Thola i AppMerry & Bright: Sibungaza uKhisimusi Nsuku ZonkeIsampula
O, Woza Simkhonze
“Umlingo kakhisimusi awukho kwizipho kodwa usebukhoneni Bakhe.” -Ongaziwa
Kunamasiko amaningi esiwafaka enkathini yethu kaKhisimusi. Sihlobisa amakhaya ethu namabhizinisi ngazo zonke izinhlobo zamaribhini, uhlaza, izibani, nokucwebezela. Senza izibiliboco ebesizilangazelela kusukela ngoDisemba odlule kodwa asizizwa kufanele ukudla phakathi kukaJanuwari noNovemba. Sithatha uhambo emadolobheni ethu ukuze sibone imibukiso kaKhisimusi yezibani ngobuningi. Sibona imidlalo ezikoleni zezingane zethu futhi sibuke nezinhlelo emasontweni ethu. Nakanjani asishodi ngamasiko ngenyanga kaZibandlela.
Futhi ezikhathini eziningi zokuphithizela kwalenkathi yenjabulo, ekujabuleleni le misebenzi yesikhashana, sikhohlwa into eyodwa okufanele ibe esikweni lethu lemihla ngemihla—sichitha isikhathi noJesu. Lobu imvamisa wubudlelwano obubodwa ezimpilweni zethu esikhohlwa ukutshala kubo ngesikhathi sonyaka okufanele ngabe siyamgubha. Kulula ukwenza futhi sonke, ngesikhathi esithile ezimpilweni zethu, sizithola sikule ndawo.
Kodwa kukhona izindaba ezinhle! Ukuthi sigeje usuku olulodwa, isonto elilodwa, noma ngisho inyanga eyodwa ekubeni sichithe isikhathi noJesu akusho ukuthi ngeke siphinde siqale. Umusa kaNkulunkulu umusha nsuku zonke. Qala isikhathi sakho noNkulunkulu futhi ngokwenza okukodwa noma ngaphezulu kwalokhu okulandelayo:
- Qala Uhlelo LweBhayibheli.
- Funda amaHubo nezAga njalo ngenyanga yonyaka.
- Khetha ivesi noma isiqephu seBhayibheli esifushane bese ubhala ngaso.
- Faka umculo wokudumisa osukwini lwakho.
- Chitha isikhathi uthandazela abantu empilweni yakho.
- Lalela intshumayelo noma i-podcast eyakha ukholo lwakho.
Ukwenza lezi zinto akukhona ukuzuza uthando lukaNkulunkulu noma ukuqiniseka ukuthi akasithukutheleli. Kumayelana nokuxhumana naLowo owadela ukuphila Kwakhe ngenxa yethu ukuze siphilele ukuphila kwethu. Kumayelana nokuthola amandla esiwadingayo ukuze siphile emhlabeni okungelona ikhaya lethu langempela. Kumayelana nokuhamba Naye ukuze sifunde futhi sikhule okholweni lwethu ukuze sisize abanye endleleni.
Masenze ukuchitha isikhathi noJesu isiko elibaluleke kakhulu elihlala unyaka wonke.
Cabanga
- Ingabe ukuthola kuyinselele ukuchitha isikhathi noJesu nsuku zonke? Yini ekuvimbela ukuthi ugcine lesi sibopho?
- Nquma namuhla ukuthi yini ezokusiza ugcine ukuzibophezela kwakho.
Mayelana naloluHlelo
Kukhona into ebalulekile ngo Khisimusi eveza okuhle kakhulu kithi sonke. Sivamise ukuba mnene, siphe ngokwevile, sichithe isikhathi nalabo esibathandayo. Kodwa kunganjani uma lokhu kungagcini nje kuphela ngoZibandlela? Kunjani uma singagubha uKhisimusi nsuku zonke?
More
