Kwabase-Efesu 4:17-24
Kwabase-Efesu 4:17-24 Baasraak Zulu New Testament Bible (ZULUNT)
Ngakho-ke lokhu ngiyakusho, ngifakaza eNkosini, ukuthi ningabe nisahamba njengabanye abezizwe ebuzeni bengqondo yabo; Benziwe mnyama ukuqonda, behlukanisiwe nokuphila kukaNkulunkulu ngokungazi okukubo, ngenxa yobumpumputhe benhliziyo yabo; abathi sebephelelwe yimizwa bazinikele emanyaleni ukuze basebenze ukungcola konke ngokuhuheka. Kepha nina animfundanga kanjalo uKristu; uma-ke nimuzwile, nafundiswa nguye, njengokuba iqiniso likuJesu; ukuba nikhumule maqondana nenkambo yakuqala umuntu omdala, owonakala ngezinkanuko zenkohliso; nenziwe basha emoyeni wengqondo yenu; nembathe umuntu omusha, owadalwa ngokukaNkulunkulu ekulungeni nasebungcweleni beqiniso.
Kwabase-Efesu 4:17-24 IsiZulu 2020 (ZUL20)
Ngakho-ke ngiyafakaza eNkosini, ngithi ningabe nisahamba njengalokhu kuhamba abezizwe ngobuze bengqondo yabo, abangqondo yabo ifiphazwe ngubumnyama, bahlukaniswa nokuphila kukaNkulunkulu ngenxa yokungazi kwabo nangenxa yobulukhuni benhliziyo yabo, okuthe bangalahlekelwa ngukuzisola, bazinikela emanyaleni amakhulu, ukuze benze ukungcola konke ngokuhuheka. Kepha nina animfundanga uKhristu kanjalo, uma nimzwile nafundiswa kuye, njengokuba iqiniso likuJesu, ukuba nikhumule umuntu omdala ongowenkambo yakuqala, owonakele ngenxa yezinkanuko zenkohlakalo, nenziwe basha emoyeni wengqondo yenu, nokuba nembathe umuntu omusha odalwe ngokukaNkulunkulu ekulungeni nasebungcweleni beqiniso.
Kwabase-Efesu 4:17-24 IBHAYIBHELI ELINGCWELE (ZUL59)
Ngakho ngisho, ngifakaza eNkosini, ngithi ningabe nisahamba njengalokhu kuhamba abezizwe ebuzeni bengqondo yabo, behlwelwe emqondweni, behlukanisiwe nokuphila kukaNkulunkulu ngokungazi okukubo ngenxa yobulukhuni benhliziyo yabo, abathi bebuthuntu, bazinikela emanyaleni, ukuze basebenze ukungcola konke ngokuhuheka. Kepha nina animfundanga uKristu kanjalo, uma-ke nimzwile nafundiswa kuye, njengokuba iqiniso likuJesu, ukuba nikhumule umuntu omdala ongowenkambo yokuqala, owonakala ngezinkanuko zenkohliso, nenziwe basha emoyeni wengqondo yenu, nembathe umuntu omusha owadalwa ngokukaNkulunkulu ekulungeni nasebungcweleni beqiniso.
Kwabase-Efesu 4:17-24 Contemporary Zulu Bible 2024 (CZB24)
Ngakho-ke lokhu ngiyakusho, ngifakaza eNkosini, ukuthi ningabe nisahamba njengabanye abezizwe ebuzeni bengqondo yabo; Benziwe mnyama ukuqonda, behlukanisiwe nokuphila kukaNkulunkulu ngokungazi okukubo, ngenxa yobumpumputhe benhliziyo yabo; abathi sebephelelwe yimizwa bazinikele emanyaleni ukuze basebenze ukungcola konke ngokuhuheka. Kepha nina animfundanga kanjalo uKristu; uma-ke nimuzwile, nafundiswa nguye, njengokuba iqiniso likuJesu; ukuba nikhumule maqondana nenkambo yakuqala umuntu omdala, owonakala ngezinkanuko zenkohliso; nenziwe basha emoyeni wengqondo yenu; nembathe umuntu omusha, owadalwa ngokukaNkulunkulu ekulungeni nasebungcweleni beqiniso.