IzAga 3:21-26
IzAga 3:21-26 IsiZulu 2020 (ZUL20)
Ndodana yami, makungasuki emehlweni akho, gcina ukuhlakanipha namasu, kuyokuba ngukuphila emphefumulweni wakho, nomgexo entanyeni yakho. Khona uyohamba endleleni yakho uphephile, unyawo lwakho lungaqhuzuki. Uma ulala, awuyukwesaba lutho; nalapho usulele, uyoba nobuthongo obumnandi. Awuyukwesaba inhlekelele ezumayo, nokubhujiswa okulethwa yizikhohlakali, ngokuba uSimakade uyakuba seduze nawe, agcine unyawo lwakho ukuba lungabhajwa.
IzAga 3:21-26 IBHAYIBHELI ELINGCWELE (ZUL59)
Ndodana yami, lokho makungasuki emehlweni akho, ugcine ukuhlakanipha namasu, kube ngukuphila emphefumulweni wakho nomusa entanyeni yakho. Khona uyakuhamba indlela yakho ngokulondeka, ungaqhuzuli unyawo lwakho. Lapho ulala phansi, awuyikwesaba lutho; nanxa usulale phansi, ubuthongo bakho buyakuba mnandi. Ungethuswa luvalo oluzumayo nokuchithwa kwababi, lapho kufika, ngokuba uJehova uyakuba yithemba lakho, agcine unyawo lwakho ukuba lungabhajwa.
IzAga 3:21-26 Contemporary Zulu Bible 2024 (CZB24)
Ndodana yami, ungazivumeli zisuke ebusweni bakho; gcina ukuhlakanipha okuhle neseluleko. Kuyakuba-ngukuphila emphefumulweni wakho, nomusa entanyeni yakho. Khona-ke uyakuhamba endleleni yakho ngokulondeka, unyawo lwakho lungakhubeki. Lapho ulala, ungesabi; yebo, uyolala, futhi ubuthongo bakho buyoba mnandi. Ungakwesabi ukwesaba okuzumayo, nokubhujiswa kwababi lapho kufika. Ngokuba uJehova uyakuba yithemba lakho, agcine unyawo lwakho ekubanjweni.