Takwiin 2
2
1Wa be misil da, tammat khaliigit al-samaawaat wa l-ard wa kulla cheyy al-fiihum. 2Wa fi l-yoom al-saabiʼ, Allah kammal khidimtah al-sawwaaha wa fi l-yoom al-saabiʼ, hu wagaf min kulla khidimtah al-sawwaaha. 3Wa khalaas, al-Rabb baarak al-yoom al-saabiʼ wa khaddasah achaan fi l-yoom da hu zaatah wagaf min kulla khidimtah hana l-khaliige. 4Wa da taariikh khaliigit al-samaawaat wa l-ard.
Allah khalag al-insaan
Wakit Allah al-Rabb khalag al-samaawaat wa l-ard, 5ma fi chadara waahide kula fi l-ard wa gechch kula ma gamma achaan Allah al-Rabb lissaaʼ ma nazzal al-matara fi l-ard. Wa ma fi naadum waahid le yahrit al-turaab. 6Wa laakin al-nada al-taaliʼ min al-ard gaaʼid yazgi kulla l-ard.
7Wa Allah al-Rabb khalag al-insaan min turaab al-ard wa naffakh fi munkharah nafas al-haya. Wa khalaas, al-insaan bigi hayy. 8Wa Allah al-Rabb maggan jineene fi bakaan usmah Adin, fi l-sabaah. Wa khatta al-insaan al-hu khalagah fi l-jineene di. 9Wa Allah al-Rabb gawwam min al-turaab kulla nafar hana chadar sameh le l-choof wa kulla nafar hana chadar al-iyaalah haluwiin le l-akil. Wa gawwam fi ust al-jineene chadarat al-Haya wa chadara aakhara hana irfit al-kheer wa l-charr.
10Wa bahar waahid maarig min Adin wa yazgi al-jineene di. Wa min al-jineene di, al-bahar angasam bigi arbaʼa buhuur. 11Al-awwal usmah Fichuun wa hu al-muhawwig balad al-Hawiila, bakaan al-dahab. 12Wa l-dahab hana l-bakaan daak saafi. Wa hinaak fi samukh al-indah riihe wa l-hajar al-khaali al-usmah agiig. 13Wa l-bahar al-taani usmah Gihuun wa hu al-muhawwig kulla balad al-Kuuch. 14Wa l-taalit usmah Dijla wa hu al-jaari sabaah le balad Achuur. Wa l-raabiʼ usmah al-Furaat.
Allah khalag al-mara
15Wa Allah al-Rabb chaal al-raajil al-hu khalagah wa khattaah fi jineenit Adin le yahritha wa yahrisha. 16Wa Allah al-Rabb amarah wa gaal leyah : «Tagdar taakul iyaal kulla l-chadar al-fi l-jineene. 17Laakin ma taakul min iyaal chadarat irfit al-kheer wa l-charr. Achaan akiid yoom inta akalt minha da, tumuut.»
18Wa baʼad da, Allah al-Rabb gaal : «Ma adiil le l-raajil yagood wiheedah. Khalli nakhlig leyah insaan mislah le yiʼaawinah.» 19Wa Allah al-Rabb khalag min al-turaab kulla haywaanaat al-kadaade wa kulla tuyuur al-sama wa waddaahum le l-raajil le yichiif kikkeef yisammiihum. Wa ayyi usum al-raajil antaah le l-makhluugiin al-hayyiin, da bigi leehum usum. 20Wa khalaas, al-raajil samma kulla l-bahaayim wa tuyuur al-sama wa kulla haywaanaat al-kadaade. Laakin ma fi makhluug misil Adam le yiʼaawinah.
21Wa khalaas Allah al-Rabb nawwam al-raajil noom chadiid wa wakit hu naayim, Allah marag adum waahid min saffah wa sadda al-laham fi bakaanah. 22Wa be l-adum al-chaalah min saff al-raajil da, Allah al-Rabb sawwa beyah mara wa jaabaaha leyah. 23Wa min chaafha, al-raajil gaal : «Aywa ! Hi di adum min udaami wa laham min lahami. Wa usumha mara achaan maragooha min al-raajil.» 24Wa be sabab da, ayyi raajil yikhalli ammah wa abuuh wa yilimm maʼa martah wa yabgo jisim waahid.
25Wa l-raajil wa martah kulluhum aryaaniin wa ma irfo al-eeb ambeenaathum.
Okuqokiwe okwamanje:
Takwiin 2: ADT19
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Arabe tchadien (alphabet latin) Bible © Alliance Biblique du Tchad, 2019.