Tatanigaina 5
5
Ira Pagusu Ka Adamu
1Iahi mu ia tuturina ia pagusu ka Adamu.
Ka ia fafata va vuhari ira noni God, manei neke riva taghe taghonai neke ghua ghidi. 2Manei neke va vuha mane, ghaseri nia vanadi veha tuna neke ghua. “Noni” neke ghua ghidi ghu va kudo ghidira.
3Ka ia 130 komuhuna Adamu, manei neke kurui kaike tuunamane taghe hihilina taghonai e ghua, Seti neke ghua ghini ghu baolina. 4Leghuna Seti mu, Adamu neke au laoni keha 800 komuhu. Manei neke kurui haro keha tuunamanera nia tuuna ghasera, 5nia leme tuna ka ia age 930 komuhuna, neke ghua.
6Ka ia age 105 komuhuna Seti, manei neke kurui kaike tuunamane babaolonana Enosi. 7Leghuna ia dolina Enosi, Seti neke au laoni keha 807 komuhu. Manei neke kurui haro keha tuunamanera nia tuunaghasera, 8nia leme tuna ka ia age 912 komuhuna, neke ghua.
9Ka ia 90 komuhuna Enosi, manei neke kurui kaike tuunamane babaolonana Kenani. 10Leghuna ia dolina Kenani, Enosi neke au laoni keha 815 komuhu. Manei neke kurui haro keha tuunamanera nia tuuna ghasera, 11nia leme tuna ka ia age 905 komuhuna, neke ghua.
12Ka ia 70 komuhuna Kenani, manei neke kurui kaike tuunamane babaolonana Mahalaleli. 13Leghuna ia dolina Mahalaleli, Kenani neke au laoni keha 840 komuhu. Manei neke kurui haro keha tuuna manera nia tuuna ghasera, 14nia leme tuna ka ia age 910 komuhuna, neke ghua.
15Ka ia 65 komuhuna Mahalaleli, manei neke kurui kaike tuunamane babaolonana Zaredi. 16Leghuna ia dolina Zaredi, Mahalaleli neke au laoni keha 830 komuhu. Manei neke kurui haro keha tuuna manera nia tuuna ghasera, 17nia leme tuna ka ia age 895 komuhuna, neke ghua.
18Ka ia 162 komuhuna Zaredi, manei neke kurui kaike tuunamane babaolonana Inoke. 19Leghuna ia dolina Inoke, Zaredi neke au laoni keha 800 komuhu. Manei neke kurui haro keha tuuna manera nia tuuna ghasera, 20nia leme tuna ka ia age 962 komuhuna, neke ghua.
21Ka ia 65 komuhuna Inoke, manei neke kurui kaike tuunamane babaolonana Metusela. 22Leghuna ia dolina Metusela, Inoke neke ghahe kapa taremehana God 300 komuhu nia neke nakairi haroni keha tuuna manera nia tuuna ghasera. 23Ia kamotona doli ka Inoke neke au dufu ka 365 komuhuna. 24Manei neke au kapa taremehana God, nia age ogoro tuna neke ghua, vununa God neke hio ghaheina manei.
25Ka ia 187 komuhuna Metusela, manei neke kurui kaike tuunamane babaolonana Lameki. 26Leghuna ia dolina Lameki, Metusela neke au laoni keha 782 komuhu. Manei neke kurui haro keha tuuna manera nia tuuna ghasera, 27nia leme tuna ka ia age 969 komuhuna, neke ghua.
28Ka ia 182 komuhuna Lameki, manei neke kurui kaike tuunamane, 29Noa neke ghua ghini ghu baolina ghe neke kahe ghua nga iahi, “Ka ia toraina kava neke tibirinio Iahova, rekaha iahi e age vanada maghoso ka ira leghu riva ngazuluai nga ghita,” 30Leghuna ia dolina Noa, Lameki neke au laoni keha 595 komuhu. Manei neke kurui haro keha tuuna manera nia tuuna ghasera, 31nia leme tuna ka ia age 777 komuhuna, neke ghua.
32Ka ia fafata neke to age 500 komuhunao Noa, manei neke kurui lito tuunamane, babaolodira Semu, Hamu nia Zafeti.
Okuqokiwe okwamanje:
Tatanigaina 5: kji
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2022, Islands Bible Ministries. All rights reserved.