Thola i AppUngapheli Amandla Ngo Jason MeyerIsampula
Okufanele Ukwenze Uma Uzizwa Ungelutho
Ukudumazeka kufana nezibuko ezenza konke ukuphila kubonakale kumnyama. Lapho sidangele, ngokuvamile sithatha ukucabanga kwethu okungajabulisi futhi sidlulisele leyo micabango nemizwa emnyama kuNkulunkulu. Senza umbono oyiphutha wokuthi “uNkulunkulu kufanele angibheke ngendlela engibheka ngayo.”
Zinike isikhashana uhlole ukuzikhulumela kwakho noma ingxoxo yakho yangaphakathi. Yiziphi izinto ozishoyo kuwena njalo? Cabanga ukuthi ukuzikhulumela kwakho kufaka phakathi izitatimende ezingezinhle, njengokuthi "Angihlakaniphe ngokwanele." "Ngizohluleka noma kunjalo." “Mina ngiyisiphukuphuku. “Akekho ozongithanda.” Namanje ngisathuswa wukukhuluma kwami. Ngizikhuluma kabi mina, ngikhuluma izinto engingeke ngizisho komunye umuntu.
Kudingeka sibeke phansi izikhali esiziqondise kuzo futhi sihlole izindaba zethu eziphikisana nendaba kaNkulunkulu. Singaveza kuNkulunkulu lokho esikucabangayo ngathi noma singathola kuNkulunkulu lokho akushoyo ngathi.
Siyaphi ukuze sihlole izinkolelo zethu ezidukile futhi sizwe inguqulo kaNkulunkulu? Indaba ephelele ingatholakala eZwini likaNkulunkulu. Kungani uNkulunkulu asisindisa futhi wasinika impilo entsha? Lombhalo uphendula lowo mbuzo ngokucacile okunesibindi omemezela inhliziyo kaNkulunkulu: “Ngenxa yothando olukhulu asithanda ngalo” (Kwabase-Efesu 2:4). UNkulunkulu akasithandanga ngoba sasithandeka. Wasithanda ngoba uNkulunkulu uluthando futhi wasikhetha ukuthi sibe ngabantwana bakhe.
Mhlawumbe kunzima ukuzwa iqiniso lothando lukaNkulunkulu. Ingabe ukuntula kwakho umuzwa kwenza uthando lukaNkulunkulu lube ngokoqobo? IBhayibheli lisikhomba ebufakazini bangaphandle bothando lukaNkulunkulu olutholakala esiphambanweni sikaKristu. KwabaseRoma 5:8 ithi, “UNkulunkulu ubonisa uthando lwakhe ngathi ngoba siseyizoni, uKristu wasifela.”
Khumbula ukuthi uNkulunkulu akasithandanga mina nawe ngoba sasithandeka. Wasithanda siseyizoni—ezingenasimilo. Noma nini lapho uzwa izinzipho zokudangala zicwila enhliziyweni yakho, bheka esiphambanweni futhi ubone uthando lukaNkulunkulu olungaguquki, olunganyakaziswa, olungaphenduki njengoba uJesu ekuthwalela umthwalo wesono futhi ehlupheka esikhundleni sakho. walahlwa ukuze namukelwe. KuKristu, ibhena elindiza phezulu phezu kwakho lithi “akukho ukulahlwa” (KwabaseRomam 8:1)
Ingxoxo yakho siqu/yangaphakathi ikuvezelani? Ingabe lokhu kunembile ngendlela uNkulunkulu akubona ngayo?
UmBhalo
Mayelana naloluHlelo
Izizathu zokudikibala zinamandla, kodwa izizathu zokuba nenhliziyo nokubambelela ethembeni zinamandla. Kufanele sibone isithombe esikhulu. Ngeqiniso leBhayibheli kanye nezindaba zomuntu siqu, umbhali, umfundisi, kanye nesazi sezenkolo uJason Meyer ukhuthaza ikholwa elikhathele nelikhathazekile ngokukhanyisela ubunjalo beqiniso, ubunjalo bukaNkulunkulu, kanye nokuhlangana kwakho kokubili ekuphileni kwethu kwansuku zonke, izimpambano zomgwaqo.
More
