izinto zingahambi kahle. Kodwa akukho mkhawulo ekuthetheleleni. Nansi impendulo kaJesu: 

UJesu waphendula wathi: “Cha, hhayi kasikhombisa, kodwa kashumi ayisikhombisa aphindwe kasikhombisa!” NgokukaMathewu 18:22 NLT 

UJesu uqhubeka elandisa indaba yenkosi eqoqa isikweletu sayo ezincekwini. Omunye wabakweletayo wayekweleta izigidi zamarandi. Wayengakwazi ukukhokha, ngakho inkosi yayizomthengisa yena nomndeni wakhe ukuze bakhomkhele. Indoda yacela umusa, inkosi yamnike wona. Kamuva, yona le ndoda eyathethelelwa yenqaba ukuthethelela omunye umuntu ngokumkweleta imali. Inkosi yathola lokho, futhi yayala ukuba aboshwe ukuze akhokhe isikweletu. 

Kukangaki silingeka ukuba senze njengendoda endabeni? Sithethelelwe kakhulu, nokho kunzima kakhulu ngathi ukwelula isihe esifanayo kanye nokuthethelela kwabanye. Kodwa uJesu—njengenkosi—akafuni ukuthethelelwa ngendlela eyodwa. Sithethelelwe isono, saboniswa umusa ongasifanele, futhi sazuza indlela yokuba abalungile noNkulunkulu lapho sasingenakusifanelekela. Okuwukuphela kwempendulo yethu yemvelo ukwelula izinga elifanayo lokuthethelela kwabanye. 

Ngakho ukuxolela akuwona umuzwa. Kodwa kuwukukhetha. Futhi uma silandela uJesu, kuyisinqumo sokungakunaki ukona kwethu nemizwa yethu ebuhlungu ukuze sidumise uNkulunkulu futhi sibuyisele ubuhlobo. 

Khuleka: Nkulunkulu, ngiyabonga ngomusa Wakho, isihe, kanye nentethelelo Yakho. Ngiyabonga ngokusinika indlela ngoJesu ukuba silungisiswe kuwe. Ngibonise noma yiziphi izindawo lapho ngidinga ukufuna noma ukwelula intethelelo, futhi ungisize ngenze njalo. Egameni likaJesu, ameni.