IsiLilo 3:58-66
IsiLilo 3:58-66 IsiZulu 2020 (ZUL20)
Nkosi, uyimele indaba yami, wayihlenga impilo yami. Simakade, ukubonile okubi okwenziwe kimi; yehlulela, ungimelele. Ukubonile ukulangazelela kwabo ukuba baphindisele, nawo wonke amacebo abo ngami. Uyizwile yonke inhlamba abangethuke ngayo, Simakade, nozungu abangakhele lona. Bakhuluma futhi bacabange nto yinye nje: ukuthi bangangilimaza kanjani. Noma behleli noma bemile, ngiyihubo labo lokukloloda. Simakade, uyaphindisela kumuntu ngokwemisebenzi yakhe; ngiphindiselele kubo ngabakwenze kimi! Bashaye ngobumpumputhe, udide imiqondo yabo, beka isiqalekiso sakho phezu kwabo! Baxoshe ngentukuthelo yakho, ubabhubhise, kungasali namunye phansi kwezulu likaSimakade.
IsiLilo 3:58-66 IBHAYIBHELI ELINGCWELE (ZUL59)
Nkosi, umela indaba yomphefumulo wami, uyahlenga ukuphila kwami. Jehova, uyabona ukoniwa kwami; thetha indaba yami. Uyabona konke ukuphindisa kwabo nawo onke amacebo abo ngami. Uyezwa inhlamba yabo, Jehova, nawo onke amacebo abo ngami, izindebe zabangivukeleyo nemicabango yabo ngami izinsuku zonke. Bheka ukuhlala kwabo nokuvuka kwabo; ngihaywa yibo. Uyakubaphindisela, Jehova, ngokwemisebenzi yezandla zabo. Uyakubanika isimbozo senhliziyo, isiqalekiso sakho sibe phezu kwabo. Uyakubaxosha ngentukuthelo, ubabhubhise, bangabe besaba khona phansi kwezulu likaJehova.
IsiLilo 3:58-66 Contemporary Zulu Bible 2024 (CZB24)
O Nkosi, wena wamela izindaba zomphefumulo wami; Uhlengile impilo yami. Jehova, ukubonile ukungalungi kwami; yahlulelani icala lami. Uyibonile yonke impindiselo yabo nawo wonke amacebo abo ngami. Uzwile ihlazo labo, Jehova, nawo onke amacebo abo ngami; Izindebe zabangivukelayo, nogobe lwabo ngami usuku lonke. Bukani ukuthi bahlala kanjani phansi nokuthi basukuma kanjani; Mina ngiwumculo wabo. O Jehova, babuyisele impindiselo ngokomsebenzi wezandla zabo. Banike ukudabuka kwenhliziyo, isiqalekiso sakho phezu kwabo. Basukeleni nibabhubhise ngokufutheka phansi kwezulu likaJehova.