IVangeli likaMarku

IVangeli likaLuka

1 AbaseKorinte

Incwadi yeZenzo

2 AbaseKorinte

AmaRoma

IVangeli likaJohane

AbaseGalathiya

Isifinyezo seTestamente Elisha

IVangeli likaMathewu

IBHAYIBHELI ELINGCWELE

<div class="version vid286 iso6393zul" data-vid="286" data-iso6393="zul">
 <div class="book bkDEU">
 <div class="chapter ch1" data-usfm="DEU.1.19+DEU.1.20+DEU.1.21+DEU.1.22+DEU.1.23+DEU.1.24+DEU.1.25">
 <div class="p">19&#8220;Sasuka eHorebe, sadabula lelo hlane elikhulu nelesabekayo enalibonayo ngasendleleni yasentabeni yama-Amori, njengalokho uJehova uNkulunkulu wethu wasiyala, saze safika eKadeshi Barineya. 20Ngase ngithi kini: &#8216;Senifikile entabeni yama-Amori uJehova uNkulunkulu wethu asinika yona. 21Bhekani, uJehova uNkulunkulu wenu ulibekile izwe phambi kwenu: khuphukani nilidle, njengalokho uJehova uNkulunkulu wawoyihlo akhuluma kini; ningesabi, ningapheli amandla.&#8217;</div><div class="p"> 22 &#8220;Nasondela kimi nina nonke, nathi: &#8216;Masithume amadoda phambi kwethu ukuba asihlolele izwe, asibuyisele izwi ngendlela esimelwe ukukhuphuka ngayo, nangemizi esiyakufika kuyo.&#8217;</div><div class="p"> 23&#8220;Leyo nto yaba nhle emehlweni ami, ngathatha kini amadoda ayishumi nambili, kwaba yindoda inye kuleso naleso sizwe. 24Wona ayesephenduka, akhuphukela entabeni, afika esiGodini sase-Eshikoli, asihlola. 25Athatha ngezandla zawo ezithelweni zezwe, azehlisela kithi, asibuyisela izwi, athi: &#8216;Yizwe elihle uJehova uNkulunkulu wethu asinika lona.&#8217;</div><div class="p"> </div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkNUM">
 <div class="chapter ch13" data-usfm="NUM.13">
 <div class="label">13</div><div class="s1">Izinhloli eziyishumi nambili</div><div class="p"> 1UJehova wakhuluma kuMose, wathi: 2&#8220;Thuma wena abantu ukuba bahlole izwe laseKhanani engibanika lona abantwana bakwa-Israyeli; uthume umuntu waleso naleso sizwe sawoyise, kube yilowo nalowo abe yinduna phakathi kwabo.&#8221;</div><div class="p"> 3 UMose wabathuma-ke besuka ehlane lasePharanu ngesiyalezo sikaJehova; bonke babo babe ngabantu abayizinhloko zabantwana bakwa-Israyeli. 4Lawa angamagama abo:</div><div class="b"></div><div class="li1">Owesizwe sakwaRubeni: uShamuwa indodana kaZakuri.</div><div class="li1"> 5Owesizwe sakwaSimeyoni: uShafati indodana kaHori.</div><div class="li1"> 6Owesizwe sakwaJuda: uKalebi indodana kaJefune.</div><div class="li1"> 7Owesizwe sakwa-Isakare: u-Igali indodana kaJosefa.</div><div class="li1"> 8Owesizwe sakwa-Efrayimi: uHosheya indodana kaNuni.</div><div class="li1"> 9Owesizwe sakwaBenjamini: uPaliti indodana kaRafu.</div><div class="li1"> 10Owesizwe sakwaZebuloni: uGadiyeli indodana kaSodi.</div><div class="li1"> 11Owesizwe sakwaJosefa, owesizwe sakwaManase: uGadi indodana kaSusi.</div><div class="li1"> 12Owesizwe sakwaDani: u-Amiyeli indodana kaGemali.</div><div class="li1"> 13Owesizwe sakwa-Asheri: uSethuru indodana kaMikayeli.</div><div class="li1"> 14Owesizwe sakwaNafetali: uNabi indodana kaVofisi.</div><div class="li1"> 15Owesizwe sakwaGadi: uGewuweli indodana kaMaki.</div><div class="b"></div><div class="p"> 16Yilawo amagama amadoda athunywa nguMose ukuhlola izwe. UMose wambiza uHosheya indodana kaNuni ngokuthi uJoshuwa.</div><div class="p"> 17UMose wabathuma ukuhlola izwe laseKhanani, wathi kubo: &#8220;Yenyukani ngalapha, niye ngaseningizimu, nikhuphukele ezintabeni, 18nibone izwe ukuthi linjani, nabantu abakhe kulo ukuthi banamandla noma babuthakathaka, bayingcosana noma baningi yini, 19nokuthi izwe abakhe kulo linjani, noma lihle noma libi, nokuthi imizi abahlala kuyo injani, noma ngamakamu* noma yizinqaba, 20nokuthi izwe linjani, noma livundile noma limpofu, noma linezinkuni noma qha. Yibani nesibindi, nibuye nezithelo zezwe.&#8221; Kwase kuyisikhathi sezithelo zokuqala zomvini.</div><div class="p"> 21Base behamba-ke, bahlola izwe kusukela ehlane laseSini kuze kube seRehobe ekuyeni ngaseHamati. 22Benyukela ngaseningizimu, bafika eHebroni; o-Ahimani, noSheshayi, noTalimayi, abantwana bakwa-Anaki, babelapho. IHebroni lakhiwa iminyaka eyisikhombisa lingakakhiwa iSowani laseGibithe. 23 Bafika esiGodini sase-Eshikoli,* banquma khona igatsha elinehlukuzo lezithelo zomvini, balithwala ngothi phakathi kwababili, kanye namapomegranati* namakhiwane. 24 Leyo ndawo yathiwa isiGodi sase-Eshikoli* ngenxa yehlukuzo abantwana bakwa-Israyeli abalinquma khona. 25Base bebuya ekuhloleni izwe ngasekupheleni kwezinsuku ezingamashumi amane.</div><div class="p"> 26Baya bafika kuMose naku-Aroni nakuyo yonke inhlangano yabantwana bakwa-Israyeli ehlane lasePharanu eKadeshi, babuyisela izwi kubo nakuyo yonke inhlangano, bababonisa izithelo zezwe. 27Bamtshela bathi: &#8220;Safika-ke ezweni owasithuma kulo; ngempela livame ubisi nezinyosi; lokhu kuyizithelo zalo. 28Nokho abantu abakhe ezweni banamandla, imizi ibiyelwe, mikhulu kakhulu; futhi sabona abantwana bakwa-Anaki khona. 29U-Amaleki wakhile ezweni laseningizimu; amaHeti, namaJebusi, nama-Amori ahlala ezintabeni; amaKhanani akhile ngaselwandle naseceleni kweJordani.&#8221;</div><div class="p"> 30UKalebi wathulisa abantu phambi kukaMose, wathi: &#8220;Masenyuke khona manje, silidle, ngokuba sinamandla okulinqoba.&#8221;</div><div class="p"> 31Kepha amadoda ayenyuke naye athi: &#8220;Asinakwenyuka, sihlasele labo bantu, ngokuba banamandla kunathi.&#8221; 32Base belandisa abantwana bakwa-Israyeli umbiko omubi ngezwe ababelihlolile, bathi: &#8220;Izwe esilidabulile ukulihlola liyizwe elidla abakhileyo kulo; bonke abantu esababona kulo bangabantu abajaheleyo. 33 Sabona khona iziqhwaga, amadodana ka-Anaki ayela eziqhwageni; emehlweni ethu saba njengezintethe, saba njalo nasemehlweni abo.&#8221;</div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkNUM">
 <div class="chapter ch14" data-usfm="NUM.14.1+NUM.14.2+NUM.14.3+NUM.14.4+NUM.14.5+NUM.14.6+NUM.14.7+NUM.14.8+NUM.14.9+NUM.14.10+NUM.14.11+NUM.14.12+NUM.14.13+NUM.14.14+NUM.14.15+NUM.14.16+NUM.14.17+NUM.14.18+NUM.14.19+NUM.14.20+NUM.14.21+NUM.14.22+NUM.14.23+NUM.14.24+NUM.14.25+NUM.14.26+NUM.14.27+NUM.14.28+NUM.14.29+NUM.14.30+NUM.14.31+NUM.14.32+NUM.14.33+NUM.14.34+NUM.14.35+NUM.14.36+NUM.14.37+NUM.14.38+NUM.14.39">
 <div class="p">1Inhlangano yonke yayisiphakamisa izwi layo, yakhala. Abantu bakhala izinyembezi ngalobo busuku. 2 Bonke abantwana bakwa-Israyeli bakhonona ngoMose nango-Aroni; yonke inhlangano yathi kubo: &#8220;Sengathi nga safa ezweni laseGibithe, noma sengathi nga safa kuleli hlane. 3UJehova usilethelani kuleli zwe, siwe ngenkemba na? Omkethu nabancane bethu bayakuba yimpango; bekungengcono yini kithi ukubuyela eGibithe na?&#8221; 4Bathi omunye komunye: &#8220;Masibeke induna, sibuyele eGibithe.&#8221;</div><div class="p"> 5Khona oMose no-Aroni bawa ngobuso babo phambi kwebandla lonke lenhlangano yabantwana bakwa-Israyeli. 6UJoshuwa indodana kaNuni noKalebi indodana kaJefune ababephakathi kwabahlola izwe baklebhula izingubo zabo, 7bakhuluma kuyo yonke inhlangano yabantwana bakwa-Israyeli, bathi: &#8220;Izwe esalidabula ukulihlola liyizwe elihle kakhulu. 8Uma uJehova esithanda, uyakusingenisa kulelo zwe, asinike lona, izwe elivame ubisi nezinyosi. 9Kodwa ningahlubuki kuJehova, futhi ningesabi abantu balelo zwe; ngokuba bayisinkwa kithi; umthunzi wabo usukile phezu kwabo, kodwa uJehova unathi; ningabesabi.&#8221;</div><div class="p"> 10Kepha inhlangano yonke yathi mabakhandwe ngamatshe. Inkazimulo kaJehova yabonakala etendeni lokuhlangana kubo bonke abantwana bakwa-Israyeli.</div><div class="s1">Intukuthelo kaJehova. Isijeziso sabakwa-Israyeli</div><div class="p"> 11UJehova wayesekhuluma kuMose, wathi: &#8220;Koze kube nini laba bantu bengidelela na? Koze kube nini bengakholwa yimi ngezibonakaliso zonke engizenzile phakathi kwabo na? 12 Ngiyakubashaya ngesifo, ngibaphuce ifa, ngikwenze isizwe esikhulu nesinamandla kunabo.&#8221;</div><div class="p"> 13UMose wathi kuJehova: &#8220;Khona abaseGibithe bayakukuzwa, ngokuba wakhuphula laba bantu ngamandla akho phakathi kwabo, 14 babatshele abakhe kuleli zwe; bezwile ukuthi wena Jehova uphakathi kwalaba bantu, babonane nawe Jehova ubuso nobuso; ifu lakho limi phezu kwabo, wena uhamba phambi kwabo usensikeni yefu emini nasensikeni yomlilo ebusuku. 15Manje-ke uma ubulala laba bantu njengomuntu munye, izizwe ezizwe udumo lwakho ziyakukhuluma zithi: 16 &#8216;Ngokuba uJehova ebengenamandla okungenisa abantu bakhe ezweni alifungela kubo, ngalokho ubabulele ehlane.&#8217;</div><div class="p"> 17&#8220;Kalokhu ake abe makhulu amandla eNkosi njengokusho kwakho ukuthi: 18 &#8216;UJehova uyephuza ukuthukuthela, uvame umusa, uthethelela ububi neziphambeko, angayekeli nokho onecala, kepha ahambele ububi bawoyise kubantwana, kuze kube sezizukulwaneni sesithathu nesesine.&#8217; 19Ake uthethelele ububi balaba bantu ngokobukhulu bomusa wakho, njengalokho uyekele laba bantu kusukela eGibithe kuze kube manje.&#8221;</div><div class="p"> 20UJehova wathi: &#8220;Yebo, ngiyathethelela njengezwi lakho; 21 kepha impela, kuphila kwami nenkazimulo kaJehova eyakugcwalisa wonke umhlaba, 22lokhu bonke labo bantu ababone inkazimulo yami nezibonakaliso zami engazenza eGibithe nasehlane bengilingile kayishumi, abalalela izwi lami, 23 abayikubona ngempela izwe engalifungela oyise, futhi aliyikubonwa muntu walabo abangidelela; 24 kepha inceku yami uKalebi, lokhu wayenomunye umoya, wangilandela ngokupheleleyo, yena ngiyakumngenisa ezweni aya kulo; inzalo yakhe iyakulidla. 25Ama-Amaleki namaKhanani akhile esigodini; jikani kusasa, ningene ehlane ngasendleleni eya eLwandle Olubomvu.&#8221;</div><div class="p"> 26UJehova wakhuluma kuMose naku-Aroni, wathi: 27&#8220;Koze kube nini le nhlangano embi ikhonona ngami na? Ngizwile ukukhonona kwabantwana bakwa-Israyeli abakhonona ngakho ngami. 28 Yisho kubo ukuthi: &#8216;Kuphila kwami, ngiyakwenza kini impela njengalokho nikhulumile ezindlebeni zami: 29 izidumbu zenu ziyakuwa kuleli hlane, nabo bonke ababalwayo kini njengokomumo wenu wonke, kusukela kwabaneminyaka engamashumi amabili kuya phezulu, abakhononile ngami, 30abayikungena ngempela ezweni engaphakamisa ngalo isandla sami ukuthi bengiyakunakhisa kulo, ngaphandle kukaKalebi indodana kaJefune noJoshuwa indodana kaNuni. 31Kepha abancane benu enasho ngabo ukuthi bayakuba yimpango, bona ngiyakubangenisa, balazi izwe enalilahla. 32Nina-ke, izidumbu zenu ziyakuwa kuleli hlane. 33 Abantwana benu bayakuba ngabelusi ehlane iminyaka engamashumi amane, bathwale ukuphinga kwenu, izidumbu zenu zize ziqedwe ehlane. 34Njengokomumo wezinsuku enahlola ngazo izwe, izinsuku ezingamashumi amane, umnyaka ngosuku, niyakuthwala ububi benu, yebo, iminyaka engamashumi amane, nize nazi ukuthi kunjani uma ngimelana nani.&#8217; 35Mina Jehova ngikhulumile; ngiyakwenza lokho ngempela kuyo yonke le nhlangano embi engihlanganyeleyo; kuleli hlane bayakuqedwa, bafele khona.&#8221;</div><div class="p"> 36Nalawo madoda athunywa nguMose ukuhlola izwe, abuya akhononisa yonke inhlangano ngaye ngokuletha umbiko omubi ngezwe, 37wona lawo madoda aletha umbiko omubi ngezwe afa ngesifo phambi kukaJehova. 38Kepha uJoshuwa indodana kaNuni noKalebi indodana kaJefune ababenalawo madoda ukuhlola izwe basinda.</div><div class="p"> 39UMose wakhuluma lawo mazwi kubo bonke abantwana bakwa-Israyeli; abantu balila kakhulu. </div>
 </div>
 </div>
</div>

<div class="version vid286 iso6393zul" data-vid="286" data-iso6393="zul">
 <div class="book bkDEU">
 <div class="chapter ch1" data-usfm="DEU.1.26+DEU.1.27+DEU.1.28+DEU.1.29+DEU.1.30+DEU.1.31+DEU.1.32+DEU.1.33+DEU.1.34+DEU.1.35+DEU.1.36+DEU.1.37+DEU.1.38+DEU.1.39+DEU.1.40">
 <div class="p">26&#8220;Nokho anithandanga ukukhuphuka, kepha nahlubuka esiyalezweni sikaJehova uNkulunkulu wenu; 27 nakhonona ematendeni enu, nathi: &#8216;Ngokuba uJehova wasizonda, wasikhipha ezweni laseGibithe ukuba asinikele esandleni sama-Amori, sichithwe. 28Siyakukhuphukelaphi na? Abafowethu benzile izinhliziyo zethu ziphele amandla ngokusho ukuthi: &#8220;Abantu bakhulu, bade kunathi; imizi mikhulu, ibiyelwe kuze kube sezulwini; futhi sibonile amadodana ama-Anaki khona.&#8221; &#8217;</div><div class="p"> 29&#8220;Ngase ngithi kini: &#8216;Ningashaywa luvalo, ningabesabi. 30 UJehova uNkulunkulu wenu ohamba phambi kwenu uyakunilwela njengakho konke anenzela khona eGibithe emehlweni enu, 31 nasehlane lapho ubone khona ukuthi uJehova uNkulunkulu wakho wakuthwala njengendoda ithwala indodana yayo, endleleni yonke enahamba ngayo, naze nafika kule ndawo.&#8217;</div><div class="p"> 32&#8220;Noma kunjalo, anikholwanga nokho nguJehova uNkulunkulu wenu 33 owahamba phambi kwenu endleleni ukunifunela indawo ukuba nimise kuyo amatende enu, ngomlilo ebusuku ukunibonisa indlela ebeniyakuhamba ngayo, nangefu emini.</div><div class="p"> 34&#8220;UJehova wezwa izwi lokukhuluma kwenu, wathukuthela, wafunga wathi: 35 &#8216;Impela akuyikubona noyedwa walaba bantu balesi sizukulwane esibi izwe elihle engafunga ukubanika lona oyihlo, 36ngaphandle kukaKalebi indodana kaJefune; yena uyakulibona; ngiyakumnika yena nabantwana bakhe izwe alinyatheleyo, ngokuba umlandele uJehova wakhe ngokupheleleyo.&#8217;</div><div class="p"> 37 &#8220;Futhi uJehova wangithukuthelela ngenxa yenu, wathi: &#8216;Nawe awuyikungena khona; 38uJoshuwa indodana kaNuni omi phambi kwakho uyakungena khona; mqinise wena, ngokuba uyakumenza u-Israyeli adle ifa lalo. 39 Abancane benu enasho ukuthi bayakuba yimpango, nabantwana benu abangakwazi namuhla okuhle nokubi bayakungena khona, ngibanike lona, balidle. 40Kepha nina anophenduka, nihambe, niye ehlane ngendlela eya eLwandle Olubomvu.&#8217;</div><div class="p"> </div>
 </div>
 </div>
</div>

Reading the Bible in Historical Sequence Part 2Isampula

UmBhalo

Mayelana naloluHlelo

Izinhlelo zohlobo olufanayo