MATEYO 6
6
1NUTEBELI ; kanukixi nkwami yenu ku mpala ya bantu ndo kumonebwa kudibo ; ximbi nuxeakala kutena sayi kudi Tetenu udi mu diulu. 2Mbwôso panakisa makisa a mwengo, kukumi mpungi ku buxi bwebe, bea biencenca bena mancanga mu bixingidilu, yi ku ncila, bixetumbixibwabo kudi bantu. Nwatôyela sôsôlwo ene, bapwangata sayi yabo. 3Kaninga panakwenca owe makisa a mwengo, kulubukixi kianca kiebe kia kimoso biencenca kianca kiebe kia kidyo ; 4bixeakala makisa ebe a mwengo ku busoko ; yi Tetebe amona ku busoko unakusayila.
5Oka lolo nwalomba, kanwakadi bea bena mancanga ; bwalo bwanangabo kulombela bemanini mu bixingidilu yi ku matakanu a ncila ndo kumoneka kudi bantu. Nwatôyela sôsôlwo ene, Bapwangata sayi yabo. 6Kaninga panalomba owe, bwela mu ngumbu ebe ; panakaia wapuncibika mbelo ebe, lomba kudi Tetebe udi ku busoko ; yi Tetebe amona ku busoko unakusayila.
7Oka lolo nwalomba, kanwetodi mieto kanana bea bena mabila, bwalo bwakisabo ene, banakwombwebwa ku kutôya kwabo kungi. 8Mbwôso nonu kanufwañanani yinabo, bwalo bwamalubukwa Tetenu bintu binwakyeba buxi bunukidi kanumulombeli. 9Mbwôso nulombi nako ene, Tetecu utani mu diulu, dina diebe diakali kincila ; 10bufumu bwebe bulwi ; nyinga yebe yencebwi pa loboko byekyene bea mu diulu 11utupi lelo bidya bia lelo ; 12utu lekyeli lolo mbata yecu byekyem bitwamalekyela coco kabidi bobo badi yinecu mbata ; 13kutucwad ku kwelekyexebwa, kate utupaul kudi you a bubi. 14Bwalo nonu ndo nwalekyela bantu mona abo Tetenu a mu diulu unanulekyela kabidi ; 15kaninga nonu ndo kanusolekyela bantu mona abo, Tetenu kabidi kananulekyela mona enu.
16Oka nwamancila bidya, kanwakadi bea luna bena mancanga, yi mpala ya buxitu ; bwalo bwononabo mpala yabo bixemonekabo yi luncilu kudi bantu ; nwatôyela sôsolwo ene, Bapwangata sayi yabo. 17Kaninga panancila owe bidya, xinga mucwe ebe, yi kusula mpala ebe, 18bitaxemoneka yi luncilu kudi bantu, kate kudi Tetebe utani ku busoko ; yi Tetebe amona ku busoko unakusayila.
19Kanudibumbidi bima ku loboko kwononona lubaibai yi bodingo bintu, kwatubula tubula kabidi befi yi kweba ; 20kaninga nudibumbili bima mu diulu mutasokwona bintu ndo lubaibai ndo bodingo ; mutasotubula befi yi kweba ; 21ku kidi kitani ngombo yebe, koku kabidi kunakala mucima ebe.
22Mwinda ă mumbidi udi diso ; mbwôso ndo diso diebe diapwakala loko, mumbidi ěbe muncimancima unakala obo ; 23mo ndo diso diebe didi bubi, mumbidi ěbe muncimancima unakala mwedima. Mbwôso ndo obo udi munda mwebe udi mwedima, mwedima udi bungi bea kai ?
24Kakuna muntu ubili kusadila bafumu babidi ; ndo unanyañana umoumwe unananga munga, ndo unanamata kudi umoumwe unatamuna munga. Kanubiyi kusadila yi Ncembi yi bima.
25Mbwôso nwatôyela ene, kanucini bwalo bwa môyo ěnu, binuxedya yi binuxenwa ; ndo bwalo bwa mumbidi enu binuxelata. Môyo ka ămadika bidya ? Mumbidi ka ămadika bilamba ? 26Numoni nyonyi ya kulu bitasokunayi, bitasobukayi, bitasobumbayi mu bibumbilu, mo Tetenu a mu diulu amayibungula. Nonu kanusoyidika ? 27Nani udi yinenu, ndo apwakala yi mutete, unalubukwa kudilundisa kubiti umoumwe ku bule bwanci ? 28Kukai lolo nudi yi mutete bwalo bwa bilamba ? Nuxiximi masusu a mbata, mwalundao ; kasokamba, kasokuma nkumena ; 29kaninga nwatôyela ene, Solomono isanga yi dikai dienci dioso kalacibwa bea luna dimodimwe dedio. 30Mbwôso Ncembi ndo alatisa bilo bia mbata nako bidi paxi lelo, kaninga mankyelo binakwelebwa ku dilungu, ki unadika kunulatisa, bena kwetabusa kubende ? 31Mbwôso kanwakadi yi mutete ene, Tunadya kai ? ndo ene, Tunanwa kai ? ndo ene, Tunalacibwa yi kai ? 32Bwalo bwapalala palala mabila bintu bebi noku bioso ; Tetenu pako aiubukwa ene, nwamakwabila bintu bebi bioso. 33Nupalali lolo bufumu bwa Ncembi buxi, yi nkwami yenci ; yi bintu bioso bebi noku binanubodeyebwa. 34Mbwôso kanwakadi yi mutete bwalo bwa mankyelo ; mankyelo anakala yi ănci mutete mikyenci. Bubi bwa dituku dimodimwe bwamakuka dituku dedi.
Okuqokiwe okwamanje:
MATEYO 6: Luna_NT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© La Société biblique de Genève
