Thola i AppVuselela Inhliziyo Yakho: Izinsuku ezingu-10 Ukulwa neSonoIsampula
Inkolelo Ishintsha Izinhliziyo
Yini ephansi kwezono zethu? Kuso sonke lesi sifundo, sibonile ukuthi inhliziyo idlala indima ebalulekile ekusiholeleni esonweni noma ebungcweleni. Kodwa yini ethinta inhliziyo?
uJesu wasibonisa eNtshumayelweni YaseNtabeni ukuthi ukungakholwa kusezansi zazo zonke izono zethu.
Ujesu wayala abalandeli bakhe ukuba bangakhathazeki ngokuthi bazodlani, bazophuzani noma bazogqokani. Kungenzeka kanjani lokho? Kuze kube namuhla abantu kusadingeka bakhandleke basebenze kanzima ukuze baphile, bephila ngeholo ukuze bahole. Ngizowondla kanjani umndeni wami, ngikhokhe imali yendlu, ngilungise imoto? Impendulo kaJesu iwukuba nokholo emalungiselelweni kaNkulunkulu (NgokukaMathewu 6:25–30). Esikukholelwayo kushintsha izinhliziyo zethu.
uJesu usifundisa iqiniso elibalulekile mayelana nendlela izinhliziyo zethu ezisebenza ngayo. Ngomqondo othile uthi, “Njengoba uNkulunkulu enza izinto ezincane, ngokuqinisekile uyokwenza izinto ezinkulu.” uNkulunkulu wondla izinyoni futhi agqokise utshani. Lokho kuwubufakazi bokuthi uzokondla futhi agqokise izingane zakho. Kholwa ukuthi uNkulunkulu ungumhlinzeki futhi ukukhathazeka kuzosuswa enhliziyweni yakho. Okukholelwayo kuyayishintsha inhliziyo yakho.
Nokho, ukungakholwa kusho okuphambene nezinhliziyo zethu. Njengoba uJesu asho, isono sokukhathazeka sibonisa ukungakholelwa elungiselelweni likaNkulunkulu. Siyakhathazeka ngoba asikholelwa ukuthi uNkulunkulu uzosinikeza. Ukungakholwa kwazo zonke izinhlobo kugcwala njalo ezinhliziyweni zethu futhi kuveza isono sakho esihambisanayo nesingenakugwenywa.
Amandla kaNkulunkulu awakwazi ukuhlinzeka. Uthando lukaNkulunkulu alwanele ukwanelisa. Umthetho kaNkulunkulu awuhambisani nenjabulo yami. Igazi likaJesu alanele isono sami. Ukusebenza kukaMoya oNgcwele akwanele ukungcweliswa kwami. Ivangeli alikwazi ukuphulukisa umshado wami, lingikhiphe ebugqileni bami, noma lithulise umunyu enhliziyweni yami. Siyangabaza ukuthi uNkulunkulu wanele.
Uma singamethembi uNkulunkulu, ubani esingamethemba? Ngezenzo zethu sonke siphendule lo mbuzo ngokugqama, "Mina!" Ngizohlangabezana nezidingo zami. Ngizofeza izifiso zami. Lapho sizama ukufeza izimfuno zethu ngamasu ethu, ukuphela kwekhambi esiyoke silidale yisono. Lapho izinhliziyo zethu zigcwele ukungakholwa, konke izandla zethu ezikubambile kuyokwenziwa izithixo esizenzele thina ukuze saneliseke. Yebo thina abokholo oluncane!
Ungalwa kanjani nesono na? Shintsha inhliziyo yakho. Ungayishintsha kanjani inhliziyo yakho? Shintsha izinkolelo zakho.
Kholwa ukuthi uJesu ukunikeze konke okudingayo eVangelini futhi inhliziyo yakho izoqala ukubalekela isono futhi ibheke kuNkulunkulu.
UmBhalo
Mayelana naloluHlelo
AmaKristu amaningi akholelwa ukuthi ukuphela kwendlela yokulwa nesono ukugedla amazinyo futhi sinqobe isilingo. Kodwa awukwazi ukulwa nesono ngengqondo yakho; kufanele ulwe naso ngenhliziyo yakho. Ngokusekelwe encwadini ethi Vuselela Inhliziyo Yakho, lokhu kubuka kwezinsuku eziyishumi kwamanye amavesi abaluleke kakhulu ngenhliziyo yakho kuzokusiza uthole ukuthi ungalwa kanjani nesono ngokuvumela iVangeli ukuthi livuselele inhliziyo yakho kabusha.
More
