Incwadi yeZenzo

IVangeli likaLuka

IVangeli likaJohane

IVangeli likaMathewu

Isifinyezo seTestamente Elisha

1 AbaseKorinte

AbaseGalathiya

Abase-Efesu

IVangeli likaMarku

2 AbaseKorinte

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bk1KI">
 <div class="chapter ch2" data-usfm="1KI.2.1+1KI.2.2+1KI.2.3+1KI.2.4+1KI.2.5+1KI.2.6+1KI.2.7+1KI.2.8+1KI.2.9+1KI.2.10+1KI.2.11+1KI.2.12+1KI.2.13+1KI.2.14+1KI.2.15+1KI.2.16+1KI.2.17+1KI.2.18+1KI.2.19+1KI.2.20+1KI.2.21+1KI.2.22+1KI.2.23+1KI.2.24+1KI.2.25+1KI.2.26+1KI.2.27+1KI.2.28+1KI.2.29+1KI.2.30+1KI.2.31+1KI.2.32+1KI.2.33+1KI.2.34+1KI.2.35+1KI.2.36+1KI.2.37+1KI.2.38+1KI.2.39+1KI.2.40+1KI.2.41+1KI.2.42+1KI.2.43+1KI.2.44+1KI.2.45+1KI.2.46">
 <div class="p">1Izinsuku zikaDavide zasondela ekufeni; wayesemyala uSolomoni indodana yakhe, ethi:</div><div class="p"> 2 &#8220;Mina sengihamba indlela yawo wonke umhlaba; ngalokho qina, ube yindoda, 3 ugcine isiyalezo sikaJehova uNkulunkulu wakho ukuba uhambe ezindleleni zakhe, ugcine izimiso zakhe, nemiyalo yakhe, nezahlulelo zakhe, nobufakazi bakhe njengokulotshiweyo emthethweni kaMose, ukuze uphumelele kukho konke okwenzayo nakukho konke okubhekayo, 4 ukuze uJehova aqinise izwi lakhe alikhuluma ngami ngokuthi: &#8216;Uma abantwana bakho begcina indlela yabo ukuba bahambe phambi kwami eqinisweni ngayo yonke inhliziyo yabo nangawo wonke umphefumulo wabo, awuyikuntula muntu &#8211; washo njalo &#8211; esihlalweni sobukhosi sakwa-Israyeli.&#8217;</div><div class="p"> 5 &#8220;Futhi wena uyazi okwenziwayo kimi nguJowabe indodana kaSeruya, nalokho akwenzayo kuzo izinduna ezimbili zezimpi zakwa-Israyeli, o-Abineri indodana kaNeri no-Amasa indodana kaJetheri, owababulala, wachitha igazi lokulwa ngesikhathi sokuthula, wabeka igazi lokulwa kulo ibhande* lakhe elalisokhalweni lwakhe nasezicathulweni zakhe ezazisezinyaweni zakhe. 6Yenza njengokuhlakanipha kwakho, ungayehlisi impunga ngokuthula endaweni yabafileyo.</div><div class="p"> 7 &#8220;Kepha yiba nomusa kumadodana kaBarizilayi wakwaGileyadi, abe khona phakathi kwabadla ngasetafuleni lakho, ngokuba enza kanjalo kimi mhla ngabalekela u-Abisalomu umfowenu.</div><div class="p"> 8 &#8220;Bheka, ukhona nawe uShimeyi indodana kaGera wakwaBenjamini waseBahurimi, owangithuka ngokuthuka okwesabekayo mhla ngiya eMahanayimi; kepha wehla ukungihlangabeza ngaseJordani, ngafunga kuye uJehova ngokuthi: &#8216;Angiyikukubulala ngenkemba.&#8217; 9Ngalokho ungamyeki abe ngongenacala, ngokuba wena ungumuntu ohlakaniphileyo, uyakwazi okufanele ukuba ukwenze kuye, wehlise impunga endaweni yabafileyo inegazi.&#8221;</div><div class="p"> 10 UDavide wayeselala koyise, wembelwa emzini kaDavide. 11 Izinsuku uDavide abusa ngazo phezu kuka-Israyeli zaziyiminyaka engamashumi amane; iminyaka eyisikhombisa wabusa eHebroni, iminyaka engamashumi amathathu nantathu wabusa eJerusalema.</div><div class="s1">Izijeziso zika-Adoniya, no-Abiyathara, noJowabe, noShimeyi</div><div class="p"> 12USolomoni wayesehlala esihlalweni sobukhosi sikaDavide uyise; umbuso wakhe waqiniswa kakhulu.</div><div class="p"> 13Wayesefika u-Adoniya indodana kaHagiti kuBati Sheba unina kaSolomoni. Wathi: &#8220;Uze nokuthula na?&#8221;</div><div class="p">Wathi yena: &#8220;Yebo, ngize nokuthula.&#8221;</div><div class="p"> 14Wayesethi: &#8220;Nginendaba kuwe.&#8221;</div><div class="p">Wathi: &#8220;Khuluma.&#8221;</div><div class="p"> 15 Wathi-ke: &#8220;Uyazi wena ukuthi umbuso wawungowami nokuthi wonke u-Israyeli wabhekisa kimi ubuso bakhe ukuba ngibuse; kepha umbuso usuguquliwe, sewaba ngowomfowethu, ngokuba wawuthola kuJehova. 16Sengicela into inye kuwe, ungangifulatheli.&#8221;</div><div class="p">Wathi kuye: &#8220;Khuluma.&#8221;</div><div class="p"> 17 Wayesethi: &#8220;Ake ukhulume kuSolomoni inkosi, ngokuba akayikukufulathela wena, ukuba anginike u-Abishagi waseShunemi abe ngumkami.&#8221;</div><div class="p"> 18UBati Sheba wathi: &#8220;Kulungile; ngizakukukhulumela enkosini.&#8221;</div><div class="p"> 19Wayesehamba uBati Sheba, waya enkosini uSolomoni ukuba amkhulumele u-Adoniya kuyo. Inkosi yasukuma ukumhlangabeza, yamkhothamela, yahlala esihlalweni sayo sobukhosi, yambekela unina wenkosi isihlalo, wahlala ngakwesokunene sayo.</div><div class="p"> 20Wayesethi kuyo: &#8220;Nginesicelo sinye nje esincane kuwe; ungangifulatheli.&#8221;</div><div class="p">Inkosi yathi kuye: &#8220;Cela-ke, mame ngokuba angiyikukufulathela.&#8221;</div><div class="p"> 21Wathi-ke: &#8220;U-Abishagi waseShunemi makanikwe ku-Adoniya umfowenu, abe ngumkakhe.&#8221;</div><div class="p"> 22 Inkosi uSolomoni yaphendula, yathi kunina: &#8220;Umcelelelani u-Adoniya u-Abishagi waseShunemi na? Mcelele nombuso futhi, ngokuba ungumnewethu; yebo, mcelele yena no-Abiyathara umpristi, noJowabe indodana kaSeruya.&#8221;</div><div class="p"> 23Inkosi uSolomoni yayisifunga uJehova ngokuthi: &#8220;UNkulunkulu makenze njalo kimi, enezele futhi, uma u-Adoniya engakhulumanga leli zwi libe ngelokufa kwakhe. 24Ngalokho, kuphila kukaJehova ongiqinisileyo, wangibeka esihlalweni sobukhosi sikaDavide ubaba, wangenza indlu njengokukhuluma kwakhe; namhla nje uyakubulawa u-Adoniya.&#8221; 25Inkosi uSolomoni yayisithumela ngesandla sikaBenaya indodana kaJehoyada: wamsukela; wafa.</div><div class="p"> 26 Inkosi yathi ku-Abiyathara umpristi: &#8220;Hamba uye e-Anathoti emasimini akho, lokhu ungowokufa, kepha angiyikukubulala namuhla, ngokuba wawuwuthwala umphongolo weNkosi uJehova phambi kukaDavide ubaba, wahlupheka ngakho konke ubaba ahlupheka ngakho.&#8221; 27 USolomoni wayesemxosha u-Abiyathara, angabe esaba ngumpristi kuJehova, ukuba agcwalise izwi likaJehova alikhuluma ngendlu ka-Eli eShilo.</div><div class="p"> 28Lapho kufika umbiko kuJowabe ngokuba uJowabe &#8211; wayemlandele u-Adoniya noma engamlandelanga u-Abisalomu uJowabe &#8211; wabaleka, waya etendeni likaJehova, wabamba izimpondo ze-altare. 29 Inkosi uSolomoni yatshelwa ukuthi: &#8220;UJowabe ubalekele etendeni likaJehova; bheka, ungase-altare.&#8221; USolomoni wayesethuma uBenaya indodana kaJehoyada ngokuthi: &#8220;Hamba, umsukele.&#8221;</div><div class="p"> 30UBenaya wafika etendeni likaJehova, wathi kuye: &#8220;Isho kanje inkosi, ithi: &#8216;Phuma.&#8217; &#8221;</div><div class="p">Wathi: &#8220;Qha, ngiyakufela lapha.&#8221;</div><div class="p">UBenaya wabuyisela enkosini izwi lokuthi: &#8220;Washo njalo uJowabe, wangiphendula kanjalo.&#8221;</div><div class="p"> 31 Inkosi yathi kuye: &#8220;Yenza njengokusho kwakhe, umsukele, ummbele, ukuba ususe kimi nakuyo indlu kababa igazi elachithwa ngeze nguJowabe. 32 UJehova uyakulibuyisela igazi lakhe ekhanda lakhe, ngokuba wasukela amadoda amabili alungileyo amahle kunaye, wawabulala ngenkemba, ubaba uDavide engazi: u-Abineri indodana kaNeri, induna yempi yakwa-Israyeli, no-Amasa indodana kaJetheri, induna yempi yakwaJuda. 33 Igazi labo liyakubuyela ekhanda likaJowabe nasekhanda lenzalo yakhe kuze kube phakade; kepha kuDavide, nakuyo inzalo yakhe, nakuyo indlu yakhe, nakuso isihlalo sakhe sobukhosi kuyakuba ngukuthula kuze kube phakade, kuvela kuJehova.&#8221;</div><div class="p"> 34Wayesenyuka uBenaya indodana kaJehoyada, wamsukela, wambulala; wembelwa endlini yakhe ehlane. 35 Inkosi yayisimbeka uBenaya indodana kaJehoyada phezu kwempi esikhundleni sakhe; uSadoki umpristi inkosi yambeka esikhundleni sika-Abiyathara.</div><div class="p"> 36Inkosi yathuma yambiza uShimeyi, yathi kuye: &#8220;Zakhele indlu eJerusalema, uhlale khona, ungaphumi lapho ukuya ndawo. 37Ngokuba mhla uphuma, uwele umfudlana iKidroni, yazisisa ukuthi uyakufa nokufa; igazi lakho liyakuba sekhanda lakho.&#8221;</div><div class="p"> 38Wayesethi uShimeyi enkosini: &#8220;Lelo zwi lilungile; inceku yakho iyakwenza njengokusho kwenkosi yami, inkosi.&#8221; UShimeyi wahlala eJerusalema izinsuku eziningi.</div><div class="p"> 39 Kwathi ngasekupheleni kweminyaka emithathu izinceku ezimbili zikaShimeyi zabaleka, zaya ku-Akhishi indodana kaMahakha inkosi yaseGati. UShimeyi watshelwa ukuthi: &#8220;Bheka, izinceku zakho ziseGati.&#8221; 40Wayesesuka uShimeyi, wabophela imbongolo yakhe, waya eGati ku-Akhishi ukuba afune izinceku zakhe; wahamba uShimeyi, wazibuyisa izinceku zakhe eGati.</div><div class="p"> 41Kwabikelwa uSolomoni ukuthi uShimeyi wayesukile eJerusalema ukuya eGati nokuthi ubuyile. 42Inkosi yayisithuma yambiza uShimeyi, yathi kuye: &#8220;Angithi ngikufungisile uJehova, ngaqinisa kuwe ukuthi: &#8216;Mhla uphuma uye nomaphi, yazisisa ukuthi uyakufa nokufa,&#8217; na? Wathi kimi: &#8216;Izwi engilizwileyo lihle.&#8217; 43Pho, awugcinanga ngani isifungo sikaJehova nomyalo engakuyala ngakho na?&#8221;</div><div class="p"> 44 Inkosi yathi futhi kuShimeyi: &#8220;Wena uyazi konke okubi okwaziwa yinhliziyo yakho, owakwenza kuDavide ubaba; ngalokho uJehova uyakubuyisela ububi bakho ekhanda lakho. 45Kepha inkosi uSolomoni iyakubusiswa, nesihlalo sobukhosi sikaDavide siyakuqiniswa phambi kukaJehova kuze kube phakade.&#8221;</div><div class="p"> 46Ngokuyala kwenkosi uBenaya indodana kaJehoyada waphuma wamsukela; wafa. Umbuso wawusulokhu uqiniswa njalo esandleni sikaSolomoni.</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bk1KI">
 <div class="chapter ch3" data-usfm="1KI.3.1+1KI.3.2+1KI.3.3+1KI.3.4+1KI.3.5+1KI.3.6+1KI.3.7+1KI.3.8+1KI.3.9+1KI.3.10+1KI.3.11+1KI.3.12+1KI.3.13+1KI.3.14+1KI.3.15+1KI.3.16+1KI.3.17+1KI.3.18+1KI.3.19+1KI.3.20+1KI.3.21+1KI.3.22+1KI.3.23+1KI.3.24+1KI.3.25+1KI.3.26+1KI.3.27+1KI.3.28">
 <div class="p">1 USolomoni wahlangana ngobuhlobo noFaro inkosi yaseGibithe, wathatha indodakazi kaFaro, wayingenisa emzini kaDavide, waze waqeda ukwakha indlu yakhe, nendlu kaJehova, nogange lwaseJerusalema nxazonke. 2 Nokho abantu babehlaba ezindaweni eziphakemeyo, ngokuba kwakungakhelwanga igama likaJehova indlu kwaze kwaba yilezo zinsuku. 3USolomoni wamthanda uJehova, wahamba ngezimiso zikaDavide uyise; kepha wahlaba, washisa impepho ezindaweni eziphakemeyo.</div><div class="s1">Ukuhlaba kukaSolomoni nephupho lakhe eGibeyoni</div><div class="p"> 4 Inkosi yaya eGibeyoni ukuhlabela khona, ngokuba kwakuyindawo ephakemeyo enkulu; uSolomoni wanikela ngeminikelo yokushiswa eyinkulungwane e-altare lelo. 5 EGibeyoni uJehova wabonakala kuSolomoni ngephupho ebusuku; uNkulunkulu wathi: &#8220;Cela lokhu othanda ukuba ngikunike khona.&#8221;</div><div class="p"> 6 USolomoni wathi: &#8220;Wenzele inceku yakho uDavide ubaba umusa omkhulu njengokuhamba kwakhe phambi kwakho ngeqiniso, nangokulunga, nangobuqotho benhliziyo kuwe, wamgcinela futhi lowo musa omkhulu, wamnika indodana ukuba ihlale esihlalweni sakhe sobukhosi, njengokuba kunjalo namuhla.</div><div class="p"> 7&#8220;Manje, Jehova Nkulunkulu wami, ubekile inceku yakho inkosi esikhundleni sikaDavide ubaba; ngingumntwana omncane nje, angikwazi nokungena nokuphuma. 8 Inceku yakho iphakathi kwabantu bakho obakhethileyo, isizwe esikhulu, esingenakubalwa, esingenakuthathwa umumo waso ngobuningi. 9Ngalokho yiphe inceku yakho inhliziyo elalelayo ukwahlulela abantu bakho ukuba ngahlukanise okuhle nokubi, ngokuba ngubani ongahlulela laba bantu bakho abakhulu kangaka na?&#8221;</div><div class="p"> 10Leyo nkulumo yaba nhle emehlweni eNkosi ukuba uSolomoni wayecele leyo nto. 11Wathi uNkulunkulu kuye: &#8220;Ngokuba ucele leyo nto, ungazicelelanga izinsuku eziningi, ungazicelelanga namfuyo, ungacelanga futhi ukufa kwezitha zakho, uzicelele ukwahlukanisa lokho okuzwayo ekwahluleleni, 12 bheka, ngenzile njengezwi lakho: nakhu, ngikunika inhliziyo enokuhlakanipha nokuqonda, okungazange kube khona okunjengakho ngaphambi kwakho nokungayikuvela futhi okunjengakho nangasemva kwakho. 13 Ngikunika futhi nalokho ongakucelanga, imfuyo nodumo, ngangokuba kungayikubakho onjengawe phakathi kwamakhosi zonke izinsuku zakho. 14 Uma uhamba ngezindlela zami, ugcine izimiso zami nemiyalo yami, njengalokho uyihlo uDavide wahamba, ngiyakwandisa izinsuku zakho.&#8221; 15USolomoni wayesephaphama; bheka, kwakuyiphupho; waya eJerusalema, wema phambi komphongolo wesivumelwano sikaJehova, wanikela ngeminikelo yokushiswa, wanikela ngeminikelo yokuthula, wazenzela izinceku zakhe zonke idili.</div><div class="s1">Ukuhlakanipha kukaSolomoni ekwahluleleni</div><div class="p"> 16Khona kwafika enkosini abesifazane ababili abayizifebe, bema phambi kwayo. 17Omunye owesifazane wathi: &#8220;E nkosi, mina nalo wesifazane sihlala ndlininye; ngabeletha nginaye endlini. 18Kwathi ngosuku lwesithathu sengibelethile, lo wesifazane wabeletha naye; sasindawonye, kwakungekho mfokazi nathi endlini, kuyithina sobabili kuphela.</div><div class="p"> 19&#8220;Umfana walo wesifazane wafa ebusuku, ngokuba walala phezu kwakhe. 20Wavuka phakathi kwamabili, wathatha umfana wami eceleni kwami, incekukazi yakho ilele ubuthongo, wambeka esifubeni sakhe, wabeka umfana wakhe ofileyo esifubeni sami. 21Lapho sengivuka ekuseni ukuba ngimncelise umfana wami, bheka, wayesefile; kepha sengimbhekisisa ekuseni, bheka, kwakungesiye umfana wami engimzeleyo.&#8221;</div><div class="p"> 22Wayesethi omunye owesifazane: &#8220;Qha, ophilayo ungumfana wami, ofileyo ngumfana wakho.&#8221;</div><div class="p">Kepha yena wathi: &#8220;Qhabo, ofileyo ungumfana wakho, ophilayo ngumfana wami.&#8221; Bakhuluma kanjalo phambi kwenkosi.</div><div class="p"> 23Yayisithi inkosi: &#8220;Omunye uthi: &#8216;Ngowami lo mfana ophilayo, ngumfana wakho ofileyo;&#8217; omunye uthi: &#8216;Qha, ngumfana wakho ofileyo, ngumfana wami ophilayo.&#8217; &#8221;</div><div class="p"> 24Yathi inkosi: &#8220;Ngiletheleni inkemba.&#8221; Baletha inkemba enkosini. 25Yathi-ke inkosi: &#8220;Mdabuleni kabili umntwana ophilayo, ninike omunye inxenye nomunye inxenye.&#8221;</div><div class="p"> 26 Wayesekhuluma enkosini owesifazane ongowakhe umntwana ophilayo, ngokuba izibilini zakhe zavutha ngomntanakhe, wathi: &#8220;E nkosi, mnike yena umntwana ophilayo, ungambulali nakanye,&#8221; kepha omunye wathi: &#8220;Makangabi ngowami nangowakho; mdabuleni.&#8221;</div><div class="p"> 27Yayisithatha inkosi, yathi: &#8220;Mnikeni lowo umntwana ophilayo, ningamdabuli nakanye; nguye ongunina.&#8221;</div><div class="p"> 28U-Israyeli wonke wezwa leso sahlulelo esenziwe yinkosi; bayesaba inkosi, ngokuba babona ukuthi ukuhlakanipha kukaNkulunkulu kwakukuyo ekwahluleleni kwayo.</div>
 </div>
 </div>
</div>

The Essential 100® Bible Challenge–8–The Fall Of Israel.Isampula

UmBhalo

Mayelana naloluHlelo

Izinhlelo zohlobo olufanayo