UmShumayeli 6:1-12
UmShumayeli 6:1-12 Contemporary Zulu Bible 2024 (CZB24)
Kukhona ububi engibubonile phansi kwelanga, futhi buvamile phakathi kwabantu: Umuntu uNkulunkulu amnike ingcebo nodumo, angasweli lutho emphefumulweni wakhe kukho konke akufisayo, kepha uNkulunkulu akamniki amandla okukudla, kepha owezizweni uyakudla; kuyize, kuyize. yisifo esibi. Uma umuntu ezala abantwana abayikhulu, aphile iminyaka eminingi, zibe ziningi izinsuku zeminyaka yakhe, nomphefumulo wakhe ungasuthi ngokuhle, futhi angabi nakumbelwa; Ngithi, ukuzalwa okungakafiki kuhle kunaye. Ngokuba ingena kuyize, imuka ebumnyameni, negama layo liyosibekela ubumnyama. Ngaphezu kwalokho, akazange alibone ilanga futhi engazi lutho; inokuphumula okwedlula ezinye. Yebo, noma ephila iminyaka eyinkulungwane ephindwe kabili, akabonanga lutho oluhle; abayi bonke endaweni eyodwa? Wonke umshikashika womuntu wenzelwa umlomo wakhe, kepha inkanuko ayisuthi. Ngokuba ohlakaniphileyo unenani elingaphezu kwesiwula na? uyini ompofu okwaziyo ukuhamba phambi kwabaphilayo na? Kungcono ukubona kwamehlo kunokuzulazula kwesifiso, futhi kuyize nokuxhamazela. Lokho osekukhulunyiwe, futhi kuyaziwa ukuthi kungumuntu; Njengoba kukhona izinto eziningi ezandisa ize, umuntu ungcono ngani? Ngoba ngubani owaziyo okumlungele umuntu kulokhu kuphila, zonke izinsuku zokuphila kwakhe okuyize azidlayo njengesithunzi na? ngoba ngubani ongazi okuzakuba emva kwakhe phansi kwelanga?
UmShumayeli 6:1-12 IsiZulu 2020 (ZUL20)
Ngabona enye into embi phansi komthunzi welanga, futhi ingumthwalo onzima emahlombe abantu. UNkulunkulu umuntu umuphe ingcebo, impahla, nodumo ukuze angesweli lutho alufisayo, kepha uNkulunkulu akamniki amandla okukudla; kufika umfokazi azitike ngakho, lokho kuyize; kungukushaywa kabuhlungu. Uma umuntu ezele abantwana abayikhulu, aphile iminyaka eminingi, zibe ziningi izinsuku zeminyaka yakhe, kodwa angathokozeli izinto ezinhle empilweni, futhi angangcwatshwa, ngithi okuphuphumileyo kungcono kunaye, ngokuba kufikela ezeni, kuye ebumnyameni, ubumnyama buyaligqiba igama lakho. Akulibonanga ilanga, akwazi lutho, kodwa khona kuthola ukuphumula kunaye. Ngisho angaphila iminyaka eyinkulungwane ephindwe kabili, kepha engehlelwa ngokuhle, kanti bonke abayi yini endaweni eyodwa na? Konke umuntu akusebenzelayo kuya emlonyeni wakhe, kodwa akaneliswa. Umuntu ohlakaniphile ungcono ngani koyisiwula na? Umuntu ompofu, okwazi ukuziphatha kahle phambi kwabantu, utholani na? Kungcono ukubona ngamehlo, kunokulangazelela kwenhliziyo; lokho kuyize, kufana nokuthi uyoze ubambe utalagu. Osekwake kwaba khona sekwaqanjwa igama, kuyaziwa ukuthi umuntu uyokuba yini, nokuthi akakwazi ukuphikisana nalowo onamandla kunaye. Ngokwanda kwamazwi, kwanda nokuyize, umuntu ngabe ungcono ngani na? Konje ngubani owaziyo ukuthi yini enhle kumuntu ngesikhathi esaphila lezi zinsukwana zempilo yakhe eyize, eyedlula njengethunzi na? Ngubani ongasho kumuntu ukuthi yini ezokwenzeka phansi komthunzi welanga nxa esefile na?
UmShumayeli 6:1-12 IBHAYIBHELI ELINGCWELE (ZUL59)
Kukhona ububi engibubonile phansi kwelanga ukuthi bunzima phezu kwabantu: umuntu uNkulunkulu amnika ingcebo, nemfuyo, nodumo, aze angasweli lutho lomphefumulo wakhe kukho konke akufisayo, uNkulunkulu angamniki nokho amandla okudla kukho, kepha kudliwa ngumfokazi; lokho kuyize, kuyisifo esibi. Uma umuntu ezala abantwana abayikhulu, ehamba iminyaka eminingi, zibe ziningi izinsuku zeminyaka yakhe, kodwa umphefumulo wakhe ungasuthi ngokuhle, futhi angabi nakumbelwa, ngithi okuphuphumileyo kungcono kunaye, ngokuba kufika ngeze, kumuke ebumnyameni, igama lakho lisitshekelwa ngubumnyama. Nelanga akulibonanga, akwazi lutho; khona kunokuphumula kunaye. Yebo, noma ephila iminyaka eyinkulungwane ephindwa kabili, engaboni okuhle, abayi bonke endaweni inye na? Wonke umshikashika womuntu wenzelwa umlomo wakhe, nokho iphango alaneliswa. Ngokuba ohlakaniphileyo udluleleni isiwula, nompofu okwazi ukuhamba phambi kwabaphilileyo unantoni na? Kungcono ukubona kwamehlo kunokuzulazula kwesifiso; nalokhu kuyize nokufuna umoya. Okukhona kwake kwabizwa ngegama; kwaziwa ukuthi umuntu uyakuba yini; akanakwahlulelana nonamandla kunaye. Lokhu kukhona amazwi amaningi akwandisa okuyize, umuntu unanzuzoni na? Ngokuba ngubani okwaziyo okuhle okuyakuba ngokomuntu ekuhambeni kwakhe zonke izinsuku zokuhamba kwakhe okuyize aziqedayo njengesithunzi na? Ngubani ongatshela umuntu okuyakuba semva kwakhe phansi kwelanga na?