U-Eksodusi 5:15-23
U-Eksodusi 5:15-23 IsiZulu 2020 (ZUL20)
Izinduna zabakwa-Israyeli zaya kuFaro, zakhala zathi: “Uziphathelani izinceku zakho kanje na? Izinceku zakho azisanikwa tshani, nokho bathi kithi: ‘Yenzani izitini!’ Futhi kunjalo nje izinceku zakho ziyashaywa, kepha icala likubantu bakho.” Wathi: “Niyavilapha, yingakho nithi: ‘Sidedele sihambe siyokwenzela uSimakade umhlatshelo.’ Hambani manje niyosebenza, ngokuba anizukunikwa tshani, kodwa nisazokwenza inani elifanayo lezitini.” Izinduna zabakwa-Israyeli zazibonela ukuthi zisengxakini engakanani lapho kuthiwa kuzo: “Aniyukulehlisa inani lezitini enilenza ngosuku.” Zahlangana noMose no-Aroni ababemi bezozihlangabeza ngesikhathi zisuka kuFaro. Zathi kubo: “USimakade makanibheke anehlulele. Nisenze sanuka iququ phambi kukaFaro nezinceku zakhe, nabanika inkemba ezandleni zabo ukuba basibulale.” UMose wabuyela kuSimakade, wathi: “Nkosi, yini wenze okubi kulaba bantu na? Ungithumeleni mina kubo na? Selokhu ngaya kuFaro ukuyokhuluma egameni lakho, ubaphatha kabi laba bantu, futhi awubakhululi abantu bakho.”
U-Eksodusi 5:15-23 Contemporary Zulu Bible 2024 (CZB24)
Zase zifika izinceku zabantwana bakwa-Israyeli, zambiza uFaro, zathi: “Uziphatheleni kanje izinceku zakho na? Izinceku zakho azinikwanga tshani, kepha bathi kithi: ‘Yenzani izitina, nibone, izinceku zakho ziyashaywa; kodwa icala likubantu bakho. Kepha wathi: “Niyavilapha, niyavilapha; ngalokho nithi: ‘Masihambe sihlabele uJehova.’ Hambani manje nisebenze; ngokuba aniyikunikwa tshani, nokho niyakusho inani lezitini. Izikhulu zabantwana bakwa-Israyeli zabona ukuthi basekubi, lapho kwathiwa: “Aniyikunciphisa lutho ezitini zenu emsebenzini wenu wezinsuku zonke.” Bahlangana noMose no-Aroni bemi endleleni ekuphumeni kwabo kuFaro. Basebesithi kubo: INkosi izalibona, ilihlulele; ngokuba nenze iphunga lethu laba yisinengiso emehlweni kaFaro nasemehlweni ezinceku zakhe, ukubeka inkemba esandleni sabo ukuba basibulale. UMose wabuyela kuJehova, wathi: “Nkosi, ubancenge kabi laba bantu na? ungithumeleni? Ngokuba selokhu ngafika kuFaro ukukhuluma egameni lakho, ubaphathe kabi laba bantu; futhi awubasindisanga nhlobo abantu bakho.
U-Eksodusi 5:15-23 IBHAYIBHELI ELINGCWELE (ZUL59)
Zase zifika izinduna zabantwana bakwa-Israyeli, zakhala kuFaro, zathi: “Uziphathelani izinceku zakho kanje na? Izinceku zakho aziphiwanga tshani; nokho bathi kithi: ‘Bumbani izitini.’ Futhi bheka, izinceku zakho ziyashaywa, kepha icala likubantu bakho.” Kepha wathi: “Yinina enenqena, yebo, niyenqena; ngalokho nithi: ‘Ake sihambe sihlabele uJehova.’ Ngalokho hambani nisebenze, ngokuba aniyikuphiwa tshani, kepha isilinganiso sezitini niyakusiqeda.” Izinduna zabantwana bakwa-Israyeli zabona ukuthi basekuhluphekeni, lapho kuthiwa: “Aniyikunciphisa izitini zenu esilinganisweni semihla ngemihla.” Zahlangana noMose no-Aroni ababemi khona ukuzihlangabeza zisaphuma kuFaro. Zathi kubo: “UJehova makanibheke, ahlulele, ngokuba nilenzile iphunga lethu linuke kabi emehlweni kaFaro nasemehlweni ezinceku zakhe, nibeke inkemba esandleni sabo ukuba basibulale.” UMose wayesebuyela kuJehova, wathi: “Nkosi, wenzeleni okubi kulaba bantu na? Ungithumeleni mina na? Selokhu ngafika kuFaro ukukhuluma egameni lakho, ubaphathe kabi laba bantu, nawe awubophulanga nakanci abantu bakho.”