Thola i AppUkuthola Iqiniso LikaNkulunkulu Ezivunguvungwini ZokuphilaIsampula
Impi Yemizwa
Wake wezwa sengathi umoya wakho uchotshoziwe? Kwesinye isikhathi konke kuhamba kahle, kuthi uma kubhidlika, kube lula ukuzwa sengathi asikho isidingo sokuzama ukulungisa impilo yakho. Ukudabuka, intukuthelo, ukungabi nathemba, nokwesaba kuyimizwa yangempela ngisho namaKristu anamandla aba nayo ngezikhathi zobunzima. Bheka nje uDavide noma amanye amaqhawe okholo ambalwa.
Isikhathi esiningi singesaba ukuvuma imizwa efana nalena. Kodwa kubalulekile ukubhekana nayo yonke imizwa yethu--ikakhulukazi engemihle--lapho sibhekene nezilingo. Lapho sibheka intukuthelo nokudabuka kwethu ekukhanyeni kweqiniso likaNkulunkulu, singathola induduzo esikhundleni sokuphila ngokuphika.
Lapho sidabukile, singathola injabulo eqinisweni lokuthi uNkulunkulu useduze kwabadabukile (AmaHubo 34:18). Lapho sithukuthele, singathola ukuthula esithembisweni sokuthi uthando lukaNkulunkulu olungapheli alusoze lwanyakaziswa, ngisho nangokufutheka kwethu (Isaya 54:10). Lapho ukuphelelwa ithemba kubonakala kubusa, singaphonsa izinkathazo zethu kuJehova ngoba akasoze asiyeka siwe (AmaHubo 55:22). Futhi lapho silingeka ukuba sinqotshwe ukwesaba, singaba namandla ngoba uNkulunkulu uyisiphephelo sethu futhi siyazi ukuthi akasoze asilahla (AmaHubo 18:2)
Unkulunkulu usinike izithembiso eziningi emiBhalweni, kodwa leso asinika sona ngokuphindaphindiwe siyinduduzo. Uyayiqonda impi yethu ngemizwa yethu, futhi unesihawu kithi.
Unkulunkulu ufuna ukuthi sinikele kuye imithwalo yethu futhi sincike Kuye ngokholo lapho imizwa yethu isingaphezu kwamandla ethu ukuba singayithwala sodwa.
Lapho imimoya yethu ichitheka, uNkulunkulu uyasiqinisekisa ukuthi wanele.
Ngakho-ke ngokuzayo lapho ulingeka ukuba uphike imizwa yakho noma uzame ukuyiphatha ngokwakho, inikele kuNkulunkulu esikhundleni salokho. Uzokunika ithemba elikhulu kunanoma yimuphi umzabalazo ongokomzwelo obhekene nawo.
Umthandazo: Nkulunkulu othandekayo, ngiyabonga ngesiqinisekiso osinika sona emBhalweni ngothando lwaKho ngathi. Ngiyazi ukuthi unamandla kunanoma iyiphi inkinga engibhekana nayo. Ngisize nginikele izimpi zami zemizwa Kuwe. Ngiyabonga ngenduduzo Onginikeza yona lapho ngiyidinga kakhulu. Ameni.
Mayelana naloluHlelo
NjengamaKristu, asigonyiwe ezinkingeni zaleli zwe. Eqinisweni, uJohane 16:33 uthembisa ukuthi ziyofika. Uma ubhekene nezivunguvungu zempilo njengamanje, lesi sifundo singesakho. Kuyisikhumbuzo sethemba elisidlulisa ezivunguvungwini zokuphila. Futhi uma ungabhekene nanoma yiziphi izinkinga ngalesi sikhathi, kuzokunikeza isisekelo esizokusiza ezivivinyweni ezizayo.
More
