AmaHubo 33:16-22
AmaHubo 33:16-22 IsiZulu 2020 (ZUL20)
Inkosi ayisindiswa wubuningi bempi yayo; iqhawe alikhululwa ngamandla alo amakhulu. Ihhashi lempi liyize ekunqobeni, alisindisi ngamandla alo amakhulu. Impela iso likaSimakade liphezu kwalabo abamesabayo, kulabo abethembela emseni wakhe, ukukhulula umphefumulo wabo ekufeni, nokubagcina bephilile endlaleni. Umphefumulo wethu ulindele uSimakade; uwusizo lwethu nesihlangu sethu. Inhliziyo yethu ithokozile ngaye, ngoba sethemba igama lakhe elingcwele. Simakade, umusa wakho mawehlele phezu kwethu, njengalokhu sithemba Wena.
AmaHubo 33:16-22 IBHAYIBHELI ELINGCWELE (ZUL59)
Ayikho inkosi esindiswa ngobuningi bempi yayo; isiqhwaga asikhululwa ngobukhulu bamandla aso. Ihhashi liyize ekusindiseni, alihlangulisi ngobukhulu bamandla alo. Bheka, iso likaJehova liphezu kwabamesabayo, abathemba umusa wakhe, ukuba akhulule umphefumulo wabo ekufeni, abaphilise endlaleni. Umphefumulo wethu ulindela uJehova; ungukusiza kwethu nesihlangu sethu. Ngalokho inhliziyo yethu ithokoza ngaye, ngokuba sithemba igama lakhe elingcwele. Umusa wakho, Jehova, mawube phezu kwethu, njengalokhu sithemba wena.
AmaHubo 33:16-22 Contemporary Zulu Bible 2024 (CZB24)
Akukho nkosi esindiswa ngobuningi bempi; iqhawe alisindiswa ngamandla amakhulu. Ihhashi liyize ekuphepheni, futhi ngamandla alo amakhulu ngeke asindise muntu. Bheka, iso likaJehova liphezu kwabamesabayo, abathemba umusa wakhe; ukuze akhulule umphefumulo wabo ekufeni, abaphilise endlaleni. Umphefumulo wethu ulindela uJehova; yena ulusizo lwethu nesihlangu sethu. Ngokuba inhliziyo yethu iyakuthokoza ngaye, ngokuba sithemba igama lakhe elingcwele. Umusa wakho, Jehova, mawube phezu kwethu, njengoba sithembele kuwe.