Matalikilo 12
12
Lesa mbwaakeeta Abulamu
1Mwaami Lesa wakaambila Abulamu ayi, “Shiya cishi cine mishaanu, bamakwanu alimwi aŋanda ya baiso, uye kumusena ngweshi nkakutondeshe.#Mili 7:2-3; Ebulu 11:8 2Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.
3“Ndaakupa coolwe boonse abo bakupa coolwe,
sombi ndaakushinganya boonse bakushinganya.
Alimwi kwiinda muli ndiwe ndaakupa coolwe mishobo yoonse.”#Gala 3:8
4Abulaamu ndyaakaba amyaaka ili 75, wakanyamuka kuswa kuAlani kweelana abwakamwaambila Lesa. Loti alakwe wakayaakwe. 5Abulamu wakanyamuka aSalai mukaakwe, Loti mwiicwa wakwe, abuboni boonse alimwi abasha boonse mbobakabaabo muAlani, akuya kucishi ca Kenani.
Ndibakashika muKenani, 6Abulamu wakeenda mucishi ico akushika kumubanga wa kuMole muShekemu. Paciindi ico bene Kenani bakalinga kunoocikala mucishi ceenka ico. 7Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.#Mili 7:5; Gala 3:16 8Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa. 9Lyalo wakalinga kuya cituntulukatuntulukabo kuya kulubasu lwa kumalenge a Kenani.
Abulamu muIjipiti
10Ono muKenani mwakalinga nsala abuumbi cakwaamba ayi Abulamu wakalinga kuya cisena kumalenge tibili washika akuIjipiti, kwaamba ayi akekaale nkuko paciindi ici ca nsala. 11Ndyaakalinga pafwaafwi akusotoka nyinsa ya Ijipiti, wakaambila Salai mukaakwe ayi, “Webo uli mwanakashi mubotu abuumbi. 12Na bene Ijipiti bakakuboone, batookuyeyeela ayi uli mukaangu, aboobo batooncaya akukuleka webo kooli muumi. 13Ubaambile ayi uli nankashi yangu. Ono ceebo ca ndiwe teshi bancaaye alimwi batoomamba kabotu.”#Mata 20:2; 26:7 14Ndyaakasotoka nyinsa kuya muIjipiti, bene Ijipiti bakamubona mukaakwe Abulamu ayi ngumubotu. 15Bamwi bamanenenene ba kunkuta bakamubona akwaambila Falawo mwaami wabo mbuli mbwaakalinga mubotu. Aboobo wakatolwa kuŋanda yakwe Falawo. 16Ceebo cakwe, mwaami uyo wakamulela kabotu Abulamu akumupa matanga a mbelele a mpongo, ŋombe ambongolo, basha alimwi angamela.
17Sombi ceebo cakwaamba ayi mwaami wakabwesa muka Abulamu, Mwaami Lesa wakatuma malwashi ayoosha kuli nguwe akubaabo boonse bamuŋanda yakubwalo. 18Lyalo Falawo wakatuma nkombe ayi Abulamu ese. Mpeeke wakamwiipusha ayi, “Nciinshi ncewakacita kuli ndime? Tookwe kundwiitilanshi ayi mwanakashi uyu ngumukaako? 19Wakandwiitilanshi ayi ngunankashi yako, akundeka ayi mweebe? Ngooyu mukaako, mubwese, usweemo muno!” 20Mpomunyaawo mwaami wakatuma bantu bakwe, ayi batole Abulamu akumushiya kunsengwe lya cishi pantu pomwi amukaakwe alimwi ashintu shoonse nshaakalinga kucite.
Okuqokiwe okwamanje:
Matalikilo 12: BBBLI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Lenje Bible with Deuterocanon © Bible Society of Zambia, 2003.