Thola i AppIzici ezingu 7 zikaNkulunkuluIsampula
Inkazimulo
UMose wenza isicelo esimangalisayo. Wacela uNkulunkulu ukuthi ambonise inkazimulo yakhe. Igama elithi “inkazimulo” lidlulisela umqondo wesisindo, ukuphawuleka noma ukubaluleka. Kafushane, inkazimulo kaNkulunkulu iyingqikithi yazo zonke izinto ezimenza uNkulunkulu. UNkulunkulu, ngesenzo somusa, wasamukela isicelo sikaMose futhi wamnika amazwibela kafushane nokwedlula kokufaneleka nobukhosi bakhe baphakade, ebonisa amandla akhe, uthando lwakhe encekwini yakhe ekhethiweyo kanye nokubiza kwakhe uMose ukuba ahole uIsrayeli ezweni lesithembiso.
Umuntu angacabanga ukuthi lolu hlobo lokuvezelwa enkazimulweni kaNkulunkulu luyogcinelwa abaholi abakhulu beBhayibheli kuphela - abantu abafana no-Abrahama, uJosefa, uMose noma uDavide. Nokho, empeleni uNkulunkulu unikeza wonke amaKristu inkazimulo yakhe eqhubeka ikhula (2 abaseKorinte 4: 6) Kodwa lokhu kugqama kwenkazimulo akusabonakali ngokwenyama manje. Kunalokho, uMoya kaNkulunkulu uthumba izinhliziyo zamakholwa ngenkazimulo kaNkulunkulu, uzikhukhule ngokukhanya kukaKristu futhi ubavumele ukuba babone ubukhosi bukaNkulunkulu bubonakaliswa kumuntu nomsebenzi kaJesu Kristu. Lokhu kufifiyela kwenkazimulo kuyisisekelo sokuthanda uNkulunkulu, ukulahla isono nokukhonza emsebenzini kaNkulunkulu emhlabeni.
Umkhuleko Wanamuhla:
Jesu, ngiyabonga ngokwenza ukuthi ngikwazi ukuzwa inkazimulo kaNkulunkulu nsuku zonke. Ngisize ngiphendule lenkazimulo ngokukuthanda nokukukhonza nsuku zonke. Ameni.
Isifundo sicashunwe kokuthi The Jesus Bible, NIV Edition
Mayelana naloluHlelo
Unkulunkulu ulubonise kanjani uthando lwakhe, noma amandla akhe? Ibhayibheli likaJesu libonisa izindlela uNkulunkulu akhuluma ngazo nathi, indalo yakhe, ngoJesu Kristu eTestamenteni Elidala neLisha. Lolu hlelo lokufunda lwezinsuku ezingu-7 lukhanyisa izici zikaNkulunkulu ukuze likusize ujulise ukuqonda kwakho nokumangalisa kwezipho zakhe.
More
