Ukuthola Iqiniso LikaNkulunkulu Ezivunguvungwini ZokuphilaIsampula

Ukunqotshwa Kwenhlekelele

Uma umbhali ehlala phansi ukuze abhale inoveli, ngokujwayelekile useyazi ukuthi incwadi izophela kanjani. Uyazazi izingxabano abalingiswa abasemqoka abazobhekana nazo nokuthi bazozinqoba kanjani.

Kuyafana nangoNkulunkulu. Ubhale indaba yakho, futhi Uyasazi isiphetho. Ngezinye izikhathi, sifuna ukumemeza, "Kuzokwenzekani?" Sifuna ukulunguza ekhasini lokugcina. Ngaphandle kwayo yonke indaba, sikuthola kunzima ukuqiniseka ukuthi injongo kaNkulunkulu ngezinkinga zethu ibufanele ngempela bonke ubuhlungu.

Ujobe uyisibonelo esiphelele somuntu okumelle ukuba wayedidekile kakhulu ngenjongo kaNkulunkulu ngokuhlupheka kwakhe. Ukhala kuNkulunkulu ngokukhungatheka kwakhe, futhi usondela ekuphelelweni ithemba izikhathi eziningi. Kodwa uNkulunkulu ukhumbuza uJobe ukuthi izinjongo nezinhlelo Zakhe zihlala ziphumelela. Kuyilapho uNkulunkulu engeke amtshele uJobe injongo yokuhlupheka kwakhe, uyamthembisa uJobe ukuthi usabusa.

Kungenzeka singayizwa indaba enkulu yokuthi ukuhlupheka kwethu kusebenza kanjani ohlelweni lukaNkulunkulu. Kodwa kufanele siqiniswe idolo ngolwazi lokuthi uNkulunkulu uhlala enenjongo ngalokho esidlula kukho.

Singalilinda ngesineke icebo likaNkulunkulu lapho sazi ukuthi alisoze lehluleka. Ukuhlupheka kwethu kuyingxenye encane yendaba enkulu yothando lukaNkulunkulu ngomhlaba.

Umthandazo: Nkulunkulu othandekayo, kwesinye isikhathi kuba nzima kimi ukuba nokholo lapho ngingaboni injongo ekuhluphekeni kwami. Nginike isineke futhi ungisize ngethembe ukuthi Wena uhlale ulawula. Ngiyabonga ngohlelo lwakho oluhle lomhlaba. Ameni.