1 AbaseKorinte

2 AbaseKorinte

IVangeli likaMathewu

AmaRoma

Isifinyezo seTestamente Elisha

IVangeli likaLuka

IVangeli likaJohane

IVangeli likaMarku

AbaseGalathiya

Incwadi yeZenzo

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch8" data-usfm="GEN.8.1+GEN.8.2+GEN.8.3+GEN.8.4+GEN.8.5+GEN.8.6+GEN.8.7+GEN.8.8+GEN.8.9+GEN.8.10+GEN.8.11+GEN.8.12+GEN.8.13+GEN.8.14+GEN.8.15+GEN.8.16+GEN.8.17+GEN.8.18+GEN.8.19+GEN.8.20+GEN.8.21+GEN.8.22">
 <div class="p">1UNkulunkulu wayesemkhumbula uNowa, nezilwane zonke, nezinkomo zonke ezinaye emkhunjini. UNkulunkulu wadlulisa umoya phezu komhlaba, amanzi abohla. 2Imithombo yotwa namafasitele asezulwini kwavinjwa, imvula yasezulwini yaphela. 3Amanzi ayesemuka njalo emhlabeni; emva kwezinsuku eziyikhulu namashumi ayisihlanu amanzi ancipha. 4Ngenyanga yesikhombisa ngosuku lweshumi nesikhombisa enyangeni umkhumbi wema ezintabeni zase-Ararati. 5Amanzi ancipha njalonjalo, kwaze kwaba senyangeni yeshumi. Ngeyeshumi ngolokuqala lwenyanga iziqongo zezintaba zabonakala.</div><div class="p"> 6Kwathi emva kwezinsuku ezingamashumi amane uNowa wavula ifasitele lomkhumbi abelenzile. 7Wathuma igwababa, lazulazula njalo, aze asha amanzi emhlabeni. 8Wayesethuma ijuba ukubona ukuba amanzi asenciphile yini ebusweni bomhlaba. 9Kepha ijuba lalingafumani ukuphumula kwamathe onyawo lwalo, labuyela kuye emkhunjini, ngokuba amanzi ayesesebusweni bomhlaba wonke; waselula isandla sakhe, walithatha, walingenisa kuye emkhunjini. 10Wabuye wahlala izinsuku eziyisikhombisa; waphinda walithuma ujuba emkhunjini. 11Ijuba lafika kuye ngakusihlwa; bheka, kusemlonyeni walo iqabunga lomnqumo elikhiweyo. Wase azi uNowa ukuthi amanzi anciphile emhlabeni. 12Wabuye wahlala izinsuku eziyisikhombisa; walithuma ijuba; alabe lisabuyela kuye.</div><div class="p"> 13Kwathi ngomnyaka wamakhulu ayisithupha nanye ngenyanga yokuqala ngolokuqala lwenyanga amanzi abeseshile emhlabeni; uNowa wasusa uphahla lomkhumbi, wabona, bheka, ubuso bomhlaba base bomile. 14Ngenyanga yesibili ngosuku lwamashumi amabili nesikhombisa lwenyanga umhlaba wawusomile.</div><div class="p"> 15UNkulunkulu wakhuluma kuNowa, wathi: 16&#8220;Phuma emkhunjini, wena nomkakho, namadodana akho, nabafazi bamadodana akho bekanye nawe. 17 Phuma kanye nezilwane zonke eziphilayo zenyama yonke, izinyoni, nezinkomo, nezilwanyana zonke ezinwabuzelayo emhlabeni, zichume emhlabeni, zizale, zande emhlabeni.&#8221;</div><div class="p"> 18Wayesephuma uNowa namadodana akhe, nomkakhe, nabafazi bamadodana akhe bekanye naye. 19Zonke izilwane, nazo zonke izilwanyana ezinwabuzelayo, nazo zonke izinyoni, konke okuhamba emhlabeni ngezinhlobo zakho kwaphuma emkhunjini.</div><div class="s1">Umnikelo kaNowa nesithembiso sikaJehova</div><div class="p"> 20UNowa wamakhela uJehova i-altare, wathatha kuzo zonke izilwane ezihlambulukileyo nakuzo zonke izinyoni ezihlambulukileyo, wanikela umnikelo wokushiswa e-altare. 21 UJehova wezwa iphunga elimnandi; uJehova wathi enhliziyweni yakhe: &#8220;Angisayikuphinda ngiqalekise umhlaba ngenxa yabantu, ngokuba imicabango yomuntu mibi kwasebusheni bakhe; angisayikuphinda ngibhubhise konke okuphilayo, njengalokho ngenzile. 22Umhlaba usekhona, ukutshala nokuvuna, amakhaza nokufudumala, ihlobo nobusika, imini nobusuku akuyikunqamuka.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkGEN">
 <div class="chapter ch9" data-usfm="GEN.9.1+GEN.9.2+GEN.9.3+GEN.9.4+GEN.9.5+GEN.9.6+GEN.9.7+GEN.9.8+GEN.9.9+GEN.9.10+GEN.9.11+GEN.9.12+GEN.9.13+GEN.9.14+GEN.9.15+GEN.9.16+GEN.9.17">
 <div class="p">1 UNkulunkulu wabusisa uNowa namadodana akhe, wathi kubo: &#8220;Zalani nande, nigcwalise umhlaba. 2Uvalo nokwesabeka kwenu akube phezu kwezilwane zonke zomhlaba, naphezu kwazo zonke izinyoni zezulu, naphezu kwakho konke okunwabuzelayo emhlabeni, naphezu kwazo zonke izinhlanzi, kunikezelwe ezandleni zenu. 3 Zonke izilwane eziphilayo ziyakuba ngukudla kwenu; ngiyaninika konke kube njengemifino eluhlaza.</div><div class="p"> 4 &#8220;Kepha inyama okukuyo umphefumulo wayo, okungukuthi igazi layo, aniyikuyidla. 5Kodwa elenu igazi okukulo umphefumulo wenu ngiyakulibiza; kuzo zonke izilwane ngiyakulibiza; nakubo bonke abantu ngiyakubiza umphefumulo wabo, owomunye esandleni somunye. 6Ochitha igazi lomuntu, igazi lakhe liyakuchithwa ngabantu, ngokuba uNkulunkulu wamenza umuntu ngomfanekiso wakhe. 7Kepha zalani nina, nande, nichume emhlabeni, nivame kuwo.&#8221;</div><div class="p"> 8UNkulunkulu wakhuluma kuNowa nakumadodana akhe enaye, wathi: 9&#8220;Bhekani, mina ngiyamisa isivumelwano sami nani nenzalo yenu emva kwenu, 10nezilwane zonke eziphilayo ezinani, izinyoni, nezinkomo, nezilo zomhlaba ezinani, zonke eziphume emkhunjini, yebo, zonke izilwane zasemhlabeni. 11 Ngizakumisa isivumelwano sami nawe; akusayikubhujiswa nyama ngamanzi kazamcolo; akasayikuza uzamcolo ukuba achithe umhlaba.&#8221;</div><div class="p"> 12UNkulunkulu wathi: &#8220;Lokhu kuluphawu lwesivumelwano engisenza phakathi kwami nani nazo zonke izilwane eziphilayo ezinani kuze kube sezizukulwaneni zaphakade: 13ngizakumisa uthingo lwami emafwini, lube luphawu lwesivumelwano phakathi kwami nomhlaba. 14Kuyakuthi lapho ngiqoqa amafu phezu komhlaba, uthingo lubonakale emafwini. 15Khona ngiyakukhumbula isivumelwano esiphakathi kwami nani nazo zonke izilwane eziphilayo zenyama yonke; amanzi awasayikuba nguzamcolo wokuchitha inyama yonke. 16Uthingo luyakuba semafwini; ngizakulubheka, ngikhumbule isivumelwano esiphakade phakathi kukaNkulunkulu nazo zonke izilwane eziphilayo zenyama yonke emhlabeni.&#8221;</div><div class="p"> 17UNkulunkulu wathi kuNowa: &#8220;Lokhu kuluphawu lwesivumelwano engisenzile phakathi kwami nayo yonke inyama esemhlabeni.&#8221;</div><div class="p"> </div>
 </div>
 </div>
</div>

The Essential 100® Bible Challenge–1–In The BeginningIsampula

UmBhalo

Mayelana naloluHlelo

Izinhlelo zohlobo olufanayo