UHezekeli 45:18-25
UHezekeli 45:18-25 IBHAYIBHELI ELINGCWELE (ZUL59)
“ ‘Isho kanje iNkosi uJehova, ithi: Ngenyanga yokuqala, ngolokuqala lwenyanga, uyakuthatha inkunzi, iduna elingenasici, uhlambulule indlu engcwele. Umpristi uyakuthatha kulo igazi lomnikelo wesono, alibhece ezinsikeni zendlu, nasemagumbini omane onqenqema lwe-altare, nasezinsikeni zesango legceke elingaphakathi. Uyakwenze njalo ngolwesikhombisa lwenyanga ngaye wonke umuntu odukayo nongenalwazi, nenzele indlu ukubuyisana. “ ‘Ngenyanga yokuqala, ngosuku lweshumi nane lwenyanga, niyakuba nephasika, umkhosi wezinsuku eziyisikhombisa, kudliwe isinkwa esingenamvubelo. Ngalolo suku isikhulu siyakuzilungisela sona nabantu bonke bezwe inkunzi ibe ngumnikelo wesono. Izinsuku eziyisikhombisa zomkhosi siyakulungisela uJehova umnikelo wokushiswa, izinkunzi eziyisikhombisa nezinqama eziyisikhombisa ezingenasici imihla ngemihla ngalezo zinsuku eziyisikhombisa, kanye nempongo imihla ngemihla ibe ngumnikelo wesono. Siyakulungisela inkunzi umnikelo wempuphu, i-efa,* ne-efa ngenqama, nehini* lamafutha nge-efa. “ ‘Ngenyanga yesikhombisa ngosuku lweshumi nanhlanu lwenyanga emkhosini siyakwenza okunjengalezo zinsuku eziyisikhombisa, kunjengomnikelo wesono, nomnikelo wokushiswa, nomnikelo wempuphu, namafutha.
UHezekeli 45:18-25 IsiZulu 2020 (ZUL20)
“ ‘Isho kanje iNkosi uSimakade, ithi: ngenyanga yokuqala, ngosuku lwayo lokuqala, uyakuthatha inkunzi neduna elingenasici, bese uhlambulula indlu engcwele. Umphristi uyakuthatha egazini lomnikelo wesono, alibhece ezinsikeni zendlu, emagumbini omane onqenqema lwe-althare nasezinsikeni zesango legceke elingaphakathi. Uyakwenza kanjalo ngosuku lwesikhombisa enyangeni, ngenxa yanoma ngumuphi umuntu ophambukayo nongenalwazi, nenzele indlu ukubuyisana. “ ‘Ngenyanga yokuqala, ngosuku lwe-14 enyangeni, niyakuba nephasika; umkhosi wezinsuku eziyisikhombisa, kudliwe isinkwa esingenamvubelo. Ngalolo lusuku isikhulu siyakuzilungisela sona nabantu bonke bakulelo lizwe, inkunzi ibe ngumnikelo wesono. Ngezinsuku eziyisikhombisa zomkhosi siyakunikela kuSimakade umnikelo wokushiswa, izinkunzi eziyisikhombisa nezinqama eziyisikhombisa ezingenasici, ngalezo zinsuku eziyisikhombisa; sinikele ngempongo usuku nosuku, ibe ngumnikelo wesono. Siyakunikela ngokusanhlamvu; nge-efa, kube ngokweduna ngalinye, ne-efa ngenqama ngayinye, nehini lamafutha nge-efa elilodwa. “ ‘Kuyakuthi ngenyanga yesikhombisa, ngosuku lwe-15 enyangeni yomkhosi, isikhulu siyakunikela njengoba senzile ngezinsuku eziyisikhombisa, kube ngumnikelo wesono, umnikelo wokushiswa, umnikelo wokusanhlamvu, namafutha.’ ”
UHezekeli 45:18-25 Contemporary Zulu Bible 2024 (CZB24)
Isho kanje iNkosi uJehova, ithi: Ngenyanga yokuqala ngolokuqala lwenyanga uyakuthatha iduna elingenasici, uhlambulule indlu engcwele; Umpristi kumelwe athathe elinye legazi lomnikelo wesono aligcobe ezinsikeni zomnyango wendlu nasemagumbini omane e-altare nasezinsikeni zomnyango wesango legceke elingaphakathi. Niyakwenza kanjalo ngosuku lwesikhombisa lwenyanga kubo bonke abadukayo nabangenacala; ngakho-ke kufanele ubuyekeze indlu. Ngenyanga yokuqala, ngosuku lweshumi nane lwenyanga, niyakuba nephasika, umkhosi wezinsuku eziyisikhombisa; isinkwa esingenamvubelo kumelwe kudliwe. Ngalolo suku isikhulu kumelwe silungiselele inkunzi njengomnikelo wesono ngenxa yaso nabo bonke abantu bezwe. Izinsuku eziyisikhombisa zomkhosi kumelwe alungisele uJehova umnikelo wokushiswa: izinkunzi eziyisikhombisa nezinqama eziyisikhombisa ezingenasici nsuku zonke izinsuku eziyisikhombisa; nezinyane lembuzi libe ngumnikelo wesono imihla ngemihla. Kumelwe alungise umnikelo owenziwe ngomlilo we-efa ngenkunzi ne-efa ngenqama nehini lamafutha nge-efa. Ngenyanga yesikhombisa, ngosuku lweshumi nanhlanu lwenyanga, kumelwe enze kanjalo ngomkhosi wezinsuku eziyisikhombisa, ngokuvumelana nomnikelo wesono, ngokomnikelo wokushiswa, nomnikelo wokudla, namafutha.