UHezekeli 36:1-15
UHezekeli 36:1-15 IBHAYIBHELI ELINGCWELE (ZUL59)
“Wena ndodana yomuntu, profetha ngezintaba zakwa-Israyeli, uthi: ‘Nina zintaba zakwa-Israyeli, zwanini izwi likaJehova. Isho kanje iNkosi uJehova, ithi: Ngokuba isitha sisho kuwe, sithi: “Ashila,” nokuthi: “Izindawo eziphakemeyo zamandulo seziyifa lethu,” ’ ngalokho profetha, uthi: ‘Isho kanje iNkosi uJehova, ithi: Ngokuba, yebo, ngokuba banenza incithakalo, banigwinya nxazonke ukuba nibe yifa lezizwe eziseleyo, futhi niphathwa ngezindebe zezideleli nangokuhleba kwabantu, ngalokho, zintaba zakwa-Israyeli, zwanini izwi leNkosi uJehova lokuthi: Isho kanje iNkosi uJehova kuzo izintaba nakuwo amagquma, kuyo imifula nakuzo izigodi, nakuzo izindawo ezichithekileyo, nakuyo imizi eshiyiweyo, osekuyimpango nenhlekiso yezizwe eziseleyo ezikhona nxazonke, yebo, ngalokho isho kanje iNkosi uJehova, ithi: Impela ngomlilo womhawu wami ngikhulumile ngensali yezizwe nangawo wonke u-Edomi, ababeke izwe lami libe yifa labo ngentokozo yenhliziyo yabo yonke nangamafundululu omphefumulo, ukuze lilahlwe libe yimpango;’ ngalokho profetha ngezwe lakwa-Israyeli, uthi kuzo izintaba nakuwo amagquma, kuyo imifula nakuzo izigodi: ‘Isho kanje iNkosi uJehova, ithi: Bhekani, ngikhulume ngomhawu wami nangokufutheka kwami, ngokuba nithwele ihlazo labezizwe. Ngalokho isho kanje iNkosi uJehova, ithi: Ngiphakamisile isandla sami ngokuthi: Impela abezizwe abakini nxazonke bayakuthwala ihlazo labo. “ ‘Kepha nina zintaba zakwa-Israyeli niyakuveza amagatsha enu, nithelele abantu bami izithelo zenu, ngokuba sebeseduze ukubuya. Ngokuba bhekani, nginani; ngiyakuphendukela kini, niyakulinywa, nihlwanyelwe. Ngiyakwandisa abantu phezu kwenu, yonke indlu yakwa-Israyeli, yonke yayo; imizi iyakuhlalwa, nezindawo ezichithekileyo ziyakwakhiwa. Ngiyakwandisa phezu kwenu abantu nezilwane; kuyakwanda, kuzale; ngiyakwenza ukuba nihlalwe njengakuqala, kube kuhle kini kunakuqala, nazi ukuthi nginguJehova. Ngiyakuhambisa abantu phezu kwenu, abantu bami u-Israyeli; bayakukuzuza, ube yifa labo; awusayikubaphuca abantwana. “ ‘Isho kanje iNkosi uJehova, ithi: Ngokuba bathi kuwe: “Wena ungodlayo abantu, waphucile abantwana besizwe sakini,” ngalokho awusayikudla abantu, ungasaphuci abantwana besizwe sakini, isho iNkosi uJehova. Angisayikukuzwisa ihlazo labezizwe, ungasathwali amahloni abantu, ungasakhubekisi isizwe sakini, isho iNkosi uJehova.’ ”
UHezekeli 36:1-15 IsiZulu 2020 (ZUL20)
“Wena ndodana yomuntu, phrofetha kuzo izintaba zakwa-Israyeli, uthi: ‘Nina zintaba zakwa-Israyeli, zwanini izwi likaSimakade. Isho kanje iNkosi uSimakade, ithi: “Ngenxa yokuba isitha sithe kini: Ashila, sabuye sathi: Izindawo eziphakemeyo zasemandulo seziyifa lethu. “Ngakho-ke phrofetha, uthi: ‘Isho kanje iNkosi uSimakade, ithi: “Ngokuba impela banenza naba yincithakalo, banilimaza nxazonke ukuba nibe yifa lezizwe eziseleyo, ngakho-ke zintaba zakwa-Israyeli, zwanini izwi leNkosi uSimakade, elithi: Isho kanje iNkosi uSimakade kuzo izintaba, emagqumeni, emifuleni, ezigodini, ezindaweni eziyincithakalo, emizini esisele dengwane, osekuyimpango nenhlekisa yezizwe eziseleyo ezizungeze gimbici, isho kanje iNkosi uSimakade, ithi: impela ngentukuthelo yami evuthayo, ngikhulumile ngamelana nensali ezizweni naye wonke u-Edomi, abenze izwe lami laba yifa labo ngentokozo nangenhliziyo yabo embi, ukuze lilahlwe libe yimpango.” ’ ” Ngakho-ke phrofetha ngezwe lakwa-Israyeli, uthi ezintabeni, emagqumeni, emifuleni nasezigodini: ‘Isho kanje iNkosi uSimakade, ithi: “Ngikhulume nginesikhwele nolaka oluvuthayo, ngokuba benithwele ihlazo labezizwe. Ngakho-ke isho kanje iNkosi uSimakade, ithi: ngisiphakamisile isandla sami, ngafunga ngathi impela abezizwe abanizungeze ndawo zonke bayakulithwala ihlazo labo. “ ‘ “Kepha nina zintaba zakwa-Israyeli niyakuhluma amagatsha, nithelele abantu bami izithelo, ngokuba sekuseduze ukuba babuye. Bhekani, nginani; ngiyakubuyela kini, nilinywe, futhi nihlwanyelwe. Ngiyakwandisa inani labantu bakini, bonke abendlu yakwa-Israyeli, ngothi lwabo. Yonke imizi yakhona kuyakuhlalwa kuyo, kuthi izindawo ezibhidliziweyo zakhiwe kabusha. Ngiyakuwandisa umumo wabantu nezilwane, kwande, kuzalane. Ngiyakwenza ukuba kuhlalwe kini njengakuqala, nginenzele okuhle kunakuqala, niyakukwazi ukuthi nginguSimakade. Ngiyakukwenza abantu bami u-Israyeli ukuba bachachaze phezu kwenu, bayakunithatha nibe yifa labo; awusayukuphinde ubaphuce abantwana. “ ‘ “Isho kanje iNkosi uSimakade, ithi ngokuba bathi kuwe: Wena udla abantu, nguwe ophuce isizwe sakini abantwana, “ ‘ “ngakho-ke awusayukuphinde ubadle abantu, futhi awusayukusiphuca isizwe sakini abantwana,” ’ ” kusho iNkosi uSimakade. “ ‘ “Ngiyakwenza ukuba ungabe usazizwa izinhlamba zabezizwe. Awusayukulithwala ihlazo labantu, ungabe usasikhubekisa nesizwe sakini,” ’ ” kusho iNkosi uSimakade.
UHezekeli 36:1-15 Contemporary Zulu Bible 2024 (CZB24)
“Wena ndodana yomuntu, profetha kuzo izintaba zakwa-Israyeli, uthi: ‘Zintaba zakwa-Israyeli, zwanini izwi likaJehova! Usho kanje uJehova; Ngokuba isitha sathi ngani: “Ashila, izindawo eziphakemeyo zasendulo zisesandleni sethu; Khona-ke profetha uthi: ‘Usho kanje uJehova, uthi: Ngokuba bakwenze ihlane, bakushwabadela nxazonke, ube yifa lensali yezizwe, uthathwe ezindebeni zabakhulumayo, ube yihlazo kubantu. Ngakho-ke, zintaba zakwa-Israyeli, zwanini izwi likaJehova; Usho kanje uJehova kuzo izintaba namagquma, nemifula, nezigodi, izinqwaba eziyincithakalo, nasemizini eyincithakalo, eseyimpango nenhlekiso kuyo insali yezizwe nxazonke; “Ngalokho usho kanje uJehova, uthi: “Ngikhulumile ngomlilo womhawu wami ngokumelene nensali yabezizwe ne-Idumiya yonke ababeka izwe lami efa labo ngentokozo yenhliziyo yabo yonke ngonya ukuze balixoshe njengempango. Khona-ke uprofethe ngezwe lakwa-Israyeli, uthi kuzo izintaba namagquma, imifula nezigodi: ‘Isho kanje iNkosi uJehova, ithi: Bhekani, ngikhulumile ngentshiseko yami nangentukuthelo yami, ngokuba nithwele ihlazo labezizwe. Ngalokho usho kanje uJehova, uthi: “Ngiphakamisile isandla sami, impela, izizwe ezinihaqayo ziyakuthwala ihlazo lazo. Kepha nina, zintaba zakwa-Israyeli, niyakuhluma amagatsha enu, nithele izithelo zenu kubantu bami u-Israyeli; ngoba sebeseduze ukuza. Ngokuba bhekani, ngikini, ngiyakuphendukela kini, nilinywe, nihlwanyelwe. Ngiyakwandisa abantu phezu kwenu, yonke indlu ka-Israyeli, yonke, imizi ihlalwe, kwakhiwe amanxiwa. Ngiyakwandisa phezu kwenu abantu nezilwane; futhi bayokwanda futhi bathele izithelo; ngiyakunenza njengempahla yenu endala, ngenze kangcono kunakuqala; nizokwazi ukuthi nginguJehova. Yebo, ngizakwenza abantu bahambe phezu kwenu, bantu bami Israyeli; bayokudla ifa, futhi uyoba yifa labo, futhi ngeke usabaphuca abantu. Usho kanje uJehova, uthi: ‘Ngokuba bathi kuwe: Izwe lakho lidla abantu, liphanga izizwe zakho; Ngalokho anisayikudla abantu, niphanga izizwe zenu, isho iNkosi uJehova. Angisayikuvuma ukuba abantu bezwe ihlazo lezizwe phakathi kwakho, futhi awusayikuthwala ihlazo lezizwe, futhi ngeke uphinde uvumele izizwe zakho ziwe,” kusho uJehova.