Isikhuthazo sikakhisimusi NgoGreg LaurieIsampula

Alikho Igumbi Endlini

Kulezi zinsuku zobuchwepheshe besimanje, asilokothi siphuthelwe lutho nge-TiVo, i-voice mail, izirekhoda ze-DVD, namakhamera amafoni. Kodwa nakuba amathoyizi ethu esivimbela ukuba singaphuthelwa ucingo, angase futhi asenze siphuthelwe isizathu sangempela senkathi yamaholide.

Ungabuka uKhisimusi unyamalala phambi kwamehlo akho, enqwabeni yephepha lokugoqa elisikiwe, futhi uzithole uthi, “Bengimatasatasa ngithenga, ngimatasatasa ngihambela lokhu, ngiya kulokho, kangangokuthi ngicabanga ukuthi ngiphuthelwe iphuzu likaKhisimusi..”

Kungase kumangaze ukwazi ukuthi iningi labantu liphuthelwe nangoKhisimusi wokuqala. Abantu bavele baqhubeka nomsebenzi njengenjwayelo, abanake lutho okwenzekayo uma sekusele kancane.

KuLuka isahluko 2, sethulwa kumgcini wendlu yezihambi owayengenaso isikhathi sikaKhisimusi. Kule ndaba evamile, uMariya noJosefa beza kumgcini wendlu yezihambi bayofuna ikamelo, kodwa ngenxa yokuthi indlu yakhe yezihambi yayigcwele, wabaxosha.

Okuwukuphela kwendawo ayenaye lona wesifazane osemusha okhulelwe nomyeni wakhe kwakuyisitebele, isitebele esibandayo, esimnyama, nesiswakeme—okungenzeka ukuthi kwakuwumhume. Wayematasa kakhulu ngezinye izinto ukuze enze isikhathi sikaKhisimusi.

Bakhona abantu abanje emhlabeni namuhla. Abamelene noma bazonde uNkulunkulu ngokuqondile. Bamane babematasatasa. UNkulunkulu nezinto zikamoya azibakhathazi. Izithakazelo zabo zigxile kakhulu kulokho okunganelisa ngokushesha izidingo zabo ezingokwenyama. Umgcini wendlu yezihambi wayematasa kakhulu ukuba avule indawo endlini yezihambi ukuze athole uMesiya owayeseza.

Ake ngikubuze lokhu: ingabe usumlungisele uJesu indawo ngaloKhisimuzi? Uma kungenjalo, sisekhona isikhathi sokugxila kabusha futhi nikeza uKristu indawo kulo Khisimuzi, namuhla!

Copyright © 2011 nge Harvest Ministries. Wonke amalungelo agodliwe.UmBhalo othathwe eBhayibhelini lesiZulu elivamile. Copyright © 1982 nguThomas Nelson, Inc. Isetshenziswe ngemvume. Wonke amalungelo agodliwe.