Isikhuthazo sikakhisimusi NgoGreg LaurieIsampula

Yehlisa Ijubane, Ngena, Hlala ulinde...

Ukhisimusi ungaba yisikhathi esinzima kakhulu kubantu ngenxa yezizathu eziningi. Esinye isizathu siwukuthi uKhisimusi awuhlali uhambisana nesasasa. Eqinisweni, akuvamisile. Ungadumala kakhulu. Abantu abaningi baphendukela otshwaleni nasezidakamizweni, futhi imizamo yokuzibulala iyenyuka ngalesi sikhathi sonyaka.

Kwesinye isikhathi kuba nokudabuka okukhulu ngoKhisimusi ngenxa yezinkinga zomndeni. Mhlawumbe abazali bakho bahlukanisile. Mhlawumbe umkakho noma umyeni wakho ukushiyile. Ngonyaka odlule ubunabo, futhi kulo nyaka uwedwa. Noma mhlawumbe ushonelwe othandekayo. Bebenawe ngonyaka odlule, kanti abekho kulo nyaka. Kukhona ubuhlungu obujulile.

Nakuba abanye bezijabulisa ngoKhisimusi, abanye basezinhlungwini zangempela. Kufanele bazi ukuthi umlayezo wangempela kukho konke ukugubha ukuthi uNkulunkulu weza kulo mhlaba futhi wazalelwa esibayeni, wabe eseya esiphambanweni futhi wafela izono zezwe. Lowo ngumlayezo esingafuni ukulahlekelwa yiwo. Wazalelwa ukufa ukuze siphile. Waya esiphambanweni, wafa, futhi wavuka, futhi manje umi emnyango wempilo yethu futhi uyangqongqotha.
Masingagubhi usuku lokuzalwa kukaJesu kepha singamvumelile edilini lakhe yena siqu. Masingasho ukuthi cha kuye ngoba simatasa futhi kuningi okwenzekayo. Vula umnyango wempilo yakho umngenise.

Kwesinye isikhathi ungazibuza ukuthi uNkulunkulu ukuphi empilweni yakho. Uyazibuza ukuthi ukushiyile yini. Cha, Akazange. Ukhona. UnguEmanuweli—uNkulunkulu unathi. Esikhathini esishisayo sesizini, asikhumbule ukwehlisa ijubane, silalele, sithule, futhi sazi ukuthi unguNkulunkulu.

Copyright © 2011 nge Harvest Ministries. Wonke amalungelo agodliwe.UmBhalo othathwe eBhayibhelini lesiZulu elivamile. Copyright © 1982 nguThomas Nelson, Inc. Isetshenziswe ngemvume. Wonke amalungelo agodliwe.