Medheteththa Maxaafa 33
33
Eesawera Yaaqoobe Gayteth
1Yaaqoobey dhoqqu gi xeellidi Eesawey 400 as banara ekki yizayssa be7ides; hessa gishshas nayta Liyas, Eraheelissinne nam7u aylletas shaakki shaakki immides. 2Ashkaratanne istta nayta sinththan Liyanne izi nayta isttafe guyen Eraheelonne Yooseefe wurseththan woththides. 3Gido attiin izi ba baggara ubbaafe sinththe aadhdhidi ba ishaakko matida wode laappunto ziggides.
4Eesawey gidikko izara gaagganaas woxxidi iza qoodhe bolla xaaxettidi yeerides; nam7atikka yeekkida. 5Hessafe guye Eesawey dhoqqu gi xeellidi maccassatanne nayta be7idi, «Ha nenara dizayti oonanttee?» gi oychchides.
Yaaqoobey izas, «Hayti Xoossi ne aylles taas ba kiyateththan immida nayta» gides. 6Hessafe guye aylleti ba naytara shiiqidi iza sinththan ziggida. 7Kaallidi Liyaynne izi nayti yiidi ziggida; wurseththan Yooseefeynne Eraheela yiidi ziggida.
8Eesawey, «Sinththan tanara gaaggida mehey wuri aaza mehee?» gi oychchides.
Izikka, «Ta godoo! Hayssi ne tana ufayssan mokka ekkanaassa» gides.
9Eesawey, «Ta ishoo! Taas daro haaroy dees; ne miishshi nees gido» gides.
10Yaaqoobey, «Akkay, ha7i ne tana mokka ekkanaa gidikko ta nees immizayssa ekka; ne tana siiqon mokka ekkishin ta be7idayssa Xoossa ayfeso be7ida mala qoodays. 11Xoossi ba kiyateththan ubbaa kunththi taas immida gishshas koshshizaazi ubbay taas dees; ta nees immizayssa ekkarkkii» giidi Yaaqoobey minththi shoobbida gishshas Eesawey izi gidayssa ekkides.
12Hessafe guye Eesawey, «Denda ane boos; tanikka inttenara issife baana» gides.
13Gido attiin Yaaqoobey iza, «Ta godoo! Ne be7iza mala nayti shugo gididayssa ne eraasa; qasse tani galo maratanne guuththa laaqqata dhanththiza dorsatanne miizata naagana koshshees; istti elle elle laaggiko meheti wuri issi gallas hayqqi wurana. 14Hessa gishshas ta godoo neni taappe sinththatada ba; ta sinththan diza meheynne nayti hemettana dandayza keena hemettidi nenara Seyren gayttana» gides.
15Eesawey iza, «Histtiko tani ta asaappe guuththata nees ashshays» gides.
Gido attiin Yaaqoobey iza, «Hessi ayssee? Tani ta godaa sinththan bonchchettidayssi taas gidana» gides.
16Hessa gishshas Eesawey he gallas Seyre simmi bides. 17Gido attiin Yaaqoobey Sukoote bides; heen baas keeth keexxides; ba mehetaska aqizaso giigsides; hessa gishshas he sohoza Sukoote#33:17 Sukoote: Sukoote guussi Ibraaweta qaalara, «Daase woykko aqoso» guussa. gi sunththides.
18Yaaqoobey Mesphexoomiyappe simmida wode Kanaane biittan diza Seekeeme giza katama saron gakkides; katamays sinththa baggara diza dembaan dunkaani uttides. 19Ba Dunkaaneza tolida gadeza Seekeeme aawa Emoore naytappe 100 saqile biran shammides.#Iya 24:32; Yoha 4:5 20Heen yarshosoho keexxidi iza, «Xoossi Isra7eele Xoossa» gi sunththides.
Okuqokiwe okwamanje:
Medheteththa Maxaafa 33: GM
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
The Word for the World International