AmaHubo 122:1-9
AmaHubo 122:1-9 IsiZulu 2020 (ZUL20)
Ngajabula lapho bethi kimi: “Masiye endlini kaSimakade.” Izinyawo zethu sezimi emasangweni akho, Jerusalema, Jerusalema, wena owakhiwe njengomuzi ohlanganiswe waqina, lapho imindeni ikhuphukela khona, imindeni kaSimakade, ngokomthetho wakwa-Israyeli, ukuba idumise igama likaSimakade. Ngokuba izihlalo zokwehlulela zimiswe khona, izihlalo zobukhosi zendlu kaDavide. Khulekelani ukuthula kweJerusalema: “Abakuthandayo mabaphumelele. Makube nokuthula phakathi kwezingange zakho, nempumelelo ezigodlweni.” Ngenxa yabafowethu nabangani bethu ngizothi manje: “Makube khona ukuthula kuwe.” Ngenxa yendlu kaSimakade uNkulunkulu wethu, ngiyokufunela okuhle.
AmaHubo 122:1-9 IBHAYIBHELI ELINGCWELE (ZUL59)
Ngajabula lapho bethi kimi: “Masiye endlini kaJehova.” Izinyawo zethu sezimi emasangweni akho, Jerusalema, Jerusalema, wena owakhiwe njengomuzi ohlanganisiwe ngokuqinileyo, lapho imindeni ikhuphukela khona, imindeni kaJehova, ngokomthetho ka-Israyeli ukuba idumise igama likaJehova. Ngokuba kumisiwe khona izihlalo zokwahlulela, izihlalo zobukhosi zendlu kaDavide. Khulekelani ukuthula kwaseJerusalema: “Abakuthandayo bayakuphumelela kahle. Makube khona ukuthula phakathi kwezingange zakho, nenhlanhla ezindlini zakho zobukhosi.” Ngenxa yabafowethu nabangane bethu ngizakuthi manje: “Makube khona ukuthula kuwe.” Ngenxa yendlu kaJehova uNkulunkulu wethu ngiyakukufunela okuhle.
AmaHubo 122:1-9 Contemporary Zulu Bible 2024 (CZB24)
Ihubo likaDavide. Ngajabula lapho bethi kimi: “Masingene endlini kaJehova. Izinyawo zethu ziyakuma emasangweni akho, Jerusalema. IJerusalema lakhiwa njengomuzi omi ndawonye; Lapho zikhuphukela khona izizwe, izizwe zeNkosi, kube ngubufakazi bukaIsrayeli, ukudumisa ibizo leNkosi. Ngoba kukhona izihlalo zobukhosi ezimisiweyo zokwahlulela, izihlalo zobukhosi zendlu kaDavida. Khulekelani ukuthula kweJerusalema: bazaphumelela abakuthandayo. Ukuthula kuphakathi kwezindonga zakho nempumelelo phakathi kwezigodlo zakho. Ngenxa yabafowethu nabangane bami manje ngizothi: Ukuthula makube kini! Ngenxa yendlu kaJehova uNkulunkulu wethu ngiyakukufunela ukuthula.