Medheteththa Maxaafa 36
36
Eesawe Yeleta
(1Taari 1:34-37)
1Eedoome geetettiza Eesawe yeletay hayssafe kaalli xaafettidayssa. 2Eesawey Kanaane biitta macca naytappe baas machcho ekkides; isttika Hiite Eeloone naa Aada, Hiiweya Xiba7oone naa Aanay yelida Oholibaamenne#Medhe 26:34 3Isma7eele naa Nebayooti michchiyo Baasemaato.#Medhe 28:9 4Aaday Eesawes Elfaaze yeladus; Baasemaatayakka Era7u7eele yeladus; 5Oholibaame Ya7uushe, Ya7ilaamenne Qoore yeladus; Kanaane biittan Eesawes yelettida attuma nayti haytantta.
6Eesawey ba machcheta, ba attuma naytanne macca nayta, baso as ubbaa ba miizatanne ba mehe ubbaa Kanaane biittan izi haaridayssa ubbaa ekkidi ba isha Yaaqoobeppe haakki bides. 7Istta haaroy darida gishshas istti issife de7anaas dandaybeettenna; mehey isttas darida gishshas istti diza derey istta nam7atas gidanaas dandaybeenna.
8Histtiin Eedoome geetettiza Eesawey Seyre geetettiza gezzen uttides.
9Seyre geetettiza gezze biittan diza Eedoometa aawa Eesawe yeletay hayssafe kaalli xaafettidayssa. 10Eesawe attuma nayta sunththi hayssafe kaalli xaafettidayssa; hessatikka Eesawe machcho Aada naa Elfaazenne Eesawe machcho Baasemaati naa Era7u7eele.
11Elfaaze nayti Temaane, Omaare, Xefo, Ga7itaamenne Qenaaze. 12Qasse Eesawe naa Elfaazes Teminaa7e geetettiza aylley dawus; izakka Elfaazes Amaaleeqe yeladus; hayti Eesawe machcho Aadis naa nayta.
13Era7u7eele attuma nayti Nahaate, Zaraahe, Shammahanne Miizahe; hayti Eesawe machchiyo Baasemaatis naa nayta.
14Xiba7oones naaza naa Aanay yelida Oholibaami attuma nayti hayta; iza Eesawes Ya7uushe, Ya7ilaamenne Qoore yeladus.
15Eesawe yeletaa zereththa halaqati hayssafe kaalli xaafettidayta. Eesawes bayra naa Elfaaze attuma naytas halaqa gididayti Temaane, Omaare, Xefo, Qenaaze, 16Qoore, Ga7itaamenne Amaaleeqe; Eedoome biittan Elfaazey yelida halaqati hayta; hayti wuri Aadis naa nayta.
17Eesawe naa Era7u7eele attuma naytas halaqa gididayti Nahaate, Zaraahe, Shammahanne Miizahe; Eedoome biittan Era7u7eeley yelida halaqati hayta; istti Eesawe machcho Baasemaatis naa nayta.
18Eesawe machchiyo Oholibaami attuma naytas halaqa gididayti Ya7uushe, Ya7ilaamenne Qoore; istti Aana naa, Eesawe machchiyo Oholibaamippe yelettida halaqata.
19Hayti Eedoome geetettiza Eesawe attuma naytassinne istta zereththatas halaqata.
Seyre Yeleta
(1Taari 1:38-42)
20Eedoome biittan diza Hoore Seyre attuma nayti hayssafe kaalli xaafettidayta; heytikka Looxaane, Shobaale, Xiba7oone, Aana, 21Dishoone, Exeerenne Dishaane; isttika Eedoome biittan diza Seyre attuma nayti, Hooreta halaqata.
22Looxaane attuma nayti Hoorenne Hemaane; Looxaane michchiya Teminaa7o.
23Shobaale attuma nayti Aliwaane, Manahaate, Eebaale, Shefanne Oonname.
24Xiba7oone attuma nayti Aayanne Aana; Aanaykka bazzon ba aawa Xiba7oone hareta heemmishe xabala haath demmidayssa.
25Aana nay Dishoone; naya qasse Oholibaamo.
26Dishoone attuma nayti Hemdaane, Eshibaane, Yitiraanenne Kaaraane.
27Exeere attuma nayti Bilihaane, Za7iwaanenne Aqaane.
28Dishaane attuma nayti Uuxenne Araane.
29Hooreta halaqati haytantta; Looxaane, Shobaale, Xiba7oone, Aana, 30Dishoone, Exeerenne Dishaane. Hayti Seyre biittan ba qommon qommon shaakettida Hooreta halaqata.
Eedoome Kawota
(1Taari 1:43-54)
31Isra7eelen kawoy kawotanaappe kase Eedoome biittan kawotida kawoti hayssafe kaalli xaafettidayta.
32Bi7oore naa Beelay Eedoomen kawotides; iza katamaa sunththi Dinaabe geetettees.
33Beelay hayqqiin Booxirappe yida Zaraahe nay Yobaabey kawotides.
34Yobaabey hayqqiin Temaane biittafe yida Hushamey kawotides.
35Hushamey hayqqiin Midiyaame asata Mo7aabe biittan xoonida Badaade naa Hadaadey, kawotides; iza katamaa sunththi Awite geetettides.
36Hadaadey hayqqiin Maasireeqeppe yida Samilay kawotides.
37Samilay hayqqiin shaafa achchan diza Erahooboteppe yida Sha7uley kawotides.
38Sha7uley hayqqiin Akiboore naa Ba7aali-Hanaaney kawotides.
39Akiboore naa Ba7aali-Hanaaney hayqqiin Hadaarey kawotides; iza katamaa sunththi Paa7u geetettees; iza machchiya Mezahaabe nayo Maxireeda yelida Mahexabi7eelo geetettawus.
40Eesawe yeleta halaqati ba qommon qommon ba sunththan sunththan haytantta; Teminaa7e, Aliwa, Yeteete, 41Oholibaame, Eela, Pinoone, 42Qenaaze, Temaane, Mibizaare, 43Magidi7eelenne Iraame. Haytanti ba haariza biittan, ba dizason Eedoome halaqata. Hayssi Eesawey Eedoometa aawa.
Okuqokiwe okwamanje:
Medheteththa Maxaafa 36: GM
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The Word for the World International