IzEnzo 11:1-30
IzEnzo 11:1-30 IsiZulu 2020 (ZUL20)
Abaphostoli nabazalwane baseJudiya bezwa ukuthi nabezizwe balemukele izwi likaNkulunkulu. Kepha kuthe ukuba uPhethro enyukele eJerusalema, abasokileyo baphikisana naye, bathi: “Ungene emzini wabantu abangasokile, wadla nabo!” Kepha uPhethro waqala wabalandisa konke ukusuka nokuhlala, wathi: “Bengisemzini eJopha, ngikhuleka; ngafikelwa yisiyezi, ngabona umbono, kwehla isitsha esithile sinjengendwangu enkulu, sehliswa ezulwini ngamachopho amane, saze safika kimi. Ngasibhekisisa, ngasigqolozela, ngabona izilwane zomhlaba ezinezinyawo ezine, izilo zasendle, nezinwabuzelayo, nezinyoni zezulu. Ngezwa izwi lithi kimi: ‘Sukuma, Phethro; hlaba, udle.’ “Kepha ngathi: ‘Qha, Nkosi, ngokuba okuyichilo nokungcolileyo akukaze kungene emlonyeni wami.’ “Nokho izwi elivela ezulwini laphendula ngokwesibili, lathi: ‘Ungasho ukuthi kungcolile lokho uNkulunkulu akuhlambululileyo.’ “Lokho-ke kwenzeka kwaze kwaba kathathu, konke kwabuye kwenyuselwa ezulwini. “Ngaso leso sikhathi kwema amadoda amathathu phambi kwendlu esasikuyo, ethunywe kimi, evela eKhesariya. UMoya wayesethi kimi angihambe nawo ngingangabazi ngalutho. Bangiphelezela laba bazalwane abayisithupha, saze sayongena endlini yaleyo ndoda. Yasibikela ukuthi yayibone ingelosi imi endlini yayo, ithi: ‘Thumela eJopha, ulande uSimoni okuthiwa nguPhethro, uzakukutshela amazwi ozakusindiswa ngawo, wena nabo bonke abendlu yakho.’ “Ngathi ngisaqala ukukhuluma, uMoya oNgcwele wehlela phezu kwabo njengalokhu kwenzeka nakithina ekuqaleni. Ngase ngilikhumbula izwi iNkosi eyalikhuluma, ithi: ‘UJohane wayebhabhadisa ngamanzi, kodwa nina nizakubabhabhadisa ngoMoya oNgcwele.’ “Ngakho-ke uma uNkulunkulu ebanikile isipho njengathi esakholwa yiNkosi uJesu uKhristu, pho ngingubani ukuba ngivimbe uNkulunkulu na?” Sebekuzwile lokho, bathula du, badumisa uNkulunkulu, bethi: “Impela uNkulunkulu ubanikile nabezizwe ukuphendukela ekuphileni.” Kepha labo ababehlakazekile ngenxa yokuhlushwa okwaqala ngoStefani, bahamba baze bayofika eFenikhe, eKhuphro, nase-Antiyokhiya, bengakhulumanga zwi nakoyedwa, ngaphandle kwabaJuda. Kepha abanye kubo, amadoda ayevela eKhuphro naseKhurene, kwathi ukuba bafike e-Antiyokhiya, bakhuluma nakumaGriki, beshumayela ivangeli ngeNkosi uJesu. Isandla seNkosi sasinabo, abantu abaningi kakhulu bakholwa, baphendukela eNkosini. Umbiko ngabo wafinyelela ezindlebeni zebandla laseJerusalema, lathumela uBharnabha ukuba aye e-Antiyokhiya. Esefikile, wabona umusa kaNkulunkulu, wathokoza, wabagqugquzela bonke ukuba bazinikele ngenhliziyo, banamathele eNkosini. Wayeyindoda elungile, egcwele uMoya oNgcwele nokukholwa; kwenezelwa eNkosini abantu abaningi. UBharnabha wayesedlulela eTharsu eyofuna uSawula. Kwathi ukuba amfumane, wamyisa e-Antiyokhiya. Kwenzeka ukuba bahlanganyele ebandleni isikhathi esiwunyaka, befundisa abantu abaningi. Kwaqala-ke e-Antiyokhiya ukuba abafundi kuthiwe ngamaKhristu. Ngalezo zinsuku abaphrofethi behlela e-Antiyokhiya bevela eJerusalema. Kwase kusukuma omunye wabo, ogama lakhe kungu-Agabhu, wabikezela ngoMoya ukuthi kuzakubhoka indlala enkulu ezweni lonke, lokho okwenzeka ngesikhathi sikaKlawudiyu. Abafundi bazimisela ukuba kube yilowo nalowo ngangamandla akhe, bathumele okokusiza abazalwane eJudiya. Bonke bakwenza, bakuthumela emalungeni ngesandla sikaBharnabha noSawula.
IzEnzo 11:1-30 Contemporary Zulu Bible 2024 (CZB24)
Abaphostoli nabazalwane baseJudiya bezwa ukuthi nabezizwe balamukele izwi likaNkulunkulu. Kwathi uPetru esekhuphukele eJerusalema, abokusoka baphikisana naye; besithi: Wangena ebantwini abangasokanga, wadla labo. Kodwa uPetro wayilandisa indaba kwasekuqaleni, wabachasisela ngomlayo, esithi: Mina ngangisemzini waseJopha ngikhuleka, ngase ngibona ethongweni umbono, kwehla isitsha esithile, sinjengendwangu enkulu, sehliswa ngamachopho omane sivela ezulwini; lafika nakimi. Okwathi ngigqolozele kukho, ngabona, ngabona izilwane zomhlaba ezinezinyawo ezine, nezilo zasendle, nezilwanyana ezinwabuzelayo, nezinyoni zezulu. Ngasengisizwa ilizwi lisithi kimi: Sukuma, Petro; hlaba udle. Kodwa ngathi: Qha, Nkosi, ngokuba akukho okuyichilo nokungcolileyo akuzange kungene emlonyeni wami. Kodwa izwi langiphendula futhi livela ezulwini, lathi: Lokho uNkulunkulu akuhlambululileyo, wena ungasho ukuthi kungcolile. Lokho kwenzeka kathathu, konke kwabuye kwenyuselwa ezulwini. Bheka, kwahle kwafika amadoda amathathu endlini engangikuyo, ethunywe kimi evela eKesariya. UMoya wayesethi kimi ngihambe nawo, ngingangabazi ngalutho. Bahamba nami nalaba bazalwane abayisithupha, sangena endlini yalowo muntu; Yasibikela ukuthi yayibone ingelosi endlini yayo imi, yathi kuye: ‘Thuma amadoda eJopha, ubize uSimoni othiwa uPetru; ozakukhuluma kuwe amazwi, ozasindiswa ngawo wena lendlu yakho yonke. Kwathi ngisaqala ukukhuluma, uMoya oNgcwele wehlela phezu kwabo, njengalokhu wehlela kithi ekuqaleni. Ngase ngikhumbula izwi leNkosi ukuthi yathi: ‘UJohane wabhapathiza ngamanzi; kodwa lina lizabhabhathizwa ngoMoya oNgcwele. Ngakho-ke njengokuba uNkulunkulu ebanikile isipho esifana naso njengathi thina esakholwa yiNkosi uJesu Kristu; mina bengiyini ukuba ngimelane noNkulunkulu na? Sebezwile lezizinto bathula, bamdumisa uNkulunkulu, besithi: Ngakho uNkulunkulu unikile labezizwe ukuphendukela ekuphileni. Labo abahlakazekile ngokushushiswa okwavela ngoStefanu badabula baze bafika eFenike, naseKhupro, nase-Antiyokiya, bengalishumayeli izwi kubaJuda kuphela. Abanye kubo kwakungamadoda aseKhupro naseKhurene, abathi sebefikile e-Antiyokiya, bakhuluma kumaGreki, beshumayela ivangeli ngeNkosi uJesu. Isandla seNkosi sasinabo, kwakholwa isixuku esikhulu saphendukela eNkosini. Izindaba ezinjalo zezwakala ezindlebeni zebandla laseJerusalema, bathuma uBarnabasi ukuba ahambe aze afike e-Antiyokiya. Owathi efika, esewubonile umusa kaNkulunkulu, wathokoza, wabakhuthaza bonke ukuthi banamathele eNkosini ngokuzimisela kwenhliziyo. Ngokuba wayeyindoda enhle, egcwele uMoya oNgcwele nokukholwa; kwenezelwa eNkosini abantu abaningi. UBarnabasi wasesuka waya eTarsu ukuyadinga uSawuli; Esemtholile wamyisa e-Antiyokiya. Kwasekusithi umnyaka wonke babuthana ebandleni, bafundisa abantu abanengi. Futhi abafundi baqala ukubizwa ngokuthi amaKristu e-Antiyokiya. Ngalezo zinsuku kwafika abaprofethi bevela eJerusalema, beza e-Antiyokiya. Kwasekusukuma omunye wabo obizo lakhe lingu-Agabu, watshengisa ngoMoya ukuthi kuzakuba khona indlala enkulu emhlabeni wonke; Khona abafundi bazimisela, kwaba yilowo nalowo njengamandla akhe, ukuthumela usizo kubazalwane abakhileyo eJudiya. Bakwenza-ke lokho, bakuthumela emalungeni ngesandla sikaBarnaba noSawulu.
IzEnzo 11:1-30 Baasraak Zulu New Testament Bible (ZULUNT)
Abaphostoli nabazalwane baseJudiya bezwa ukuthi nabezizwe balamukele izwi likaNkulunkulu. Kwathi uPetru esekhuphukele eJerusalema, abokusoka baphikisana naye; besithi: Wangena ebantwini abangasokanga, wadla labo. Kodwa uPetro wayilandisa indaba kwasekuqaleni, wabachasisela ngomlayo, esithi: Mina ngangisemzini waseJopha ngikhuleka, ngase ngibona ethongweni umbono, kwehla isitsha esithile, sinjengendwangu enkulu, sehliswa ngamachopho omane sivela ezulwini; lafika nakimi. okwathi ngigqolozele kukho, ngabona, ngabona izilwane zomhlaba ezinezinyawo ezine, nezilo zasendle, nezilwanyana ezinwabuzelayo, nezinyoni zezulu. Ngasengisizwa ilizwi lisithi kimi: Sukuma, Petro; hlaba udle. Kodwa ngathi: Qha, Nkosi, ngokuba akukho okuyichilo nokungcolileyo akuzange kungene emlonyeni wami. Kodwa izwi langiphendula futhi livela ezulwini, lathi: Lokho uNkulunkulu akuhlambululileyo, wena ungasho ukuthi kungcolile. Lokho kwenzeka kathathu, konke kwabuye kwenyuselwa ezulwini. Bheka, kwahle kwafika amadoda amathathu endlini engangikuyo, ethunywe kimi evela eKesariya. UMoya wayesethi kimi ngihambe nawo, ngingangabazi ngalutho. Bahamba nami nalaba bazalwane abayisithupha, sangena endlini yalowo muntu; Yasibikela ukuthi yayibone ingelosi endlini yayo imi, yathi kuye: ‘Thuma amadoda eJopha, ubize uSimoni othiwa uPetru; ozakukhuluma kuwe amazwi, ozasindiswa ngawo wena lendlu yakho yonke. Kwathi ngisaqala ukukhuluma, uMoya oNgcwele wehlela phezu kwabo, njengalokhu wehlela kithi ekuqaleni. Ngase ngikhumbula izwi leNkosi ukuthi yathi: ‘UJohane wabhapathiza ngamanzi; kodwa lina lizabhabhathizwa ngoMoya oNgcwele. Ngakho-ke njengokuba uNkulunkulu ebanikile isipho esifana naso njengathi thina esakholwa yiNkosi uJesu Kristu; mina bengiyini ukuba ngimelane noNkulunkulu na? Sebezwile lezizinto bathula, bamdumisa uNkulunkulu, besithi: Ngakho uNkulunkulu unikile labezizwe ukuphendukela ekuphileni. Labo abahlakazekile ngokushushiswa okwavela ngoStefanu badabula baze bafika eFenike, naseKhupro, nase-Antiyokiya, bengalishumayeli izwi kubaJuda kuphela. Abanye kubo kwakungamadoda aseKhupro naseKhurene, abathi sebefikile e-Antiyokiya, bakhuluma kumaGreki, beshumayela ivangeli ngeNkosi uJesu. Isandla seNkosi sasinabo, kwakholwa isixuku esikhulu saphendukela eNkosini. Izindaba ezinjalo zezwakala ezindlebeni zebandla laseJerusalema, bathuma uBarnabasi ukuba ahambe aze afike e-Antiyokiya. owathi efika, esewubonile umusa kaNkulunkulu, wathokoza, wabakhuthaza bonke ukuthi banamathele eNkosini ngokuzimisela kwenhliziyo. Ngokuba wayeyindoda enhle, egcwele uMoya oNgcwele nokukholwa; kwenezelwa eNkosini abantu abaningi. UBarnabasi wasesuka waya eTarsu ukuyadinga uSawuli; Esemtholile wamyisa e-Antiyokiya. Kwasekusithi umnyaka wonke babuthana ebandleni, bafundisa abantu abanengi. Futhi abafundi baqala ukubizwa ngokuthi amaKristu e-Antiyokiya. Ngalezo zinsuku kwafika abaprofethi bevela eJerusalema, beza e-Antiyokiya. Kwasekusukuma omunye wabo obizo lakhe lingu-Agabu, watshengisa ngoMoya ukuthi kuzakuba khona indlala enkulu emhlabeni wonke; Khona abafundi bazimisela, kwaba yilowo nalowo njengamandla akhe, ukuthumela usizo kubazalwane abakhileyo eJudiya. Bakwenza-ke lokho, bakuthumela emalungeni ngesandla sikaBarnaba noSawulu.
IzEnzo 11:1-30 IBHAYIBHELI ELINGCWELE (ZUL59)
Kepha abaphostoli nabazalwane abaseJudiya bezwa ukuthi nabezizwe balamukele izwi likaNkulunkulu. Kwathi ukuba uPetru enyukele eJerusalema, abokusoka baphikisana naye, bathi: “Ungene kubantu abangasokile, wadla nabo.” Kepha uPetru wabathathela konke ngokulandelana, wathi: “Mina bengisemzini waseJopha ngikhuleka; ngehlelwa yisiyezi, ngabona umbono, kwehla isitsha esithile sinjengendwangu enkulu, yehliswa ezulwini ngamachopho amane, yaze yafika kimi. Kwathi ukuba ngiyigqolozele, ngabhekisisa, ngabona izilwane zomhlaba ezinezinyawo ezine, nezilo zasendle, nezinwabuzelayo, nezinyoni zezulu. Ngezwa izwi lithi kimi: ‘Sukuma, Petru; hlaba, udle.’ “Kepha ngathi: ‘Qha, Nkosi, ngokuba okuyichilo nokungcolileyo akuzange kungene emlonyeni wami.’ “Khona izwi elivela ezulwini laphendula ngokwesibili, lathi: ‘Lokho akuhlambululileyo uNkulunkulu, ungasho wena ukuthi kuyichilo.’ Lokho-ke kwenzeka kathathu, konke kwabuye kwenyuselwa ezulwini. “Bhekani, ngaso leso sikhathi kwase kumi amadoda amathathu phambi kwendlu esasikuyo; ayethunyelwe kimi, evela eKesariya. UMoya wayesethi kimi angihambe nabo ngingangabazi ngalutho. Bangiphelekezela labo bazalwane abayisithupha, saya sangena endlini yaleyo ndoda. Yasibikela-ke ukuthi yayibonile ingelosi imi endlini yayo, ithi: ‘Thumela eJopha, ulande uSimoni othiwa uPetru ozakukhuluma kuwe amazwi ozakusindiswa ngawo, wena nendlu yakho yonke.’ “Ngathi ngisaqala ukukhuluma, uMoya oNgcwele wehlela phezu kwabo njengakithi ekuqaleni. Ngalikhumbula-ke izwi leNkosi, njengalokho yathi: ‘UJohane wabhapathiza ngamanzi, kodwa nina nizakubhapathizwa ngoMoya oNgcwele.’ Ngakho uma uNkulunkulu ebanikile bona isipho njengathi esakholwa yiNkosi uJesu Kristu, ngingubani mina ukuba ngivimbele uNkulunkulu na?” Bathi ukuzwa lokho, bathula, badumisa uNkulunkulu, bathi: “Kanti uNkulunkulu unike nabezizwe ukuphendukela ekuphileni.” Kepha labo ababehlakazekile ngokuhlupheka okwaqala ngoStefanu bahamba, baze bafika eFenike, naseKhupro, nase-Antiyokiya, bengalikhulumi izwi koyedwa, kubaJuda kuphela. Kodwa kwakukhona abanye kubo, amadoda aseKhupro naseKhurene, abathi befika e-Antiyokiya, bakhuluma nakumaGreki, beshumayela ivangeli ngeNkosi uJesu. Isandla seNkosi sasinabo; kwakholwa abaningi kakhulu, baphendukela eNkosini. Kepha kwezwakala izwi ngabo ezindlebeni zebandla laseJerusalema; lase lithuma uBarnaba ukuba ahambe afike e-Antiyokiya; wathi ukuba afike, abone umusa kaNkulunkulu, wathokoza, wabayala bonke ukuba banamathele eNkosini ngokuzimisela inhliziyo. Ngokuba wayeyindoda enhle, egcwele uMoya oNgcwele nokukholwa; kwenezelwa eNkosini abantu abaningi. UBarnaba wayeseya eTarsu ukuba afune uSawulu; kwathi esemfumene, wamyisa e-Antiyokiya. Kwase kwenzeka ukuba umnyaka wonke bahlangane ebandleni, befundisa abantu abaningi. Kwaqala e-Antiyokiya ukuba abafundi bathiwe amaKristu. Ngalezo zinsuku kwehlela e-Antiyokiya abaprofethi bevela eJerusalema. Kwasukuma omunye kubo ogama lakhe lingu-Agabu, wakhomba ngoMoya ukuthi kuzakuba khona indlala enzima ezweni lonke; yaba khona emihleni kaKlawudiyu. Abafundi base bezimisela ukuba yilowo nalowo kubo athumele njengamandla akhe okokusiza abazalwane abakhe eJudiya. Bakwenza-ke, bakuthumela emalungeni ngesandla sikaBarnaba noSawulu.