Izaga

NT Ngokwesikhathi

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkLUK">
 <div class="chapter ch5" data-usfm="LUK.5.17+LUK.5.18+LUK.5.19+LUK.5.20+LUK.5.21+LUK.5.22+LUK.5.23+LUK.5.24+LUK.5.25+LUK.5.26+LUK.5.27+LUK.5.28+LUK.5.29+LUK.5.30+LUK.5.31+LUK.5.32+LUK.5.33+LUK.5.34+LUK.5.35+LUK.5.36+LUK.5.37+LUK.5.38+LUK.5.39">
 <div class="p">17Kwathi ngolunye lwalezo zinsuku yena esafundisa, kwakuhlezi khona abaFarisi nabafundisi bomthetho ababephuma emizini yonke yaseGalile neJudiya neJerusalema. Namandla eNkosi ayekuye ukuba aphulukise. 18Bheka-ke, nanko amadoda ethwele ohlakeni umuntu ofe uhlangothi, efuna ukumngenisa nokumbeka phambi kwakhe. 19Engafumani ukuthi angamngenisa kanjani ngenxa yesixuku akhwela phezu kwendlu, amehlisa ophahleni kanye nohlaka ngaphakathi phambi kukaJesu.</div><div class="p"> 20Ebona ukukholwa kwawo wathi: &#8220;Mngane, uthethelelwe izono zakho.&#8221;</div><div class="p"> 21Ababhali nabaFarisi baqala ukuzindla ngokuthi: &#8220;Ngubani lo okhuluma ngokuhlambalaza? Ngubani ongathethelela izono ngaphandle kukaNkulunkulu yedwa na?&#8221;</div><div class="p"> 22Kepha uJesu ezazi izizindlo zabo waphendula, wathi kubo: &#8220;Nizindlani ezinhliziyweni zenu na? 23Yikuphi okulula ukuthi: &#8216;Uthethelelwe izono zakho,&#8217; noma ukuthi: &#8216;Vuka uhambe,&#8217; na? 24Kepha ukuze nazi ukuthi iNdodana yomuntu inamandla emhlabeni okuthethelela izono,&#8221; wayesethi kofe uhlangothi: &#8220;Kuwena ngithi: Vuka uthabathe uhlaka lwakho, uye endlini yakho.&#8221; 25Wasukuma khona lapho phambi kwabo, wathabatha lokho abelele kukho, wamuka waya endlini yakhe emdumisa uNkulunkulu. 26Ukumangala kwabehlela bonke, bamdumisa uNkulunkulu, bagcwala ukwesaba, bathi: &#8220;Sibonile izimanga namuhla.&#8221;</div><div class="p"> 27Emva kwalokho waphuma, wabona umthelisi, igama lakhe nguLevi, ehlezi endaweni yokuthela, wathi kuye: &#8220;Ngilandele.&#8221; 28Washiya konke, wasukuma, wamlandela.</div><div class="p"> 29ULevi wamenzela isidlo esikhulu endlini yakhe; kwakukhona isixuku esikhulu sabathelisi nabanye ababehlezi nabo ekudleni. 30AbaFarisi nababhali bakhonona kubafundi bakhe, bathi: &#8220;Yini ukuba nidle niphuze nabathelisi nezoni na?&#8221;</div><div class="p"> 31Waphendula uJesu, wathi kubo: &#8220;Abaphilileyo abadingi inyanga, ngabagulayo bodwa. 32 Kangizelanga ukubiza abalungileyo kodwa izoni ukuba ziphenduke.&#8221;</div><div class="s1">Ukuzila ukudla</div><div class="r">(Math. 9:14; Mark. 2:18)</div><div class="p"> 33Base bethi kuye: &#8220;Abafundi bakaJohane bazila kaningi, benze imikhuleko, kanjalo nababaFarisi, kepha abakho bayadla, baphuze.&#8221;</div><div class="p"> 34Kepha uJesu, wathi kubo: &#8220;Ningabazilisa yini abayeni, umyeni esenabo na? 35Kodwa kuzakufika izinsuku, lapho umyeni ezakususwa kubo; yikhona bezakuzila ngalezo zinsuku.&#8221;</div><div class="p"> 36Wabatshela nomfanekiso wokuthi: &#8220;Akakho odabula isiziba engutsheni entsha, asibekele engutsheni endala; uma enza lokho, uyayona entsha, futhi isiziba sentsha asizukuzwana nendala. 37Futhi akakho othela iwayini elisha ezimvabeni ezindala funa iwayini elisha liqhumise izimvaba, lichitheke lona, nezimvaba zonakale. 38Kodwa iwayini elisha limelwe ukuthelwa ezimvabeni ezintsha. 39Akakho othi ephuze iwayini elidala, afune elisha, ngokuba uthi elidala limnandi.&#8221;</div>
 </div>
 </div>
</div>

Funda ngeTestamente ElishaIsampula

UmBhalo

Mayelana naloluHlelo

Izinhlelo zohlobo olufanayo

Izaga

NT Ngokwesikhathi