Mattheu 10
10
Mattheu 10
1Eitse hobane a bitse barutuwa ba hae ba leshome le metso e mmedi, a ba nea matla a ho leleka meya e ditshila, le ho fodisa malwetse wohle le mefokolo yohle.
2Mabitso a baapostola ba leshome le metso e mmedi ke ana; Wa pele ke Simone, ya bitswang Petrose, le Andrease, ngwanabo; Jakobo, mora Sebedea, le Johanne ngwanabo;
3Filipi le Bartholome; Thomase, le Mattheu molekgetho; Jakobo, mora Alfea, le Lebea, ya bitswang Thaddea;
4Simone wa Mokanana, le Judase Iskariota, ya ileng a mo eka.
5Bao ba leshome le metso e mmedi bao Jesu a ba roma, a ba laela, a re: Le se ke la ya ka tsela ya baditjhaba, mme le se ke la kena motseng ofe kapa ofe wa Basamaria.
6Empa le mpe le ye ho dinku tse lahlehileng tsa ntlo ya Iseraele.
7Ha le ntse le tsamaya, le bolele, le re: ’Mmuso wa mahodimo o atametse.
8Folisang ba kulang, le tsose bafu, le ntlafatse balepera, le leleke batemona; le amohetse feela, le fane feela.
9Le se ke la fana ka kgauta, kapa silefera, kapa koporo dikgetjheng tsa lona;
10leha e le mokotla wa leeto, kapa dikojwana tse pedi, kapa dieta, kapa lere;
11Ha le kena motseng, kapa motsaneng ofe kapa ofe, le botse hore na ke mang ho wona ya nang le tokelo; le dule teng ho fihlela le tloha.
12Etlare ha le kena tlung, le e dumedise;
13Haeba ntlo eo e loketse, kgotso ya lona e ke e be hodima yona;
14E mong le e mong ya sa le amoheleng, leha e le ho utlwa mantswe a lona, etlare ha le etswa tlung eo, leha e le motseng oo, le hlohlore lerole maotong a lona.
15Kannete ke re ho lona: Ho tla ba bonolo bakeng sa naha ya Sodoma le Gomora ka letsatsi la kahlolo ho feta ya motse oo.
16Bonang, ke le roma jwaloka dinku hara diphiri;
17Empa le iponele ho batho, hobane ba tla le neela makgotleng, ba le shape masinagogeng a bona;
18Le tla isoa pela babusisi le marena ka baka la ka, hore e be bopaki ho bona le ho Baditjhaba.
19Empa etlare ha ba nehelana ka lona, le se ke la tshwenyeha hore na le tla bua jwang kapa eng, hobane seo le tla se bua le tla se newa ka yona nako eo.
20Hobane ha se lona ba buang, empa ke Moya wa Ntata lona o buang ka lona.
21Ngwanabo motho o tla nehelana ka ngwanabo lefung, le ntata motho a nehelane ka ngwana lefung, mme bana ba tla tsohela batswadi ba bona matla, ba ba bolaye.
22Le tla hlouwa ke batho bohle ka baka la lebitso la ka; empa ya tiisetsang ho isa qetellong, ke yena ya tla bolokeha.
23Empa ha ba le hlorisa motseng ona, le balehele ho o mong;
24Morutuwa ha a moholo ho moruti wa hae, le mohlanka ha a moholo ho morena wa hae.
25Ho lekane hore morutuwa a be jwaloka moruti wa hae, le mohlanka jwaloka morena wa hae. Haeba ba bitsitse monga ntlo Beelsebule, na ba tla bitsa ba ntlo ea hae hakaakang!
26Ka baka leo, le se ke la ba tshaba; mme e patilweng, e ke keng ya tsejwa.
27Se ke le bolellang sona lefifing, le se bue leseding;
28Le se ke la tshaba ba bolayang mmele, empa ba sa kgone ho bolaya moya, le mpe le tshabe ya nang le matla a ho timetsa moya le mmele diheleng.
29A dithaga tse pedi ga di rekisiwe ka sente? mme e nngwe ya tsona e ke ke ya wela fatshe kantle ho Ntata lona.
30Empa esita le moriri wa dihlooho tsa lona o badilwe kaofela.
31Ha ho le jwalo, le se ke la tshaba, hobane le ba bohlokwa ho feta dirobele tse ngata.
32E mong le e mong ya bolelang hore o teng pela batho, le nna ke tla mo bolela pela Ntate ya mahodimong.
33Empa e mong le e mong ya tla ntatola pela batho, le nna ke tla mo latola pela Ntate ya mahodimong.
34Le se ke la nahana hore ke tlile ho tlisa kgotso lefatsheng;
35Hobane ke tlile ho qabanya motho le ntatae, le moradi le mmae, le ngwetsi le matsalae.
36Mme baba ba motho e tla ba ba ntlo ya hae.
37Ya ratang ntatae kapa mmae ho mpheta ha a ntshwanela; le ya ratang mora kapa moradi ho mpheta ha a ntshwanela.
38Le ya sa nkeng sefapano sa hae, mme a ntatela, ha a ntshwanela.
39Ya fumanang bophelo ba hae o tla timellwa ke bona, mme ya lahlehelwang ke bophelo ba hae ka baka la ka o tla bo fumana.
40Ya le amohelang, o a nkamohela, mme ya nkamohelang o amohela ya nthomileng.
41Ya amohelang moporofeta, kahobane e le moporofeta, o tla fumana moputso wa moporofeta; mme ya amohelang ya lokileng, kahobane e le ya lokileng, o tla fumana moputso wa ya lokileng.
42E mong le e mong ya nosang e mong wa ba banyenyane bana mohope feela wa metsi a batang, kahobane e le morutuwa, kannete ke re ho lona: A ke ke a timellwa ke moputso wa hae le ka mohla o le mong.
Okuqokiwe okwamanje:
Mattheu 10: SothoNT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Copyright of City Bible Foundation in cooperation with Baasraak Bible Translation from Baasraak Media © 2023.
