Thola i App121 ye-AdventIsampula
Iyini Injabulo?
Injabulo ivame ukuchazwa ngokuthi, “umuzwa wentokozo nokuthokoza okukhulu.” Ezikhathini eziningi sidida intokozo nenjabulo futhi sicabange ukuthi othile kumelwe athokoze uma njalo ehamba enjabulweni, kodwa leyo akuyona indlela iBhayibheli elikuchaza ngayo lokho.
Lapho sikholelwa ukuthi uNkulunkulu ulawula yonke into, kuhlanganise nayo yonke imininingwane yokuphila kwethu, singaqiniseka ukuthi uhlale esebenza ukuze asisondeze Kuye kuzo zonke izimo. Ngeke nje lokho kusiqhubele ekubeni simdumise, kodwa futhi kuyosilethela injabulo yangempela.
Injabulo ayiwona umuzwa kangako kodwa iyisenzo sethu esikhetha ukuthembela kuNkulunkulu ezimweni zethu.
Imindeni Enezingane Ezincane
Funda eyabaseFilipi 4:4- 7. Chitha imizuzu embalwa ukhuluma ngokuthi injabulo iyini ngempela. IBhayibheli lisitshela nini ukuba sijabule? (njalo) Kungani lithi asijabula? (ngoba singabeNkosi)
IZINGANE, Abantu abaningi bazizwa bejabule lapho yonke into ibonakala ibahambela kahle, kodwa lapho izinto ezibazungezile zinzima noma kwenzeka okuthile okubi, uzizwa ukhungathekile noma udabukile. Kodwa, badida injabulo nokuthi injabulo yeqiniso iyini ngempela. Khumbula lapho KwabaseFilipi 4 isitshela ukuthi injabulo yethu ivela kuphi, ivela ekubeni abeNkosi. Ngisho nalapho izinto ezisizungezile zingahambi kahle, singaba nenjabulo yangempela ngoba siyazi ukuthi singabakhe, futhi singamethemba uNkulunkulu kukho konke okwenzekayo okusizungezile.
Funda uLuka 2:10-11. Hlobo luni lwezindaba ezalethwa ingelosi? (izindaba ezinhle ZENJABULO!) Zazingezobani lezi zindaba? (zabo bonke abantu) Zazithini izindaba? (Kuzelwe uMsindisi!) Injabulo yakho ivelaphi kulenkathi yeAdvent? Kulokho okwenzekayo eduze kwakho noma ezindabeni ezinhle zenjabulo enkulu, ukuthi uMsindisi wazalwa futhi ungowakhe?
Mayelana naloluHlelo
Ukuzalwa kukaKristu, ukufika Kwakhe, kuphawula icebo likaNkulunkulu lokuhlengwa kwethu. KuKristu, sibona isithombe esigcwele sethemba likaNkulunkulu, ukuthula, injabulo nothando. Izwi likaNkulunkulu liyiqiniso esazi ngalo futhi sihamba Naye nsuku zonke. Sethemba ukuthi lo mhlahlandlela uzokhuthaza futhi wenze lula isikhathi sakho osichithwa eZwini futhi unikezele insiza yemindeni enezingane ukwenza lokho ndawonye.
More
